ISAIAH 34:8 - Cho Bible Common Language 2016

⁸ Cun cu Bawipa naw Zion a gun nak la aga gui ah khan ah phu atuk nak ah akhin ah kyak khai.

ISAIAH 34:8 Referans Kwoze

ISAIAH 63:4

Kei ah ka chang gui hun nak gui vai ah akhin cu gawk lawk ci nei, ciah kei naw ka k’bäi ci: cun cu ami ga gui m’kyuk nak gui vai ah akhin ah kyak ci —

ISAIAH 61:2

Bawipa naw a chang gui a hun nak vai la Ami ga gui a tuk hnim nak gui vai ah akhin cu gawk law pyi ci nei, cine ng’thu ka shäu vai ah kei cu na tüi ci. Thüi kyap ci gui ami van k’büi gui vai ah kei cu na tüi ci,

JEREMIAH 46:10

Shin cu m’gäi ciah uktu Bawipa ah hnüüp ah kyak ci nei; tuh ngawi ani naw phu tuk khai; tuh ngawi ani naw aga gui m’kyuk khai nei. Ani ah khimsen naw abe güt ung ei gui khai, a kyä güt ah ami si aw gui khai nei. Tuh ngawi m’gäi ci naw a ghuh ng’tha nak vai awn khawihnah ci nei. Asiip täng Euphratis ung ah kyak ci nei.

ISAIAH 35:4

Am lung thüi ciah changnü m’thein ä, “Khüi ghaat vä, kä kyi en vä! Khanpughi cu ning hun gui khai ah lawk ci nei, nami ga gui m’kyuk khai ah lawk ci nei.”

SAM 94:1

Bawipa, nang cu m’kyuk ciah Khanpughi ah na kyak ci; na m’lungshe nak cu ng’leet law sak ä!

THU PHLAAN 19:2

Ani ah m’khoichaa nak cu ng’düng ne ng’khän ci nei. Ashetkat nak awn khomdek chang gui cheishoh sak gui ciah pletbeng ciah hnumi cu m’kat pyi ci nei. Ani naw Khanpughi ah chang gui a ngawn ah phäh ah Khanpughi naw am kat ah kyak ci nei” cine m’lau ci gui.

THU PHLAAN 18:20

Khankho chang gui cun ah mang gaw adi ah phäh ah yei vä, Khanpughi ah chang gui ang düihpüi gui, purofet gui yeikyai vä! Ani naw nangmi ah khan ah abi phung phung ah hmawk ah Khanpughi naw ani cu m’kat pyi ci nei.

THULÄÄN NAK 32:35

Bawipa naw phu tu ne ngami cu m’kyuk gui khai, Ngami ami yung kyak nak ah khin gawk lawk khai. Ami ng’yiin nak vai ah hnüüp cu ng’et lawk ci.

ROMAN 2:5

Cun ung phi nang cu lingkeng ciah nam lung om ci, Cun ah kya sei, Khanpughi ah m’lung she nak la düng ciah m’khoichaa nak a gawk law hnüüp ung, nang cu nuipai ciah shet m’kat nak na gah khai.

LUKA 18:7

Khanpughi naw akchang gui cu, am gein gui vai ah amü akhnüüp m’lau ne ami ng’yoih ung kä m’khoichaa gui ah om khai ang? Ani naw ngami am gein gui vai ah düngyeng düt khai ang? Kei naw akcang ka pyein cu;

MIKHAH 6:1

Israel hnungtuk püi ciah Bawipa ah thushai cu ngai vä! Tho law, O Bawipa, na thushai cu m’dang ä. Khomhtung gui, khogui gui am a i na pyen cu ng’yak sak gui ä.

ISAIAH 49:26

Nangmi ning zawshe na gui ci cu, ami mät ng’ngawn tuk khai gui ah ka ci gui khai nei; Ngami naw ami mät ah si cu zu ah mäih ah awk tat khai gui nei. Hnicim chang avan naw kei cu, ning hun gui ne, ning m’hlawt gui ciah Bawipa ah hmat khai nei. Ngami naw, kei cu Israel gui ah huham ah ciah khanpughi ah na hmat khai gui nei.”

ISAIAH 26:21

Bawipa cu khankho a om nak ung ka, khomdek chang gui ami kmakat ah phäh ah m’kat gui khai ah kyum lawk ci nei. Khomdek khan ung m’zih ne chang ngawn nak phung cu ng’dang ling khai nei, ami ngawn ah chang cu khomdek naw kä m’zih ba khai nei.

THU PHLAAN 14:11

Cun ah meidäi ungka meikhu cu angtäi ah khu ne kai khai nei. Khiküi la a gup khawihnah ne ani ah ming awn m’hnüt nak gah ciah chang gui cu, amü ak hnüüp dinggei nak kä om khai nei” cine m’lau ci.

ISAIAH 13:6

M’neh m’awk ne ng’hlo ei vü! Bawipa ah kho hnüüp cu ng’et ci nei, m’gäi ci naw m’di nak a law püi nak ah hnüüp nei.

ISAIAH 47:3

Chang gui naw nang cu k’plui ci sei ning hmuk khai gui; Zungkia ne lü ng’aa ci sei ning hmuk khai gui. Kei naw phu ka tuk khai, a u naw kä na ma na hlawt khai.

HOSEA 9:7

M’kyuk nak ah akhin cu gawk lawk ci nei. Chang gui naw ami gah vai cu gah khai gui. Cun gui a gawk law ung Israel gui naw hmat khai gui. Nangmi naw nami pyen ci, “Shin ah prophet cu ak gu nei. Shin ah mümcha naw akbe ah chang cu ak gu ah kyak ci nei.” A i ah kyasei ci ung nami kat nak cu dishum aih ci nei.

JOEL 3:4

“Tire, Sidon la Philistia avan, kei ah khan ah a i bi vai ah ang nami tha nak? Kei am a i baw nami na pe ba khai ah nami tha na ne ang? Nami tha nak ah a kyak ung, kei naw ang ghit ah ka ning pe ba gui khai!

ISAIAH 13:9

Bawipa ah hnüüp cu law sang ci nei — cun cu ani ah am lungshe nak la amlungso nak ah hnüüp she ah kyak ci nei. Khomdek cu khaw käu ah kyak khai, shetkat nak bik ciah chang pang cu m’di khai nei.