ISAIAH 32:14 - Cho Bible Common Language 2016

¹⁴ Mang im phi kei ne, mangkho leigaw phi apum ah shiu khai nei lm gui la k’pang gui ami ngäng gui cu ang’täi sei di maih khai nei Hwn cu k’pya ng’se gui naw lum na u ne, htome gui ah khu ei nak ah kyak khai nei.

ISAIAH 32:14 Referans Kwoze

ISAIAH 27:10

Vongpang ah mang gaw gui cu di pyi ci nei. Cun cu chang ah kä om nak ah khong gau ah kya ci nei. Cun cu sei gui ah ami ng’düm nak, khu ami ei nak lah khyüksei vuh nak kya lawk ci nei.

ISAIAH 25:2

Nangmi naw mang gaw gui cu di khai ah nami m’hlat ci, ami vongpang gui cu nami m’di ci. Kami ga gui naw ami cawh ah mang im gui cu khaw ng’län ung om ci nei.

ISAIAH 24:12

Mang gaw cu di ci nei, am kawt gui cu ng’gäi pyi ci nei.

ISAIAH 24:10

Mang gaw kyong ah apäng avan cu piäi piah yawp ci, chang gui naw ami phiawn vai ah ami avan avai shah kyai ne ng’sheng ci gui.

LUKA 21:24

Chang amshah cu chim awn sik khai gui, amshah cu pha ne, khlei htein nah ne, a kho päng ung hteh püi khai gui. Chang khui hei gui naw ami uknak kä ang pyi pha ah chuih Jerusalem cu ami kho awn kai nak khai gui.

LUKA 21:20

Jerusalem cu gakap gui naw ngäng u sei nami hmuh ung adi law nak vai ng’et lawk ciah nami hmat vai.

ISAIAH 6:11

Kei naw, “Bawipa shin ah mäih cu ai güt lüng khai ang?” cine ka ng’shik ci. Ani naw, “Shin gui cu mang gaw gui di ne a maih güt-im gui a u kä a om ba güt-khaw ung chang kä a om ba güt ah kyak khai.

ISAIAH 5:9

M’gäi ciah Bawipa ah thu pyen cu kei naw ka ng’yak ci, “Shin ah im m’kawm im k’ni gui avan cu ghawng ne di khai.

SAM 104:11

Ngami naw tui cu khisa gui am awk sak u sei, ng’se la gui cu ami tui gha diim ci.

2 GHANGPUGHANG GUI 25:9

Ani naw Taigüim ni, mang im ni, Jerusalem ung chang vai gui ah im gui avan cu mei awn m’khih ci,

ISAIAH 7:23

“Cun ah khin a gawk law ung, sapyit la akni gui ung phi agha ciah phung ghing ne ngui phya gha ci phu nak ciah sapyit gui cu ng’hling k’cam gui la ng’hling gui naw li shi khai gui.

ISAIAH 22:2

Mang gaw avan cu üng eang ne pamcai la cäicat nak awn be ci. Shin ah ng’tuk nak ung sik ciah na chang gui cu, ng’tuk bi ne sik ci gui ah kä kyak ci.

JEREMIAH 6:5

Mikmi naw mü ung mi tuk khai nei, mang gaw ah pang khäng gui cu mi m’di khai nei.

JEREMIAH 14:6

K’pya ng’se gui cu m’htung lai ung tui ne, saui ah mäih ah ng’haawk ci gui; ami ei vai kä om sei ami mik ng’phiui ci.

JEREMIAH 33:4

Kei, Bawipa, Israel khanpughi naw ka pyen ci, Jerusalem ung im gui la Judah ung bawi mang im cu khai ne ami tuk ah phäh ah sheka yawp khai

JEREMIAH 52:27

Hamath khopäng ah hteh püi gui ci. Acu ah ghangpughang naw m’ghuih gui neta sih nak pe gui ci. Cun ah kyasei Judah chang gui ami khaw ung ka naw omktu khaw ah ami hteh püi gu ah kyak ci.

HOSEA 2:3

Cun ah kä a bi ba ah a kyak ung ami hta nak ah hnüüp ah mäih ah ak plui ah ka kyak sak khai nei. Kei naw ani cu chawng ne ng’gau ciah khaw ah mäih ah ka kyak sak khai, ani cu tui gha ne sik khai nei.

ZEPHANIAH 2:7

Pawih ba ciah Judah chang gui naw nami khaw cu khäm khai gui. Acun ung ami htaw shäm u ne, Ashkelon khaw im gui ung ip khai gui. Bawipa ami Khanpughi naw om püi gui ne bämang ba sak gui khai.

ZEPHANIAH 2:15

Shin cu amät ah huham awn khähghah ne, phyawn pyi nei cine, ngai ciah mang gaw ah khan ah kya lawk khai ah amawng gui ah kyak ci. A chang gui naw ami mang gaw cu khomdek khan ung dämduh pikbäih ciah ngai ci gui. A i hawkcha ah shiu ciah hmun ah kya lawk khai aw? Pya masa gui ah lum nak ah hmun ah kya lawk khai nei! Sunpah ciah chang pang naw kyih ne hteh tak khai gui nei.

2 SHONTÄP NAK 33:14

Cun kawn ah Manasseh naw David Mang Gaw ah a kiang täng akpung vongpaang ah a hlüng han m’däm ci, cun cu a siiptäng Kihon tuilawng pei khongnawi ungka naw Nga M’kawt la Ophela ah ami pyen ah mang gaw area ung khüt ci. Ani naw Judah kho mang gaw pang khäng päng ung gabawi tumat cu tha ci, a cun ung gakap unit tumat ci om ci.

ISAIAH 3:26

Mang gaw m’kawt gui cu kyap ne ng’pyang khai gui, mang gaw amät cun phi m’dek ung akplui ah ngok ciah hnumi ah mäih ah kyak khai.

MIKHAH 3:12

Cun ah nangmi ah om ah, Zion cu lai ah mäih ah thawn khai gui, Jerusalem ci di nak ah m’dek ng’plum ah kyak khai. Taigüim m’htung cu bung ah ng’lat khai.