ISAIAH 30:6 - Cho Bible Common Language 2016

⁶ Shin cu htum täng khong’gau ung om ciah khisa gui ah phäh ah khanpughi ah ng’thu ah kyak ci: Ng’shäbawi gui cu kyihkyawk vai ah khaw kan ne hteit hton ci gui. Cun ah khaw ung phong kawng gui, k’phyu m’äm mah gui, k’phyu ng’phai mah gui om ci. Ngami aw ami ng’sela gui la ami kala uk gui ung a phu küi m’cümhnah gui cu taih u ne, kä m’hteihtang gui hning khai ah pakhui ah hteh püi ci gui.

ISAIAH 30:6 Referans Kwoze

THULÄÄN NAK 8:15

Am äm mah k’phyu la m’khaw gui ah om nak ng’shawng ne kyih vai kyak ciah bung gui phi ning kaan sak gui ci. Cun ah chawng ne tui kä om ciah khaw ung, ani naw nangmi ah hmawk ah lungliu ungka tui luh law sak ci.

JEREMIAH 11:4

Cun ah thukhän cu cun ah khaw cu ngami ah phäh ah mei cang ah mäih ah mäih ah kyak ci. Egypt khaw ungka ka law püi ba gui yah ung ami pupa gui am ka pek gui thumkhän ah kyak ci. Kei ami na ngaih vai la kei ah ka thumkhän nü ami bi vai ah kei naw ka m’thein gui ci. Ka m’thein gui ci, kei amo na ngaih ah a kyak ung ngami cu kei ah chang ah kyak khai gui, kei cu ngami ah Khanpughi ah ka kyak khai.

1 GHANGPUGHANG GUI 10:2

Ani naw chang akda khah püi ne, ghui akda, pyülung gui la tui ng’ui gui akda ami phuih sak ah, kala-uk gui law püi ci.

THULÄÄN NAK 4:20

Cun ung phi nangmi cu Egypt khaw mei k’cang ungka aning gun ba gui ah chang ah nami kyak ci. A tuhngawi ah mät ah chang ah a ning pyan gui vai ah aning law püi ba gui ah kyak ci.

MATTHE 12:42

Sheba kho päng ciah ghangpughangnu cu, hmuhmat pi ciah Solomon ghangpughang ah ng’thu ngai tuk khai ah gawk law pyii ci nei. M’khoichaa nak ah hnüüp ung ani naw ng’düi law ne, nangmi cu ning k’taap gui khai nei. Kei naw akcang ka pyein cu, shin ung tuhbäi Solomon ghangpughang ah mä hlüngtai pi ci, gawk law pyii ci nei.

HOSEA 12:1

Israel chang gui naw khawngawi ung ka naw khomü ung khüt khai ah ami bi nü cu akholä dishum sak ciah kyak ci. Ngami cu Assiria gui awn ng’khawtsheng u ne, Egypt gui awn sumlei ci gui.”

JEREMIAH 2:6

Ngami naw kei a i ah kä na sui ci gui, kei naw Egypt ungka ka gung gui ci, kho ng’gau bung hmu ka kan sak gui ci; Ng’gau ne laigin ah kyak ciah kho, chang naw kyih vai ah kho, a u naw kä a om nak hteh hton ah phi a u naw kä hteh hton nak khai.

ISAIAH 57:9

Nangmi cu tuing’ui, suitui ng’ui gui awn ng’hluk hlüuh u ne, molek khanpughi khawihnah vai ah nami hteit ci. Nangmi naw nami khawihnah vai khanpughi gui hmuk khai ah ng’shä chang tüi ne, khoshou, kho ng’shawng, sih nak ah kho güt ah nami shui ci.

ISAIAH 19:4

Kei naw Egypt chang gui cu ngetngawng m’gäim’cik ciah ghangpughang om, ngami uk gui khai am ka ap gui khai, kei, m’gäi ciah Bawipa naw ka pyen nei.”

ISAIAH 15:7

Chang gui cu Willows Khongnawi kan ne hteit ci gui, ami khawcham avan awn phyawn vai ah tha nak ci gui.

ISAIAH 8:22

Ngami naw m’dek teng khai gui, cun ung phi a i kä hmuk khai gui, yaica nak la mü hmüp nak bäng ah kyak khai, kyih kyawk vai ah mü hmüpnak cu.

