ISAIAH 34:3 - Cho Bible Common Language 2016

³ Ngami ah gook gui cu a u naw kä phuh gui khai, awn ung ng’zäu ne thu ne ng’eng khai gui, khomhtung gui cu si bäng ah sen khai gui.

ISAIAH 34:3 Referans Kwoze

JOEL 2:20

Kei naw asiip lam ah ka lawk ciah khanpeh gui cu ka gawt khai am shah cu khong gau khaw ah ka k’täm gui khai. Ma ciah a khawng gui cu tuisi tuinu ung ka täm gui khai, am shah akhawng gui cu Mediteranean tuinu ung lut khai gui. Sik ciah pumsa gui cu hniim khai gui. Nangmi ah khan ah ami bi avan ah phäh ah kei naw ka m’di gui khai.

EZEKIEL 39:4

Kok la a gakap gui, la ang khawt püi gui cu Israel khomhtung khan ah kyi ne sik khai gui, ngami ah pumsa gui cu kha gui avan la khisa gui ah ami ei vai ah kyak khai.

ISAIAH 34:7

Chang gui cu seipat k’zäng ah mäih, vantang nong ah mäih ah kyu ne ng’täng khai gui, khomdek cu si bäng ah sen ne, ami thai naw küm khai.

THU PHLAAN 14:20

Sapyit cu manggaw ah akpung ah neen u sei, neen nak ah khui ungka si ng’hlui lut law ne long ci. Cun ah si cu mäng phiaa goi ung long ne, dawng hmaa ah thuuk ci.

AMOS 4:10

“Kei naw leigai tumat cu Egypt gui ah khan ah ka chah ah mäih ah ka yuk chah ci. Kei naw nami chang nong gui ng’tuk nak ung ngawn gui ne, nami ng’se gui cu ka k’täm ci. Nami hmun ung sik ciah ak thu gui awn nami hna cu ka be sak ci. Cun güt ung nangmi kei ah kä nami law ba ci.

EZEKIEL 39:11

Bawipa naw pyen ci, “Cun gui avan a kyak law ung, kei naw Kok am Israel khaw ung phuh hmun ka pek khai, cun cu Tuisi Tuinu ah ak kiang täng lam hteit gui ah khong nawi ung ah kyak ci. Kok la a gakap gui avan cu acun ung phuh gui khai gui, cun ah khong nawi cu “Kok ah gakap gui ah khong nawi ah khü khai gui.

EZEKIEL 38:22

Kei naw ani cu gawpyam nak la silon nak awn ka m’kyuk khai. Ani la agakap gui, ani täng ah kya tuk ciah pakhui akda gui ah khan ah khoaa nu la gäinu, ah kyak ciah zummei däi la sulphur cu ka yuk lawn khai.

EZEKIEL 35:6

Cun ah kyasei — akcang ah kei cu uktu Bawipa, ghing ciah Khanpughi ah ka kyak ci — nang naw sih nak na ma nak khai, kä na phiawn na hlawt khai. Nang naw chang ngawn ne katnak na bik ci, chang ngawn nak naw ning läk lawk khai.

EZEKIEL 14:19

“Kei naw cun ah khopäng ah khan ah leigai tüi law ne, ka m’lungshe nak awn ghin nak akda la ne, Chang gui la sei me gui ka ngawn ah a kyak ung,

JEREMIAH 22:19

Ng’sela asih ung ami ciah mäih ah ani cu saw ne hteh püi ne, Jerusalem m’kawt ah akpung ah ghawt khai gui nei.

ISAIAH 10:4

Nangmi cu ng’tuk nak ung ning ngawn gui khai gui, käcung thawngkyum ah pha ne ning kaih gui khai gui. Cun ung phi Bawipa m’lungshe nak cu kä ng’pyi khai, ani naw a kut cu m’kyuk nak vai ah shäng lä khai.

ISAIAH 66:24

Ngami ami hteh ba ung, kei na hnungtuk küknet püi ci gui ah ami gook gui cu hmuk khai gui. Cungui ei ciah m’kyiit gui cu kä ci phung khai gui, cun gui ui ciah mei phi kä phät phung khai. A cun gui hmuk ciah hnicim chang avan cu shemshai gui khai. Prophet Isaih ah caa gui ng’pyi ci.

JEREMIAH 25:33

Cun ah hnüüp ung Bawipa naw a ngawn ah chang ah pumsa gui cu, khocawi vang ungka naw vang ah khüt khai ah ng’zaih ne ng’zän khai gui. Ngami ah phäh ah a u phi kä thüisei khai, a u naw phi la ne kä m’ciim gui khai. Ngami cu eek ah mäih ah m’dek ung ng’pum khai gui.

NAHUM 3:3

Ng’se ng’cum ciah gakap gui kai lawk ci gui, Tui ciah khim, pyü ciah k’htei kawt ci. Gook gui a hlüng ahng’pum ci, Chang si gui kä khei tai vai ah ng’yaih ci. Cun gui ah khan ah chang gui naw kai nak ci gui.

EZEKIEL 32:4

Kei naw khomdek ung ning chah ne, khomdek khan ah kha gui la khisa gui avan law püi ne ami ning ei vai ah ka cik khai.