ISAIAH 34:16 - Cho Bible Common Language 2016

¹⁶ Aghing gui ah mawng guk ah Bawipa ah ca uk cu teng vä, aun ah ai a ciah phat vä. Shin ah a tüisho gui ung ka, tumat phi kä maih düt khai, tumat phi apaw kä om ciah kä om khai. A cun ah a kyak vai ah Bawipa naw thumkhän ci nei; ani amät naw atäng ah law püi gui khai nei.

ISAIAH 34:16 Referans Kwoze

SAM 33:9

Ang thu m’gawng ung ka khomdek cu ng’tüisho ci, ang thum khän ung ka apäng dang lawk ci.

JOSHUA 1:8

Thukhän ca uk cu nami khawihnah nak phung ah phat vai ah nami hteingcha vai. Amü ahnüüp na phat vai, acun ah kyong ung guk phung na läk ah mawng na ng’hteicha vai. Cun ung nang cu bämang ne na näng khai.

MATTHE 5:18

Kei naw akcang ka pyein cu, khomdek la khankho a om yah ah chuih cacim ung kaa, ca ng’lung ät, ca ng’ma ät phi kä dimaih düt khai. Cacim ung om ci phung avan küm yawp khai nei.

SAM 33:6

Bawipa naw khankho cu ang thumkhän awn tüisho ci, Hni, cha, aisi gui phi ang thu awn tüisho ci.

ISAIAH 30:8

Khanpughi naw, chang gui a i ah mäih ami kyak cu ca uk ung ka guk vai ah na m’thein ci, cun ah kyasei ngami a i hlawk ah ami shetkat cu ngawizä om khai kyak ci.

JOHAN 10:35

Khanpughi naw ang thu a peit gui cu, “Khanpughi ah mäih ah kia ci gui” cik ci.

NG'THU K'THUUK~ 23:12

Na saya cu na cun ngaih vai, apäng avan ani ah na ng’thei tu vai.

LUKA 21:33

Khankho la khomdek ang pyi ung phi, kei ah ng’thu cu kä ng’pyi khai.

MALAKHI 3:16

Cun kawn ah Bawipa kyih aa ci gui cu, ami mät ng’ce ng’cäk u sei, Bawipa naw ngai ne ami ng’thu ng’yak ci. Khanpughi kyih aa ne chang m’sui ciah chang cu, amät ah ma ah ca uk ung gu ne m’hnüt ci.

AMOS 3:7

Uktu Bawipa naw a bi vai ah mawng cu a changshäm prophet gui ung kä m’than ah a i kä bik ci.

ISAIAH 58:14

Kei ah bi nami bi nak ung ka gawk lawk ciah yeikyai nak cu nami hmuk khai. Khaw avan ung chang ah m’tam khah vai ah ka ning pyang gui khai. Kei naw nami a Jakob am ka pek ah khaw ung nangmi cu nami yeikyai khai. Kei, Bawipa naw ka pyen nei.”

2 PETER 1:19

Cun ah kyasei keimi naw profet gui ah ng’shäu ah ng’thu cu kami yum law pi ci. Cun cu nami ngaih-tüh kheng vai nei, a i ah kia sei ci ung cun cu hmüp khui ung mei m’däi ah mäih ah, kho a thaih law güt nami m’lung kyong ung khäng ciah thaihke aisi ah kiak ci.

ISAIAH 1:20

Cun ung phi kei nami na lan ah akyak ung, nami khawmü sei nami sik khai. Kei, Bawipa naw ka pyen nei.”

ATÜNNAK 6:17

Khomdek khan ung ak ghing avan k’biing ne m’ciin khai ah tuiyiin ka mü sak khai. Khomdek khan ung hang om ci phung avan si yawp khai.

JOHAN 5:39

Cacim ung angtäi ghin nak om khai ah ngai ne cacim bäng nami teng ci. Acun ah cacim naw kei ah mawng cu saksi ci.

THULÄÄN NAK 31:21

Cun kawn ah kyih vai ah leigai akda ami khan ah gawk lawk khai. Cun ung phi shin ah ng’äi cu m’cu lä khai gui, a cun cu ngami hnu ng’tuk gui ne saksi ah ng’düi khai. Tuhbäi pang phi, kei naw ka pek gui vai ah ka shai tak nak ah khaw ung kä ka hteh püi gui pha ung, ngami naw a i ngaihtüh ci gui cicu kei naw ka hmat ci.”

ISAIAH 14:31

Philistin mang gaw gui avan, ning m’hteihtang gui khai, kyap ne khü vä! Nami van kyikyawk vä! Khameiah thawk ciah m’vut cu a siiptäng ah ka lawk ci nei — Cun cu chang kyi kä ng’caw ciah gakap ma ät ah kyak ci nei.

ISAIAH 40:5

Bawipa ah bäimang nak cu m’than lawk khai, hnicim chang avan naw hmuk khai. Shin cu Bawipa amät ah shaitak ah kyak ci nei.”

ISAIAH 40:26

Khomik cu han dan vä! Nami hmuh ah aisi gui cu a u naw a pyan ang? Gakap ah mäih ah lam shüm gui ci naw apian nei, Ani naw a i chü lawk ci gui ah hmat gui ne, ami ming phäh phäh ung khü gui ci — Ani ah huham cu dämduh aih ne, Cun gui ung ka tumat phih kä chük man ci nei!

ISAIAH 21:17

Kedara pakhui ung likaap gui cu am gäi pi ah kyak ci gui nei, ngami ung ka, apihta nei k’pawih ba khai gui. Bawipa Israel khanpughi naw ka pyen nei.”

ZEKHARIAH 4:6

Bawipa ungka lawk ciah shin ah ng’thu cu, Zerubbabela am ka pek vai ah khanchang naw na m’thein ci nei. “Nang cu na näng khai, cun cu gakap huham awn ah kä kyak ci, na mät ah thagui awn ah kä kyak ci, kei ah ka mümcha awn ah kyak ci.