ISAIAH 34:2 - Cho Bible Common Language 2016

² Bawipa cu chang pakhui avan la ami gakap gui avan ah khan ah m’lungshe ci nei. Ani naw m’di gui vai ah m’kyuk gui ci nei.

ISAIAH 34:2 Referans Kwoze

ZEPHANIAH 3:8

Bawipa naw, “Ging vä, pakhui gui m’di nak vai ah ka m’thawh nak ah hnüüp cu, ging vä. Pakhui gui la uknak khaw gui k’bum gui vai ah kei naw ka m’lung ka k’bäi pyi ci nei. Ka m’lungshe ah ang hüüt cu ka gah sak gui khai. Ka m’lungshe nak ah meidäi naw khomdek avan cu m’di yawp khai.

ZEKHARIAH 14:3

Cun kawn ah Bawipa naw hteit ne, cun ah pakhui gui cu, cau a tuk gui man ah mäih ah tu gui khai.

ISAIAH 30:25

Nami ga gui ah ng’tuk nak päng gui tu ne khäm u ne, päng la khogui päng ung tui gui lut law ne long khai gui.

ISAIAH 13:5

Ngami cu khomdek ah ak cawi, shounn ciah-khopäng gui ah ka lawk ci gui nei. Bawipa naw am lungshe nak awn khaw avan cu m’dishum vai ah lawk ci nei.

THU PHLAAN 20:15

Ghin nak ca-uk ung ang ming kä ng’gu tuk ciah chang gui phung cu cun ah meidäi ung yuk shum gui yawp ci gui.

THU PHLAAN 20:9

Ngami cu khomdek khan avan ung püi u ne, Khanpughi ah chang gui ah ng’düm hmun la ani ah m’hni ah mang gaw cu khaai yawp ci gui. Cun ung phi khankho ah kaa meidäi kya law ne, ngami cu ui gui yawp ci.

ROMAN 1:18

Düng nak cu chang gui naw kä ami hmat vai ah cheishoh, shetkat nak gui ah khan ah, khankho ah khanpughi ah m’lung k’she nak a gawk ah mawng cu dang law pyi ci nei.

ISAIAH 10:5

Bawipa naw, “Assiria gui! Kei naw Assiria gui cu, kei naw ka m’lungshe nak gui m’kyuk nak gui vai ah thah htung ah ka mang gui ci nei.

ISAIAH 13:6

M’neh m’awk ne ng’hlo ei vü! Bawipa ah kho hnüüp cu ng’et ci nei, m’gäi ci naw m’di nak a law püi nak ah hnüüp nei.

ISAIAH 26:20

Ka chang gui aw, nami im kyong ah lut ba vä, nami shoh khai vä. Khanpughi ah m’lungshe nak ang pyi güt akhäng hta nami ng’thuh cang vai nei.

ISAIAH 61:2

Bawipa naw a chang gui a hun nak vai la Ami ga gui a tuk hnim nak gui vai ah akhin cu gawk law pyi ci nei, cine ng’thu ka shäu vai ah kei cu na tüi ci. Thüi kyap ci gui ami van k’büi gui vai ah kei cu na tüi ci,

ISAIAH 63:6

Ka m’lungshe nak awn, chang pakhui avan cu neen gui ne ka khui sak sak gui ci. Kei naw ngami ah ami hnun-si m’dek ung ka huk ci.”

ISAIAH 65:12

Shin cu nangmi ah ma hmat nak ah kyak ci, nangmi cu ng’sai ung nami sik khai, a i ah kyasei ci ung kei naw ka ning khü gui ung kä nami na m’shang ci, kei naw thu ka pyen ung kä nami ngai ci. Kei kä na ngai ne akshe bi vai u nami ghü ci.

ISAIAH 66:14

A cun nangmi naw nami hmuh ung nangmi cu nami yei khai; a cun naw nang mi ning khüi ghat, ning gai gawng sak gui khai. Cun kawn ah nangmi naw nami hmat khai, kei cu Bawipa nei, na ngai ciah chang ka m’htei ci, ka ga gui hnung’tuk püi ne ka m’lungshe nak ka m’dang ci.”

JEREMIAH 25:32

M’gäi ciah Bawipa naw pyen ci, leigai gui cu changpakhui tumat täi ung gawk lawk ci, dämduh ciah puikhaw khi cu kho cawi ah kaa khi lawk ci nei.

JEREMIAH 25:33

Cun ah hnüüp ung Bawipa naw a ngawn ah chang ah pumsa gui cu, khocawi vang ungka naw vang ah khüt khai ah ng’zaih ne ng’zän khai gui. Ngami ah phäh ah a u phi kä thüisei khai, a u naw phi la ne kä m’ciim gui khai. Ngami cu eek ah mäih ah m’dek ung ng’pum khai gui.

PHYAWN NAK 8:14

Egypt chang gui naw k’u si gui cu k’bum u sei khaw avan ung thu ne ng’üng ci.

JOSHUA 11:20

Bawipa naw ngami am Israel gui tuk nak vai ah khüighat nak pe gui ci. Cun ah kyasei ngami ami van m’di gui vai ah am kyuk gui ah kyak ci. Ami van kä m’gein gui neami ngawn gui ah kyak ci. Shin cu Bawipa naw Moses am a thumkhän ah kyak ci.

SAM 2:5

Ani naw m’lung she ne khän gui ne, m’gäi ne kyihkyawk sak gui ci.

ISAIAH 66:16

Ani naw cheishoh u sei a hmuh ah khomdek khon chang avan cu mei la khim awn m’kyuk gui khai-chang akdaa cu ski khai gui.

JEREMIAH 25:31

Cun ah k’aw cu khocawi ah khüt ne shalawng khai. Bawipa naw changpakhui gui a hnungtuk püi nak gui vai amawng tumat om ci. Ani naw chang avan cu cet gui ne, changshe gui cu sih nak pe gui khai. Bawipa naw pyen ci.”

EZEKIEL 36:5

“Kei, uktu Bawipa naw, angveing ung pakhui gui la aktung pi ah Edom cu hnungtuk püi ne, ka m’lungshe nak ak hlüngpi awn ng’thu ka pyen ci nei. Ngami naw yeikyai nak la khokätä nak awn kei ah khaw cu tu ne khäm u ne, ka khaw la khulim khaw gui phi kaa nak ci gui nei.