ISAIAH 33:16 - Cho Bible Common Language 2016

¹⁶ Cun ung nangmi nami phyawng khai, khäing htek ciah vongpang kyong ah om ah mäih ah nami ngaih gep khai. Nangmi ung nami ei vai buh am khai, nami awk vai tui om khai.

ISAIAH 33:16 Referans Kwoze

ISAIAH 32:18

Khanpughi ah chang gui cu ng’ä ai nak phiawn nak khai gui, ami cin kyong dimdeeih ne phyawng m’hteim khai.

ISAIAH 49:10

ngami cu kä cawi phung, kä gha phung khai gui. Ngami m’hni gui ci naw lamshüm gui ci kya sei, khohni ling la khong’gau kholing naw kä nat sak gui khai. Ani naw tuilawng gui ah om nak ah hteh pui gui khai.

NG'THU K'THUUK~ 1:33

Cun ung phi kei na ngai ciah chang cu am lung üp khai. Anii cu phyawng khai kyih vai ah mawng kä om khai.

HABAKKUK 3:19

Uktu Bawipa naw thagui na pek ci. Kigang ah mäih ah ka khaw na yaang sak ci. Khomhtung gui ah khan ah k’pang ne nak phyawn ci.

ISAIAH 25:4

Dukhaih ci la am geinka gui cu nang ung ng’yii ci gui nei, yaica nak ah akhin ung ngami cu phiawn nak gah ci gui nei. Pui khokhi ung ng’yii nak vai la mei k’cang ung ng’shung nak vai na pe gui ci nei. Chang m’ghämce naw sik khokhi ah mäih ah,

NG'THU K'THUUK~ 18:10

Bawipa cu khänghtek ciah tänghän ah kyak ci. A cu ah dung ciah chang gui hteit u ne phyawng m’htein ci gui.

SAM 111:5

Ani kyih aa ci gui cu tu m’bei gui ci; ani naw ang thumkhän cu kä m’hnih phung ci.

SAM 107:41

Cun ung phi du ci gui cu ami khaih nak ungka gung gui ne, htome gui ah mäih ah ami im tung da sak ci.

SAM 90:1

O Bawipa, nang cu angtäi sei keimi ah im ah na kyak ci.

SAM 37:3

Bawipa ung ng’ap ne, akni bi vä, ng’dü ung ng’len ne, puui ne om vä.

SAM 33:18

Ani ngai ci la ng’täi ciah am hni nak ung ng’ap cicu Bawipa naw ngäng ci.

SAM 18:33

Ka khaw cu kigang ah khaw ah mäih ah na yaang sak ne, m’htung lai ah phawng ne na ng’düih sak ci.

SAM 91:14

Khanpughi naw, “Kei na m’hni cicu kei naw ka hun khai, kei Bawipa ah na hmat cicu ka m’taam khai.

SAM 34:10

Kawng hlui cu a ei vai kä om se a cawi ung phi, Bawipa läk ciah chang cu ni kyom nak kä shum khai nei.

SAM 15:1

Bawipa, na pum im ung a u lut khai ang? Theing ciah nam htung Zion ung a u naw khawihnah khai ang?

MATTHE 6:11

Ak hnüüp tä ng’büh nak vai ei na pe gui ä.

NG'THU K'THUUK~ 10:9

Düng ciah chang cu phyawng ci, ngaih gep ci, cun ung phi kä düng cicu phak khai gui.

ISAIAH 58:14

Kei ah bi nami bi nak ung ka gawk lawk ciah yeikyai nak cu nami hmuk khai. Khaw avan ung chang ah m’tam khah vai ah ka ning pyang gui khai. Kei naw nami a Jakob am ka pek ah khaw ung nangmi cu nami yeikyai khai. Kei, Bawipa naw ka pyen nei.”

JEREMIAH 37:21

Cun ah kyasei ghangpughang Zedekiah naw Ebäi ne mang im kyong ah na khai shi ci. Kei a cu ah om ngä sei, mang gaw ung m’htut avan kä angpyi pha ung m’htut ami yoih nak ah kaa naw a hnüp tä sei m’htut pum ät ci na pe lawk ci gui.

JOEL 3:16

Zion m’htung khan ah ka naw Bawipa ng’hawh ci; ak aw cu Jerusalem ungka hmum kyeek lawk ci; Khomdek la khomik ng’thüng ci. Cun ung phi ani naw a chang gui shungvong gui khai.

THULÄÄN NAK 33:29

Israel gui, a i hlawk ah nami yei ci ang? Nang mi ah mäih ah Bawipa naw a hun ah pakhui a u kä om ci nei. Bawipa amät cu nami shawi la nami khim ah kyak ci. Acun naw ning shungvong gui ne, näng nak ning pe gui ci. Nami ga gui law u ne, nami chimgein gui vai ah ng’pa lawk khai gui. Nangmi naw nami kai na gui khai.

1 GHANGPUGHANG GUI 19:6

Ani cu mang shüi neta, m’htut pum ät la tui um ät a lu pei ah om sei hmuk ci. Ani cu ei aw neta ng’yän ba ci.

SAM 62:7

Kei ana hun nak la ka m’taam nak cu Khanpughi ung ng’yung ci; Ani cu m’gäi ciah ka ng’yii bawi, Ani cu ka ng’yii nak ah kyak ci.

ISAIAH 30:20

Bawipa naw khak ciah akhin ung ning hteh sak gui khai cun ung phi ani amät naw ning om püi gui ne ning m’thei thang gui khai, nangmi naw ani nami shui vai kä hlü ba khai.