ISAIAH 34:7 - Cho Bible Common Language 2016

⁷ Chang gui cu seipat k’zäng ah mäih, vantang nong ah mäih ah kyu ne ng’täng khai gui, khomdek cu si bäng ah sen ne, ami thai naw küm khai.

ISAIAH 34:7 Referans Kwoze

SAM 68:30

Tui hmuk ciah pyasa ah mäih ah kyak ciah Egypt gui cu m’cäi gui ä, sei nget gui ah kya ne ami hto gui awn om ci gui ah pakhui gui cu m’cäi gui ä, ngami cu ng’ui law püi ne kä ami m’khukdong pha güt m’cäi gui ä. Ng’tuk vai m’hni ciah cun ah chang gui cu k’püi gui ä!

KHEI NAK 23:22

Khanpughi naw Egypt ungka law püi ba gui ci. Phawngsei ah mäih ah ani naw ngami ah phäh ah ng’tuk bik ci.

JEREMIAH 50:27

Ami gakap gui avan ngawn vä! ngawn gui yawp vä! Babilonia Chang gui cu ng’ziin pyi ci gui nei!

JEREMIAH 50:11

Bawipa naw pyen ci, “Babilonia chang gui, kei ah ka pakhui cu nami na gut ci nei. Nangmi cu htang leh ciah seipat ah mäih, hi ciah ng’se ah mäih ah nami yeikyai ci,

JEREMIAH 46:21

Ani naw ang vah ah gakap gui cu am gein kaa ah kyak ciah seihta ah mäih ah kyak ci gui nei. Ngami cu kä ng’düi hlawt, kä ng’tu hlawt ci gui; ami van ng’hlat ne dawng ci gui. Ami ng’ziin nak ah hnüüp, ami di nak ah akhin cu gawk lawk ci nei.

SAM 92:10

Nang naw kei cu pyawng ah mäih ah na gai sak ne, yeikyai nak hriham na na pek ci.

THULÄÄN NAK 33:17

Joseph cu vantang ah mäih ah ak thagui om ci, sei nget ah mäih ah aki gui om ci, Ani ah ki gui cu Manasseh ah phia gha ah kyak ci. Cun kawn ah Ephraim ah phia phia ah kyak ci. Acun awn ani naw pakhui gui su gui ci. Khomdek ah a cawi ah khüt khai ah ani naw buh gui ci.

KHEI NAK 24:8

Khanpughi naw Egypt khaw ungka law püi ba gui ci. Ani naw ngami mi ah phäh ah phawngsei ah mäih ah ng’tuk bik ci. Ngami naw ami ga cu kyeim sak ci gui. Ami guh gui deng gui ci gui, ami m’la gui phai gui ci gui.

SAM 22:21

Kawng gui ah m’gawng ung nak phyawn nä; Shin ah se nget gui ung kei nak phyawn khai kä om ci nei,

ISAIAH 63:6

Ka m’lungshe nak awn, chang pakhui avan cu neen gui ne ka khui sak sak gui ci. Kei naw ngami ah ami hnun-si m’dek ung ka huk ci.”

JEREMIAH 25:34

Kyap vä, nangmi angvai gui, ka chang gui htome sham gui, m’lau ne kyap vä! Thüisei ne m’vut ung ng’tah vä. Ami ning ngawn nak gui vai ah akhin gawk lawk ci nei, nangmi cu htome khla ah mäih ah ning ngawn gui khai gui nei.

EZEKIEL 32:6

Kei naw nangmi ah si gui cu khomhtung gui ah khan avan ung ng’phiang ne, tuihta gui ung a be güt ka yuk lawn khai.

EZEKIEL 39:17

Uktu Bawipa naw na pyen nak ci, “Hnicim chang, shin ah ang veing avan ungka, kha gui la khisa gui avan cu, kei naw ka pyan pek gui ah khawihnah nak ami ei law vai ah khü gui ä. Cun cu Israel khomhtung khan ah dämduh ciah ei ah kyak khai nei, acu ah ngami naw sa ei ne si awk khai gui nei.

EZEKIEL 39:18

Ngami naw gakap gui ah ami pumsa gui cu ei u ne, khomdek khan ung uktu gui ah si cu awk khai gui. Cun gui ami van cu htomehta, htome hla, me, plan ciah vantang gui ah mäih ah ami ngawn gui ah kyak khai.