ISAIAH 32:10 - Cho Bible Common Language 2016

¹⁰ Nangmi tuhbäi nami ng’büh khei, cun ung phi hnengkum ashin ah akhin ung ang ngaih u kaa ah nami kyak khai, a i ah kyasei ci ung nangmi ah phäh ah nami khäm vai sapyit kä om khai.

ISAIAH 32:10 Referans Kwoze

JEREMIAH 8:13

“Lo bik ci naw geit bum ne a khäm ah mäih ah kei naw ka chang gui cu ka khäm gui hlük ci. Cun ung phi ngami cu a hnah ng’yai sei phi kä m’theih ciah sapyit ah mäih, kä m’theih ciah thei ghing ah mäih ah kyak ci gui; cun ah kyasei kei naw khi akpung ah chang gui am khi ka khäm sak gui ah kyak ci.

ISAIAH 7:23

“Cun ah khin a gawk law ung, sapyit la akni gui ung phi agha ciah phung ghing ne ngui phya gha ci phu nak ciah sapyit gui cu ng’hling k’cam gui la ng’hling gui naw li shi khai gui.

ZEPHANIAH 1:13

Ami khawh phi maih yawp khai, ami im phi di yawp khai. Ngami cu ami cawh ah im ung kä om ba khai gui, ami geit ah sapyit ah a tui phi kä aw ba khai gui.”

HABAKKUK 3:17

Thei gui kä a m’theih ba ung phi, Sapyit gui kä a ng’shun ba ung phi, Olive sing theih a kyawi yawp ung phi, lolai ung geit kä a thawh ba ung phi, htome gui avan a sih yawp ung phi, sei ng’vong gui a ghawng yawp ung phi.

JOEL 1:12

Sapyit ng’shun gui la thei ghing gui cu chawng ci gui; m’theih ciah aghing gui avan chawng ne sik ci gui. Chang gui ah yeikyai nak phi maih ci nei.

JOEL 1:7

Ngami naw mi sapyit gui m’di ci gui mi thei ghing gui phi ei yawp ci gui. Ngami naw a hnawk gui m’neeit u sei, angban gui phi bawk yawp ci.

HOSEA 3:4

Acun ah mäih ah Israel chang gui phi ghangpughang gui ang vai gui kä om sei khawihnah la theingcim ciah lungtung gui kä om sei, agup gui amüi gui khawihnah vai kä om sei, akshou nu om khai gui.

HOSEA 2:12

Ani naw am hni ah chang gui naw, a ih püi ghui vai ah ami pek ah a pyen ah sapyit gui la thei gui cu kei naw ka m’di khai. Ani ah sapyit dum la sing thei dum cu bung ah ka ng’lat sak khai, cun gui cu khisa gui naw m’di yawp khai gui.

ISAIAH 16:10

Ang lei k’ni kho ung a u phi tuhbäi kä yeikyai ci nei. Sapyitlo ung a u phi kä kääi ci, kä ngäi ci nei. Sapyit tui vai ah sapyit theih neen ci phi a u kä om ci nei; yeikyai ne m’lau nak cu ng’pyi ci nei.

JOEL 1:5

Awktat ciah chang gui, ng’shüm law ne kyap m’lau vä; yu awk ci gui kyap vä; yu tui ak thai ah pyan vai ah am theih gui cu di pyi ci nei.