ISAIAH 32:15 - Cho Bible Common Language 2016

¹⁵ Cun ung phi khanpughi naw ang mümcha cu natüih law ba gui mä khai. Amdek she pi ah kho cu amdek ni ah kya lawk khai, lo gui ung geitkaw akda m’thawk khai.

ISAIAH 32:15 Referans Kwoze

ISAIAH 29:17

Thu k’thuuk ung om cicu tuh bäige khawbung ah kyak cicu luma ah kya lawk khai, loma cu khawbung bä ah kya ba khai, ciah kyak ci.

EZEKIEL 39:29

Kei naw Israel chang gui ah khan ah ka mümcha cu ka yuk chah khai, kä ka ng’hlah ta ba gui phung khai. Kei uktu Bawipa naw ka pyen nei.

ISAIAH 44:3

Kei naw tui gha ciah khaw ung tui ka pek khai, khong’gau khaw ung tui lawng ka lon sak khai. Kei naw nami htanau gui ah khan ah ka mümcha ka yuk chah khai, nami hta ng’shon gui ah khan ah ka hriham ka yuk chah khai.

ISAIAH 59:19

Akhei ung ka naw ak kyang ung khüt khai ah chang päng naw ani la a huham cu kyih kyawk khai. Ani cu ng’güüt ciah tuilawng mäih, ng’pheet ciah khokhi ah mäih ah lawk khai.

LAMKTU 2:33

Ani cu Apa Khanpughi ah ak pat lam ah ngawk khai ah tho ba neh, Khanpughi ah shaitak ah Mumcha Theing cu gah pyi ne tah, tuk bäi na mi hmuh ng’yak ah Mumcha theing cu mikmi ah khan ah yuk chah lawk ci.

LUKA 24:49

Kapa ah shaitaak ah mäih ah nami khan ah ka gawk law sak khai nei. Cun ung phi nangmi cu, khankho ah kaa hlüngtai nak kä nami gah phaa ah chuih Jerusalem ah om ne nami gin vai nei” ci ne m’cäi gui ci.

2 KORIN 3:8

Mumcha ah hnüntawh nak ah bä mang nak läi cu a i hlawk ah ng’shükhang khai ang!

ZEKHARIAH 12:10

“Kei naw David ah htangshon gui la Jerusalem ung chang gui cu, m’gein nak ah mümcha la tagüi nak ah mümcha awn ka be sak gui khai. Ngami naw ami mät naw shun ne ami ngawn cu teng khai gui, a hta tumat ah phäh ah thüi kyap ci gui ah mäih ah ngami cu ani ah phäh ah thüi kyap khai gui. A hta htük chük sei thüi kyap ci gui ah mäih ah ngami cu akshe ah thüi kyap khai gui.

SAM 104:30

Cun ung phi nang naw ng’ghi nak na pek gui yah ung na tüisho gui ah kyak ci. Khomdek am ghin nak akthai na pek ci.

ISAIAH 63:11

Cunung phi ngami naw azän nä ka, Bawipa ah changshäm, Moses ah akhin cu shüm law ba neta, ngami naw ng’shik ci gui, “Tuinu ung ka, a chang gui ah ami ng’vai gui hun gui ciah Bawipa cu tuhbäi a hawi ang? A mümcha Moses

ISAIAH 45:8

Kei naw näng nak cu khomik ung ka, kho k’aa ah mäih ah ka yuk chah khai; khomdek naw ng’hmawng ne a cun cu dou sei, pängze nak la taga nak ah vuipai khai. Kei, Bawipa naw shin ah kyak ah ka bik khai.”

NG'THU K'THUUK~ 1:23

Kei naw ka ning huttaap gui cu ngai vä! Kei naw akni ah ka ning m’cäi gui khai, ka hmuhmat nak ka ning k’pai gui khai.

ISAIAH 35:7

mei ah ui ciah salai cu tui ah li khai, ket ne chawng ciah khaw cu tuihta gui awn be khai. Sa ui gui ah om nak man ung m’long kyai gui phung ghing khai.

SAM 107:35

Ani naw khoshe kho cu tui gei kho ah thawng sak ne, kho ng’gau kho ung tui ng’züi sak ci.

SAM 107:33

Bawipa naw tuinu gui avan kawi sak ne, tui hta gui avan kä lon ba sak ci.

JOHAN 7:39

Cun yah ung Bawipa Jesuh cu a hlüngtai nak kä dang phak ciah kya sei, yum ciah chang gui-am Mumcha theing phi kä ap gui hning phak ciah kyak ci. Cun ah kyasei yum ci gui ah gha law vai ah Mumcha Theing cu pyein ne ang ng’shäu ah kyak ci.

ISAIAH 28:6

Suki ah kya ne bi bik ci guiam taga nak la mang gaw m’kawt ami tuk nak vai yung ka ghung ci gui aw thamah nak ah m’lung ngaih cu ani naw pe gui khai nei.

ISAIAH 59:21

Nangmi awn thum khän ka bik khai: kei naw ka huham la ka m’theithang gui cu khonglän ung nami ka vai ah ka ning pe gui ci, tuhbäi ung tün ne lawk ciah a khin avan ung, nangmi naw kei cu nami na läk vai, kei na ngai khai gui ah nami htanau gui la nami hta ng’shon gui nami m’thei thang gui vai.”

EZEKIEL 37:14

Kei naw ngami ung ka ng’ghi nak yuk thun ne, ka ghin ba sak gui khai, cun kawn ah ami mät ah khaw ung ka om sak gui khai. Cun kawn ah ngami naw kei cu Bawipa ah na hmat khai gui. Kei naw shin gui ka bik khai ah shai ka tak ci — kei naw ka bik khai. Kei, Bawipa naw ka pyen nei.”