ISAIAH 33:9 - Cho Bible Common Language 2016

⁹ Khaw phi ngän ne ng’gau ci nei. Lebanon bung cu ng’zaai ne, ang lei nik ciah sharon khawng’noi cu khokäu ah kyak ci nei, Bashan khaw la karmela m’htung ung sing ghing gui ung ka sing hnah gui cu kiwi yawp ci gui nei.

ISAIAH 33:9 Referans Kwoze

ISAIAH 35:2

Khaw ng’kiang khaw naw ng’äi m’cu ne, yei ne m’lau khai; cun cu Lebanon m’htung ah mäih ah kyom khai Karmela la Sharon kho ng’lei ah mäih ah anglei nik khai. Chang naw Bawipa ah bämcam nak hmuk khai, ani ah dämduh nak la huham phi hmuk khai.

NAHUM 1:4

Ani naw tuinu taam sei kawi ci! ani naw tuilawng gui kawi sak ci Bashan khawbung chawng ci. Karmela khomhtung ng’haam ci. Lebanon ah cheipai gui ng’yai ci gui.

ISAIAH 65:10

Ngami naw kei cu na khawihnah khai gui, ngami naw ami htome gui la ami seipat gui cu akhei täng ung sharon dou ung, ak kyang täng ung khüikha khong nawi ung ami lum vai ah lam shüm khai gui.

MIKHAH 7:14

Bawipa, na ghü ah na chang gui cu, htoshäm ah mäih ah m’htei ba gui ä. Ngami cu bung puk ah om pang u sei phi, khaw ng’lei ni naw koi gui ci nei. Acau ka ah mäih ah ei ada nak ah Bashan la Kilead khaw ung hteh püi gui ne tu m’bei gui ä.

JEREMIAH 50:19

Kei naw Israel chang gui cu ami khaw ung ka m’thou ba gui khai. Ngami naw kmmel m’htung la Bashan khawung ami geit cu eikhai gui, Ngami naw Ephraim la kilead khopäng ung thou ci avan cu ami ng’yak hlü ah ei khai gui.

ISAIAH 37:24

Hlüng pibäih ciah Lebanon khomhtung gui, na yatha gui avan awn na näng ah mawng khähghah nak vai ah na chang-shäim gui na tüi lawk ci nei. Nang naw a ng’shäi pibäih ah ceda sing ghing gui, akni pibäih ah m’htai ghing gui cu chu pit yawp ne, ak thuk nak pikbäih ah bungpuk ah na gawk awn na khähghäh ci nei.

ISAIAH 24:1

Bawipa naw khomdek cu m’shiü ne m’gämugang khai ah nawng khai. Ani naw khomdek ah hmai cn ng’phiui sak ne, a chang gui cu püi pyang sak gui khai.

ISAIAH 14:8

He sing gui la lebanon ung ceda sing gui cu kyu ng’täale ciah ghangpughang ah khan ah zeikian ci gui nei, a i ah kyasei ci ung, tuhbäi ani cu ng’pyi ciah kya ne, ngami chudeng gui khai a u kä om ba ci nei!

ISAIAH 3:26

Mang gaw m’kawt gui cu kyap ne ng’pyang khai gui, mang gaw amät cun phi m’dek ung akplui ah ngok ciah hnumi ah mäih ah kyak khai.

ISAIAH 2:13

Ani naw Lebanon ung cedar ghing nu gui la Ba shan khaw ung oak sing avan cu m’di khai nei.

SOLOMON NG’Ä~ 2:1

Kei cu sharon kho ah m’gho cheipai, khomhtung nawi ah tuili chei ah mäih ah ka kyak ci.

THULÄÄN NAK 3:4

Acun ah a khin ung keimi naw a gawnu gui avan kami khäm ci. Kä kami lak tu a i kä om ci. Avan ah ng’dawn gawnu chukkip kami khäm ci, Bashan ghangpughang Og ah uknak Arkob khaw avan ah kyak ci.

LAMKTU 9:35

Cun cu Lidda la Sharon pigaw ah om ciah chang gui naw hmu u netah, Bawipa cu ami van naw yum lawk ci gui.

ISAIAH 10:34

Bung puk ung sing ghing gui ghei awn chuk pit ah mäih ah, akni pi ah Lebanon sing gui ami kyuk ah mäih ah, Bawipa naw chu pit gui khai!

ISAIAH 29:2

Cun kawn ah khawpughi naw cun ah mang gaw ah khan ah leigai law pui khai, cun ah manggaw cu “Khanpughi ah sonkiang” ah pyen ci gui. A cun ung thüi nak, kyap nak om khai, mang gaw apum cu si bäng ah kyak ciah sonkiang ah mäih ah kyak khai.

HOSEA 4:3

Cun ah kyasei shin ah khaw cu chawng yawp khai, ghing om ci nü si yawp khai. Khisa avan kha gui la nga gui phi si yawp khai gui.”

JOB 15:33

Ani cu kä up pha ne kiawi ciah sapyit la a pai kiawi ciah oliv sing ah mäih ah kyak ci nei.

AMOS 1:2

Amos naw, Zion m’htung khan ah Bawipa ng’hawh ci; Jerusalem ungka ak aw cu hmumkyeek ci. Khulim gui chawng ci, Karmela m’htung khan ah khu m’kim gui ng’yaai yawp ci nei” cik ci.