ISAIAH 30:9 - Cho Bible Common Language 2016

⁹ Ngami cu ang’täi sei khanpughi hnung’tuk püi ci gui, angtäi sei hleei ci gui, Bawipa ah m’theithang ngaih yak vai ah angtäi sei mak ci gui.

ISAIAH 30:9 Referans Kwoze

ISAIAH 30:1

Bawipa naw ng’thu pyen ci, “Judah khaw uk ci gui cu ng’ziin ci gui, a i ah kyasei ci ung ngami naw kei cu na hnu ng’tuk püi ci gui. Kei ah kä pyan ah m’hnüt bäi nak cu läk ci gui, kei ah ka ng’yak hlü awn hnung’tuk ciah yum ät nak bik u ne, katnak tumat ah khan ah tumat m’taih ci gui.

THU PHLAAN 21:8

Cun ung phi kyik ciah chang, pyaai ciah chang, chang ngawn ciah chang, chang shemshai, chang om kaa, ng’pluh ciah chang, a gup khawihnah ciah chang la hleeihlak ciah chang gui cu yam mei cang ung lut yawp khai gui. Cun cu ak hnih vei nak sihnak ah kyak ci” ci ne pyein ci.

LAMKTU 7:51

Stephen naw, “Nang mi cu nami ling aih aih ci, na mi m’lung naw Khanpughi kä yum hlawt ci, Khanpughi ah ng’thu phi kä nami yum hlük ci, nang mi cu nami pupa gui ah mäih ah Mumcha Theing cu ang täi sei nami hnu nak ci nei,

ZEPHANIAH 3:2

Bawipa ah ng’thu kä ngai ne am cäi kä dou ci. Bawipa cu kä ngaih u ci, am htei vai ah kä ng’zoi thäh ci.

ISAIAH 1:4

Nangmi nami hmüp ci, nangmi cu cheishoh ciah pakhui, Nangmi m’shetkat ne shekak ciah chang! Nami hmakat nak naw ning kaih tawn gui ci nei! Nangmi naw Bawipa, Israel gui ah theingcim ciah Khanpughi cu hnu na u ne, ani cu nami ng’hlah tak ci.

NG'THU K'THUUK~ 28:9

Thukhän kä na läk ah a kyak ung nang ah taigü cu Khanpughi naw teng ne thüinak aih vai ah ng’yak ci.

THU PHLAAN 22:15

Cun ung phi chang shekha gui, ng’plukheih ci gui, pletbeng ci gui, chang ngawn ci gui, a gup khawihnah ci gui, hleeihlak cheishoh ci gui cu ami van Manggaw ah ak’pung ah om khai gui.

HOSEA 4:2

Ngami naw shaitak u ne, acun gui cu m’shet yawp ci gui, Ngami cu hleei ci gui, chang ngawn ci gui, m’guk ci gui, pletbeng ci gui, shetkat nak cu da law pi ne, chang ngawn law pi pi ci gui.

JEREMIAH 9:3

Ngami cu akphlüt ah hleei pyen ge vai ah om ci gui; Düng nak ah hnün ung kä ng’düng nak gui naw kho uk ci. Bawipa naw pyen ci, “Ka chang gui naw akshe cu tumat ng’pyi sei tumat bik ci gui, kei ami na Khanpughi ah käng kiaa man ci gui.”

JEREMIAH 7:13

Nangmi naw shin ah katnak gui avan nami bik ci, kei naw leng ba ba ne ning thu püi gui ngä sei phi ma ne kä nami ngai ci. Kei naw ka ning khü gui ung nangmi naw kä nami m’shang ci.

ISAIAH 63:8

Bawipa naw pyen ci, “Ngami cu kei ah chang gui; ngami naw kä na m’hleeihlak khai gui.” Cunah kyasei ani naw,

ISAIAH 28:15

Nangmi cu sihnak awn ng’thu nami k’bäi ciah pyen ne, sihnak ah khaw awn nami yum ät ciah pyen ne, nami khähghah ci nei. Nangmi naw leigai a gawk law ung ning hlawi gui khai ah nami ngai ci, a i ah kyasei ci ung, nangmi cu nami hleei hlak lima nak awn phiawn vai ah nami ngai ci.

