ISAIAH 34:5 - Cho Bible Common Language 2016

⁵ Bawipa naw akhimsem cu khankho ah pawng püi ge ci, ani naw m’di gui vai ah am kyuk pyi ah kho chang Edom kho cu tuhbäi tuk khai.

ISAIAH 34:5 Referans Kwoze

JEREMIAH 46:10

Shin cu m’gäi ciah uktu Bawipa ah hnüüp ah kyak ci nei; tuh ngawi ani naw phu tuk khai; tuh ngawi ani naw aga gui m’kyuk khai nei. Ani ah khimsen naw abe güt ung ei gui khai, a kyä güt ah ami si aw gui khai nei. Tuh ngawi m’gäi ci naw a ghuh ng’tha nak vai awn khawihnah ci nei. Asiip täng Euphratis ung ah kyak ci nei.

MALAKHI 1:4

Esau ah hta ng’shon Edomit gui naw “Mi gawnu gui cu di pyi ci, cun ung phi mi co ba khai” ami ci ung, Bawipa naw, “Co ba u sä — kei naw ka phyet pe ba gui khai nei. Chang gui naw ‘khawshe khaw’ ah khü gui khai, ‘Bawipa naw angtäi sei amlung she nak ah pakhui ah kyak khai gui nei’ ” cik ci.

ISAIAH 63:1

“Edom khaw, Bozrah mang gaw ung lawk ciah chang cu a u ang? A sen ak kyom ah sui ne, huham la k’thamah nak awn ma tawn lawk cicu a u ang?” Hun nak vai awn be ne, a näng nak ng’shäu khai ah lawk ci cu, Bawipa nei.”

MATTHE 25:41

“Cun kawn ah ghangpughang naw ak eng lam ah om ciah chang gui-am, ‘Thüi sei nak om ciah chang gui, shin ungka düi law ne, hteit vä, khoshe gui la ami khah püi gui ah hmawk ah pyan ah m’hteimei lam ung yu kya vä.

ZEPHANIAH 2:12

Bawipa naw Sudan chang gui phi m’sih gui khai.

JEREMIAH 47:6

Nangmi naw m’lau u ne, ‘BAWIPA ah khimsem, Nang naw a i güt na tu aat khai ang? Khim käp khui ah lut ba ne a düm ah om mä!

ISAIAH 24:6

Cun ah kyasei khanpughi naw khomdek khan ung plah taam nak gawk sak ci. A chang gui naw bi ah phu cu pek ci gui. Ken law pi, ken law pi cicu k’pawih lawk ci gui.

SAM 137:7

Bawipa, Jerusalem cu tuh ne ami khäm yah ung Edomit gui ah bi cu shüm ba ä. “M’dek ah khüt khai ah tu ne m’cin vai nei!” ami cicu shüm ba gui ä.

SAM 17:13

Bawipa, kyum law ä! Ka gaa gui cu ng’tuk püi gui ne m’htin gui ä! Changshe gui ung ka, na chim ghaat awn na hun ä;

THULÄÄN NAK 32:14

Ami seipat gui la me gui naw suuktui akda pek ci gui, Nangmi ung htome aknipi, me aknipi, sei ani pi om ci. Ami htang la ami sapyit phi aknipi ah kyak ci.

THU PHLAAN 1:16

Ani cu akpat lam ah aisi pachih kawt ne, am gawng ung vangah-vei ghaat ciah khim lut lawk ci. A hmai cu hnüüp lunglai ung hni ng’liing ah mäih ah ng’shü ci.

2 PETER 2:14

Ngahmi cu hlahhlawng ciah hnumi bäng teng hlü u ne, a i awn käng büh hlawt ci gui. Ngami naw ayum nak kä htek cicu m’vam ung kyak sak ci gui, ami m’lung naw a i baw m’hni aih ci, Ngahmi cu Khanpughi ah k’phyun nak gah ci gui!

KALATIAN 3:10

Thukhän läk vai bäng ngaih u ci gui cu acun naw kyuk gui ci. Cacim theing ung, “Thukhän ca uk ung ami guk phung kä läk ciah chang cu Khanpughi naw m’kyuk ci,” ciah om ci.

1 KORIN 16:22

A u chang phi Bawipa kä m’hni ci phung cu — kyuk sä! Marana tha — Kami Bawipa Kyum law ä!

ISAIAH 43:28

Ning uk ci gui naw ka theingcim hmun lelawi sak ci gui. Cun ah kiasei Israel gui m’di nak gui vai ka law püi ci; kei naw ka chang gui ami päipih vai ah ka kyak sak gui ci.”

ISAIAH 65:12

Shin cu nangmi ah ma hmat nak ah kyak ci, nangmi cu ng’sai ung nami sik khai, a i ah kyasei ci ung kei naw ka ning khü gui ung kä nami na m’shang ci, kei naw thu ka pyen ung kä nami ngai ci. Kei kä na ngai ne akshe bi vai u nami ghü ci.

EZEKIEL 32:29

“Edom cu a ghangpughang gui la uktu gui awn a cu ah om ci gui. Ngami cu huham ah ciah gakap gui ah kyak ci, cun ung phi ngami cu, ng’tuk nak ung ami ngawn gui ah vun-ah nak kä bik ci gui awn atäng ah sih nak ah khaw ung ng’zän ci gui.

EZEKIEL 35:1

Bawipa naw na ng’thu püi ci,

EZEKIEL 35:8

Kei naw khomhtung gui cu gook awn ka küm khai, ng’tuk nak ung ami ngawn gui ah pumsa gui naw khogui, khongnawi gui cu be sak khai.

EZEKIEL 35:15

cun cu kei, ka mät ah kaa, Israel a shiu yah ung nang na yeikyai ah mäih ah kyak ci. Seir khomhtung gui, Edom khaw avan cu shiu khai nei. Cun ung chang nü naw kei cu Bawipa ah na hmat khai.”

ISAIAH 21:11

Shin cu Edom ah mawng thumkhäh ah kya ci. Edom ung ka tumat mat naw na khü ci, “Ngäng ci aw, khawmü cu a i hawkehaa ng’pyi khai aw? A i chawk cha a ng’pyi vai cu kei am vam thin ä.”

EZEKIEL 36:5

“Kei, uktu Bawipa naw, angveing ung pakhui gui la aktung pi ah Edom cu hnungtuk püi ne, ka m’lungshe nak ak hlüngpi awn ng’thu ka pyen ci nei. Ngami naw yeikyai nak la khokätä nak awn kei ah khaw cu tu ne khäm u ne, ka khaw la khulim khaw gui phi kaa nak ci gui nei.

ZEPHANIAH 1:7

Bawipa naw am khoicha nak vai ah hnüüp cu ng’et lawk ci nei. Cun ah kyasei ama ah kawp yawp vä. Bawipa naw ghutha nak vai ah a chang gui pawng püi ne, Judah gui tu gui khai ah ga gui khü gui ci.