ISAIAH 32:7 - Cho Bible Common Language 2016

⁷ Sahai ciah chang cu shekha ne, akshekha gui bik ci; ani naw dukhaih ci gui ah di nak vai ah m’zih thuh hleei hlak ne, ami chaw phi häu sak gui ci.

ISAIAH 32:7 Referans Kwoze

ISAIAH 5:23

Cun ung phi nangmi naw ng’mü khawk dou u ne, chang she m’hlawt ne, kä hma ciah chang cu taga khai ah kä nami bi pek ci.

MATTHE 26:4

Ngami naw Bawipa Jesuh cu adüm ah pha netah ngawn vai ah ng’ge ci gui.

MIKHAH 2:11

“Cun ah chang gui naw akbe ah hleei ne thuvi ciah prophet cu ng’ya hlü u neta, ami pyen cu, ‘Kei naw ka ng’cä cu yu la awktat vai gui cu nangmi ah phäh ah long khai nei.’

JEREMIAH 18:18

Cun kawn ah chang gui naw pyen ci gui, “Jeremiah ah mawng tumat mat ah mi bik khai nei! Na m’cumcäi gui ciah taigü gui, napüi gui ciah cüivai chang gui, Khanpughi ah ng’thu ng’shäu ciah prophet gui cu akphlüt ah om man ci nei. Ani ah khan ah k’bün nak law püi ne mi hnungtuk püi khai nei, ani ah pyen cu kä mi ngai ba khai nei.”

ISAIAH 61:1

Uktu Bawipa naw ang mümcha awn kei cu na be sak ci. Ani naw na ghü ne na tüi ci, Dukhaih ci gui ah ma ah thu ni hteh pui vai ah, Am lung kyong she-kak ci gui gai sak vai ah, pha ne ami chum gui ah luat nak ah mawng thu ng’shäu vai ah, Thawng ung kium ci gui ah ng’pängze nak vai ah.

ISAIAH 1:23

Nami vgvai gui cu hnu ng’tuk ciah kya u ne, m’guk ei ah teihpüi ah kyak ci gui; ngami naw m’cümhnah nak la ng’mü khawk cu angtäi sei dou ci gui. Ngami naw yung aha m’kawt ung hmei hta cu kä shungvong ci gui, hmei nu ah mawngma phi kä m’khoi m’cha pek ci gui.

SAM 119:95

Changshe gui naw, na ngawn khai gui ah na ngäng ci gui nei, cun ung phi kei naw na thukhän cu ka ngaih nak khai nei.

ISAIAH 11:4

Ani naw dukhaih ci gui cu nik khai ah m’khoi m’cha gui ne. Am gein kaa gui cu shungvong gui khai. Ani naw ang thukhäm awn chang gui cu m’kyuk gui khai, changshe gui cu sik khai gui.

ISAIAH 26:10

Nang naw changshe gui cu na m’gein gui ung phi, Ngami naw düng ci bi vai cu kä ng’thei phung ci gui nei. Shin ah chaung düng gui ah khaw ung phi ngami naw a cheishoh bi lä ci gui nei; Nang ah dämduh nak k’püüi tu vai ah mak ci gui nei.

ISAIAH 29:21

M’thüi ciah chang, ngawnphak ci m’kyuk nak vai shungvong ciah cang, düng ciah chang naw taga nak kä gah khai ah hleei hlak ne pyen ciah chang gui cu khanpughi naw m’di gui khai.

ISAIAH 55:7

Chang omshe gui naw ami ghin om nak ah lam cu nawng u sä, ami ngaih-tüh nak cu m’thawng u sä. Ngami cu Bawipa, mi Khanpughi ah ma ah ng’hlah sak gui vä; ani cu chimgein ne, ang ghit ah m’geinsei ci nei.

ISAIAH 59:15

A cun ung düng nakcu aphihta bäng om ci kya sei, akshe bi nak nawng ci gui amät naw amät cheishoh ciah hmuk ci. Bawipa naw shin cu hmu neta, cung cu kä taga ciah kyasei ani cu kä yei ci.

DANIEL 12:10

Chang akda gui cu theingthap khai gui nei. Chang shekha gui cu a i kä hmat u ne, shekha lä khai gui. Cüivai ciah chang gui bäng naw hmuhmat khai gui.

MIKHAH 2:1

Ang yän nak ung akshe ah ngaih-tüh neta, khaw a thaih law ung a cun akcang ah bik ciah chang gui cu katnak om ci. Cun cu a i hlawk ah ng’yiin khai aw?