ISAIAH 1:10

Jerusalem aw, na uktu gui la nak chaung gui cu, Sodom la Komorrah ah mäih ah kyak ci gui nei. Bawipa naw nangmi ah khan ah a i a pyen cu ngai vä. Mi khaupughi naw aning m’thei gui cu ngaih nah vä.

2 SHONTÄP NAK 33:10

Bawipa naw Manasseh la a chang gui cu thukbäi gui sei phi ngami naw ma u ne, kä ngai ci gui.

THULÄÄN NAK 32:20

“Kei naw kä ka m’hteihtang ba gui khai, cine ani naw pyen ci. Cun ah linglai ne kä bekhüt ciah chang gui ah khan ah a i ah kya lawk ci, cicu kei naw ka hmuk khai.

SAM 78:8

Ngami cu ami pupa gui ah mäih ah kä kyak ci gui, ami pupa gui cu hnu ng’tuk u ne, ng’thu kä ngai u ne, Khanpughi ami yum nak kä ng’shing ci, kä bekhüt ci gui ah kyak ci.

ISAIAH 1:2

Bawipa naw, “Khomdek la khomik, kei naw ka pyen law vai cu ngai vä! Kei naw ka m’ghin gui ah ak hmaw gui naw na hnu ng’tuk püi ci gui nei.

ISAIAH 5:24

Cun ah kyasei tuhbäi, htang gong la khu m’gho chawng ng’vet sei mei naw a vih ah mäih ah nami zungpya cu thu ne nami m’guhpai cu chawng ne zong yawp khai nei, a i ah kyasei ci ung, nangmi naw m’gäi ciah Bawipa, theing cüm ciah Israel khanpughi ah ana m’theithang gui cu nami hnung’tuk püi ah phäh ah kyak ci.

ISAIAH 24:5

Chang gui naw khanpughi ah thukhän gui m’shet nak la ng’täi khai ah a pyan ah angthukhän m’kat nak awn khomdek cu lelawi sak ci gui.

ISAIAH 65:2

Ami mätah hteh nak hlü ung hteit ne, m’lung ling ne cheishoh ciah ka chang gui cu, kei naw angtäi sei dou gui ge vai ah ka om ci nei.

JEREMIAH 35:14

Jonadab htangshon gui naw, sapyit tui kä awk vai ah ani ah thumkhän cu ngai ci gui, tuh ngawi güt ung a u naw phi kä awk ci gui. Cun ung phi kei naw k’pang ne ning thu püi gui ngä sei phi, nang mi naw kä nami ngai ci.

EZEKIEL 24:3

Kei, uktu Bawipa naw ngami ah phäh ah ka pyen ah shin ah m’tumtäng nak cu ng’kük net ciah kei ah ka chang gui am m’thein gui ä: mei ung k’am kyäng ne tui luh vä.

SAM 81:12

Cun ah kyasei ami ling nak ah hteh sak gui ne, ami ng’yak hlü ka bi sak gui ci.

ISAIAH 10:5

Bawipa naw, “Assiria gui! Kei naw Assiria gui cu, kei naw ka m’lungshe nak gui m’kyuk nak gui vai ah thah htung ah ka mang gui ci nei.

ISAIAH 10:6

Kei naw Assiria gui cu, Khanpughi ka om ciah pakhui, kei na m’lungshe sak ciah chang gui tu gui khai ah ka tüi gui ci nei. Kei naw ngami ah ka tüih gui cu guttep ne, m’gu ne, lam ung m’vut ah mäih ah chang gui kai na gui khai ah kyak ci nei.”

ISAIAH 48:4

Nangmi cu lingkeng u ne, m’si ah mäih ah kyei ah mäih ah nami m’liu ci, cicu kei naw ka hmat ci.

JEREMIAH 7:28

Nang naw na m’thein gui vai cu, ngami ah pakhui naw Bawipa ami Khanpughi, kei ah ng’thu kä ami ngaih ah a kyak ung, ami m’kyuk nak gui ung kä ami ng’thei ah a kyak ung, kä bekhüt nak cu sih nak ah kyak ci. Cun ah mawng cu ka pyen ba ling vai kyak ci.