ISAIAH 33:6 - Cho Bible Common Language 2016

⁶ Chang pakhui am khänghtek nak cu pek ci. Ani naw angtäi sei a chang gui cu shungvong gui ci, cüivai nak hmuhmat nak cu pe gui ci. Ngami ah dämduh pi ciah m’küm cu Bawipa (khanpughi) kyih aa nak ah kyak ci.

ISAIAH 33:6 Referans Kwoze

1 TIMOTHI 4:8

Pumsa lam ung thei nak cu bä kung ci, cun ung phi mümcha lam ung thei nak cu, a mawng avan ung, tuhbäi la ngawi yä ghin nak vai ah bä pi bäih ci.

MATTHE 6:33

Khanpughi ah uknak kho la ang düng nak cu akhtük bäih ah nami shui vai, cun kawn ah a päng avan cu ning pe gui khai.

NG'THU K'THUUK~ 19:23

Bawipa cu na lak vai, cun ung akshou na ghing khai, bühbei ne leigai na phyawn nak khai,

1 TIMOTHI 6:6

A mät ung om ci awn bä khai ah ngaih gep ciah chang cu, a yum nak naw bühmang nak pek ci.

THUSHÄUTU 7:19

Uktu chang gha naw mang gaw tumat ah phäh ah ami bi hning ah ta, cüivai nak naw chang tumat phäh ah bi hning pi ci.

NG'THU K'THUUK~ 14:27

Sih nak na ng’phleng hlü ne ang? Bawipa kyih aa nak cu ghin nak tuikci ah kyak ci.

SAM 28:8

Bawipa naw ak chang gui cu k’tha pe gui ne; a ghü ah ghangpughang cu khüighat sak ne hun ci.

ISAIAH 51:6

Khan kho teng vä; khomdek teng vä! Khan kho cu meikhu ah mäih ah maih khai nei; khomdekcu sui kheei ah mäih ah k’pyon khai nei, acun u ng chang gui ami van cu k’pi ah mäih ah sik khai gui nei. Cun ung phi kei naw ka law püi ah hum’htei nak cu khonglän ung om khai nei; kei ah ka näng nak cu ngawi yä om khai nei.

THUSHÄUTU 7:12

a cun naw ngui naw m’lung üp nak a pek ah mäih ah ning pek khai. Cüivai nak naw ning phyawn sak ci — cun cu hmuhmat nak ah abä nak ah kyak ci.

NG'THU K'THUUK~ 28:2

Khochang ah hmakat nak ung uktu tumat om ne ahei tumat kä om law ba ci. Cunung phi a lu hnga ni ne ng’langkha ciah ang vai gui a om ah a kyak ung, khochang khüighat ne khäng htek ci.

NG'THU K'THUUK~ 15:16

Dukhaih ne phi Bawipa kyih aa cicu bühmang neta geinvai ciah ta bä tu ba ci.

SAM 140:7

Hlüngtai ciah ka Bawipa, khüighat ciah ka shung nak, Nang naw ng’tuk nak ung na na shungvong ci.

SAM 45:4

Düng nak la taga nak ah shung hmawk ah näng vai ah m’gäi nak ung ng’cum ne hteit ä. Na thagui naw ak kuikyang ah ning näng sak khai nei.

2 KORIN 6:10

Thüisei nak a om ung phi angtäi sei kami yei ci; chang k’pyaam ah kami kyak ung phi chang akda kami maang sak ci; khawh a i kä kami taak ung phi a päng avan kami khäm ci.

NG'THU K'THUUK~ 29:4

Ghangpughang naw taga nak ak tung ah abi ung akho akchang khüighat ci. Ngui ktung na ne abi ung a khaw akchang di sak khai.

2 GHANGPUGHANG GUI 18:7

Cun ah kyasei ani cu Bawipa naw a täng ah om püi ci, a bi lawh phung ung m’khüt näng nak om ci. Ani naw Assiria uktubawi cu hnungtuk püi ne, ani ah ma ah kä ng’yom phung ci.

NG'THU K'THUUK~ 14:26

Bawipa kyih aa nak naw m’lung up nak la ngaih gep nak cu acun ah chang la akyong khui am pek ci.

ISAIAH 11:9

Zion ah khan, khanpughi ah m’htung theing ung, nat nak la akshe a i pi kä om khai. Tuinu cu tui awn abe ah mäih ah khaw cu Bawipa ah hmuh hmat nak awn be khai.

ISAIAH 26:1

Judah khaw ung chang gui naw shin ah ng’äi ami m’cu nak vai ah hnüüp gawk lawk ci nei: Kami mang gaw cu khäng htek ci nei! Khanpughi amät naw cun ah pang cu shungvong ci nei!

ISAIAH 33:20

Zum nak ah pawi mi bi nak ah zion, mang gaw cu teng vä. Jerusalem cu teng vä! Cun cu om nak ah nik ciah, ng’geing ciah hmun ah kyak ci nei! Cun cu kä ng’plon phung ciah phung ah mäih ah kyak ci, ak tung gui kä pui mäih phung cu, a gui, gui kä pit phung ci.

ISAIAH 45:17

Cun ung phi Israel cu Bawipa naw hun ci nei, ani ah näng nak cu ngawi yä om khai nei; ani ah chang gui cu kä thui hmai phung khai gui nei.”

ISAIAH 51:14

Thawng nga kium ci gui cu luat sak gui ge vai; ngami cu a shou ghing khai gui, ngami ung hlü ciah ami ei vai a van om ci.

JOB 4:6

Nang cu Khanpughi na khawihnah ci kya ne, na ghin nak ung pyen vai kä om ci, Cun ah kyasei nang ung m’lung üpnak la ngaih u nak a om vai kyak ci.

NG'THU K'THUUK~ 2:5

Cun ung Bawipa kyih aa nak ah mawng cu na hmat khai.

NG'THU K'THUUK~ 14:24

Cuivai ciah chang m’cümhnah nak cu khawh cham ah kyak ci, anglam cicu agu ang nak awn chang naw hmat ci.

ISAIAH 32:17

A i ah kyasei ci ung akehang sing naw düng nak cu bik khai, dimdeeih nak la ngaih gep nak cu angtäi sei om khai.

ISAIAH 32:18

Khanpughi ah chang gui cu ng’ä ai nak phiawn nak khai gui, ami cin kyong dimdeeih ne phyawng m’hteim khai.

JEREMIAH 31:34

A u naw phi Bawipa hmat vai ah mawng apigaw-chang kä theithang khai, a i ah kyasei ci ung a hmaw pikbäih ungka naw ang vaipikbäih ung khüt sei, chang avan naw kei nah mat khai, kei naw ami katnak ka m’geinsei gui khai, ami cheishah nak kä ka shüm ba khai. Kei, Bawipa naw ka pyen nei.”

HABAKKUK 2:14

Cun ung phi tuinu ung tui abe ah mäih ah khomdek cu Bawipa ah bämang nak ah hmuhmat nak awn be khai.