ISAIAH 34:11 - Cho Bible Common Language 2016

¹¹ Pängpät gui la kap gui naw khaw avan cu om nak khai gui. Bawipa naw shin cu a i kä a tüisho pha ung kaah mäih ah khohäu ah kyak sak khai.

ISAIAH 34:11 Referans Kwoze

NG’ÄI KYAH 2:8

Zion ah pang gui cu kiuk khai gui nei, Bawipa naw k’bäi ci. Yüm yüm ah m’di nak vai ah ang hteicha nak vai ah ani naw nütdawng pyi ci. Tuhbäi tänghän gui la paang gui cu atäng ah kyu ne ng’yän ci gui.

2 GHANGPUGHANG GUI 21:13

Kei naw Jerusalem cu ka m’kyuk khai, Samaria la Israel ghangpughang Ahab la a htangshon ah khan ah ka bi ah mäih ah ka bik khai. Pakan tumat m’si ne lat ne mük ah mäih ah Jerusalem ung chang gui cu ka m’si khai.

ZEPHANIAH 2:14

Cun ah hmun cu htawme gui, sei gui, khisa gui pang naw ng’baw nak khai gui. Pängpät kha gui cu a shet nak ung om u ne, khashe gui cu m’kawt ung m’lau khai gui. Cachit gui phi hlaak ung kai lawk khai gui. Im ami cawh nak ah k’peen gui phi hoce khai gui.

THU PHLAAN 18:2

Ani naw m’lau ne Babilon mang gaw cu di pyi ci nei! Di pyi ci nei! Cun ah gawnu cu khawshe gui, mumchashe gui ah om nak, shemshai ciah khoshe gui ah ng’yi nak ah kyak ci nei.

ISAIAH 14:23

Kei naw Babilon cu cüihnai ah ka lat khan, a cun ung pangpät gui om khai gui. Kei naw Babilon cu phaipheh awn ka pheik khai, cun naw avan phai yawp khai. Kei, m’gäi ciah Bawipa naw thu kä pyen nei.”

2 SAMUEL 8:2

Cun kawn ah Moab chang gui hnim gui ci. Ani naw thawng kyum gui cu m’dek ung ng’yän sak gui neta thum ungka hnih ci laih laih ngawn gui ci. Cun ah kyasei Moab chang gui cu ak chang ah kya u ne, phlam phi ani am pek ci gui.

ISAIAH 24:10

Mang gaw kyong ah apäng avan cu piäi piah yawp ci, chang gui naw ami phiawn vai ah ami avan avai shah kyai ne ng’sheng ci gui.

SAM 102:6

Kei cu kho ng’gau ung om ciah kha ah mäih ah ka kyak ci. Shet nak ung amät om ciah pängpät ah mäih ah ka kyak ci.

ISAIAH 34:17

Ami ng’lung ah khaw k’bou ne, k’pai ne pe gui khai cu Bawipa ah kyak ci nei. Ngami cu cun ah khaw ung ang shon tä sei om khai gui nei, cun cu ngawi yä ngami ah ka ah kyak khai nei.

AMOS 7:8

Ani naw, “Amos, a i ang na hmuh?” cine na ng’shik ci. “Nüt nak gui nei” cine ka m’hlan ci. Cun kawn ah ani naw, “Gui awn kä nüt ne cawh ah paang ah mäih ah ka chang gui ami kyak cu m’dang vai ah kei naw shin cu ka mang ci nei. M’kyuk nak gui vai ung kei naw ka m’lung kä ka m’thawng ba khai.