2 SHONTÄP NAK 16:2

Cun ah kyasei Asa naw, Taigüim la mang im kyong ah m’küm ung ka ngui gui cu la ne, Damaskas ah Sirian ghangpughang Benhadad am, shin ah ng’thu awn m’khäh ne m’khäh ci:

2 SHONTÄP NAK 9:1

Sheba ghangpughangnu naw Ghangpughang Solomon ah mingthang cu ng’ya neta ani m’nüm khai ah ng’shi nak akhet gui law püi ne, Jerusalem ah lawk ci. Ani naw a chang gui akda khah püi ne kalauk gui akda awn tui ng’ui gui, pyülung gui la, ghui akda law püi ci. Ani cu Solomon awn ng’hmu law ni neta ani naw ang ngaih avan cu ng’shik ci.

THULÄÄN NAK 17:16

Ghangpughang naw amät ah gakap ah phäh ah ng’sela akda kä a tha vai. Ani naw Egypt khaw ah chang tüi ne sela kä ak hleih sak vai. A i ah kyasei ci ung Bawipa naw a chang gui cu acun ah khaw ah kä ami ng’hlah ba vai ah pyen ci.

ATÜNNAK 12:9

Ani cu ng’plon shüi shüi neta Kanaan khaw a htumtäng ah gawk ci.

KHEI NAK 21:8

Cun kawn ah Bawipa naw Moses am am thein cu, “Phyu a gup na pyan vai, tung ung na tai vai. A u chang phi phyu naw ak dawh ung acun ateng vai. Ani cu gai khai” ciah kyak ci.

ISAIAH 5:30

Cun ah hnüüp a gawk law ung, ngami cu Israel ah khan ah tuinu ah ng’güüt hlawk ah m’lau khai gui. Shinah khaw cu teng vä! Mü hmüp la geinvai nak ah kya ci! Akdei cu mü hmüp naw m’zaw ci nei.

ISAIAH 14:29

Philistia chang gui. Nangmi ning thah nak gui ah htung cu hnget pyi ci nei, cun ung phi nami yeikyai nak vai kä om ci nei. K’phyu tumat a sih ung, cun ah hnün ung nget pi ci gawk law ba ci. K’phyu ah m’tui ung ka k’phyu k’cung kheh ci nei.

ISAIAH 35:9

A i phongkawng phi cun ung kä om khai; a i sa nget naw phi cun ah lam kä kan khai. Bawipa naw a gun gui ah chang bäng cun ah lam ung hteit ne, ami un ah hteit ba khai gui.

EZEKIEL 20:46

Ani naw pyen ci, “Hnicim chang, a htumtäng ah yuk teng ä. A htum täng hnungtuk ne ng’thu pyen ne, a htumtäng bung hnungtuk ne ng’cängbang ä.

MIKHAH 6:14

Nami ei ung phi kä nami phü khai, akcang ah nami cawi lä khai. Nami khawh nami m’kawn khai, cun ung phi kä nami phiawn püi khai. Nami phiawn püi ung phi ng’tuk nak ung kei naw ka m’di khai.

ZEKHARIAH 9:9

Zei vä, yei vä, Zion Chang gui, Zei ne m’lau vä, Jerusalem Chang gui! Ani cu m’khüt nak la näng nak awn lawk ci nei! Teng vä, nami ghangpughang cu lawk ci nei! Cun ung phi m’lung neim nak awn Ng’sehta ng’cuum ne lawk ci, cun cu Ng’se am ca hta, ng’se a nu ah a hta ah kyak ci.

JOB 39:11

Nang naw dämduh ciah ani ah thagui cu na mang hlawt khai aw? Gih aih ciah nang ah bii cu na bi sak hning khai aw?

HOSEA 12:2

Bawipa naw Judah chang gui cu hnungtuk ne k’bün phei gui ci, Ani naw Israel gui cun phi ami hnün thawh ah ciah m’kyuk gui khai. Ngami naw ami bi lawh ah phäh ah ani naw pe gui khai.

ZEKHARIAH 6:6

Ng’se ale naw a kaih ah yatha cu Babilonia a siiptäng ah hteit ci, abawk naw a kaih cu ak kheitäng ah hteit ci, a pyawk gui ah kaih cu a htumtäng khaw ah hteit ci gui.