ISAIAH 30:7 - Cho Bible Common Language 2016

⁷ Egypt naw a pek ah m’htei htang nak cu a kholä nei. Cun ah kyasei kei naw Egypt ming m’hlawt awn ka khü cu, “Am’äm kä om ciah phyu ng’hlui” ah kya ci.

ISAIAH 30:7 Referans Kwoze

ISAIAH 2:22

Si thei ciah chang kä nami ngaih u ba vai. Ngami naw a i phu na u ne ang?

HOSEA 5:13

“Israel naw a i hlawk ah a gawpyam cu hmu ne, Judah naw amät ah leim cu ahmuh ah a kyak ung Israel naw Assiria ah hteit ne dämduh ciah uktu bawi naw am htei tu gui vai ah thäh khai gui. Cun ung phi ani naw kä m’gai gui hlawt khai, ami leim kä khan sak gui hlawt khai.

NG’ÄI KYAH 3:26

Cun ah kyasei m’lung sau nak awn k’äih cu mikmi ah phäh ah akni pi ah kyak ci — ani naw ana hun gui vai ah mi k’äih ci.

ISAIAH 7:4

Ang nih nak vai, akcing ah a om vai. Kä a kyih kyawk vai, kä a m’lungso vai ah na m’thein vai nei. Ghangpughang Rezin la a Sirian chang gui la Ghangpughang Pekah ah m’lungshe nak cu ui ngän ngän ciah sing tawn hnih hlawk ah kyih vai ah kä kya ba ci nei.

PHYAWN NAK 14:13

Moses naw, “Kä kyih en vä. Khüi ne ng’düi vä! Tuh ngawi Bawipa naw ana hun nak gui ah bii a bi cu nami hmuk khai nei; shin ah Egypt chang gui cu kä nami hmu ba gui khai nei.

JEREMIAH 37:7

Zedkiah ka pyen nak vai cu, “Egypt gakap gui cu nang ning bawm khai gui ah kai lawk ci gui,’ Cun ung ami im ah ng’hlat ba khai gui.

ISAIAH 51:9

Bawipa, tho law ne, na m’htei gui ä! Na huham mang ne na hun gui ä; cau pui pui na mang man ah a cun cu mang ba ä. Tuinu-k’phyu hlui kahab kiük ne phyit cicu nang ah kyak ci nei.

ISAIAH 30:15

Uktu Bawipa, Theingcim ciah Israel khanpughi naw chang gui pyen na gui ci, “Law ba vä, adüm hta ah kei ung ng’ap ba vä. Nangmi cu gaigawng ne nami phyawng khai.” Cun ung phi nangmi naw cun ah bi vai cu nami mak ci.

ISAIAH 28:12

Ani naw düm nak ning pe gui ne, nami van ning shungvawng gui sei phi, ani nami ngaih vai ah nami mak ci nei.

JOB 9:13

Khanpughi cu ani hnu ng’tuk püi ciah Rahab ng’düih püi ci gui ah aga gui ah khan ah am lung she nak cu angtäi ah om ci.

SAM 87:4

“Kei na ngai ciah pakhui ka m’hnüt law ung Egypt la Babilonia cu ka kum khai nei; Philistin, Tire la Sudan chang gui cu, Jerusalem mang gaw chang ung ka khei gui khai nei,” cik ci.

SAM 89:10

Nang naw nget ciah Rahab cu shudeng ne na ngawn ci; m’gäi ciah na thagui awn na ga gui cu tu ne na k’täm gui ci.

ISAIAH 10:3

Khanpughi naw aning m’kyuk law gui ung a i ah nami kyak khai ang? Ani naw a khawshou ah ka leigai gui nami khan ah a law püi ung a i ah nami kyak khai ang? M’hteihtang nak hmuh vai ah a hawi nami dawng khai ang? Nami khawh cham gui a hawi nami thup khai ang?

ISAIAH 20:6

Cun ah khim a gawk law ung, Philistia tui kam yung ah am ciah chang gui naw, ‘Assiria ghangpughang ah kut ung ka na shungvong gui khai ah mikmi naw mi ngaih u gui ah chang gui ah khan ah, a i ah kya lawk cicu teng tu vä! A i hawkcha ghing ne mi k’pawih ba khai aw?’” cik ci gui.

ISAIAH 30:5

Kä ngaih gep vaiah pakhui, ami ngaih u yah ung zu ng’kiak sakgui ciah pakhui, ami ngaih u ah phäh Judah chang gui cu ng’yu ba khai gui.”

ISAIAH 36:9

Nangmi naw Assirian bawi a hmawpi phi kä nami ng’tuk püi hning ci, nangmi naw Egypt gui cu yatha gui la ng’secum gakap ning tüih lawk khai gui ah hami ngaih u ci.

NG'THU K'THUUK~ 25:19

Ang cet yah ung kä b ä ciah chang ung ng’khüi cu ha ak hnet awn htui ne ei ei ah mäih, a kho hnget ah hteh ah mäih ah kyak ci.