Biblia Todo Logo
Bib sou entènèt

- Piblisite -




ISAIAH 30:3 - Cho Bible Common Language 2016

3 Cun ung phi ghangpughang naw am hteihtang nak gui vai ah huham cu maih khai, Egypt ah shungvong nak cu leigai awn ng’pyi khai.

Gade chapit la Kopi




ISAIAH 30:3
18 Referans Kwoze  

Sudan ung ngaih gep ci gui la Egypt ah mawng khähghah ci gui cu, ami ngaih u nak maih sei, ak cang hmu lawk khai gui.


Cacim theing ung, “A u chang phi Bawipa yum ciah chang cu thüisei nak kä om khai,” ciah om ci.


Mikmi cu cun ah m’lung üp ngaih u nak a om ung a i yah ung phi mi m’lung kä häu vang khai. A i yah kya sei ci ung Khanpughi naw ana peit gui ah Mumcha Theing awn, anam hni nak gui cu, mi m’lung kyong ah anglih pyou sak pyi ah kyak ci.


Egypt naw ning bawm khai ah an doui, cun cu m’long htung ng’shopawng nak ah mäih ah kyak khai nei-a cun cu hnget ne, na kut ning shun khai nei. Egypt ghangpughang cu chang naw ang khüng lawnak ah a kyak ung a cun ah mäih ah kyak ci nei.”


Egypt naw ning bawm khai ah na ngaih u ci nei, cun ung phi ani cu m’long ng’shopawng nak ah mäih ah kyak khai — acun cu hnget ne na kut ung ning shun khai. Cun cu Egypt Ghangpughang chang naw a ngaih u ung a cu cha ah a kyak thei su ah kyak ci.


Ga m’khüt nak vai ah na m’htei gui ä; hnicim chang ah m’hteihtang cu a kholä nei.


Cun ah khim a gawk law ung, Philistia tui kam yung ah am ciah chang gui naw, ‘Assiria ghangpughang ah kut ung ka na shungvong gui khai ah mikmi naw mi ngaih u gui ah chang gui ah khan ah, a i ah kya lawk cicu teng tu vä! A i hawkcha ghing ne mi k’pawih ba khai aw?’” cik ci gui.


Chang pakhui hei gui ah khanpughi gui nami ng’hlah shi nak awn nami phu nami ng’neim sak ci. Nangmi cu Assiria ung nami thüi ah mäih ah Egypt ung, nami thüi yai khai.


Bawipa, Israel khanpughi naw pyen ci, “Kei ah ka m’lungshe nak la ka nget ngawn nak naw Jerusalem chang gui a shawi gui ah mäih, Egypt ah nami hteh ung läi nami khan ah ka nget ngawng nak naw ning shawi gui khai nei. Nangmi ui a teng she ah nami kyak khai; Chang gui naw ning giah m’gin gui ne, nami ming cu plah taam nak ah mang khai gui. Nangmi naw shin ah hmun cu kä nami hmu tu ba khai.”


Cun ah kyasei shin cu shüm ba vä; nangmi hteit ne nami om nak hlü ah khaw päng ung ng’tuk nak, ei cawi nak la gawpyan nak awn nami sik khai” cik ci.


Cun ah agup cu dämduh ciah uktu bawi am m’cümhnah ne pek vai ah Assiria ah hteh püi ci gui. Israel cu thuihmai ng’aca khai, a i ah kyasei ci ung, acun ah m’shümthein nak ami läk ah phäh ah kyak ci.


Ang cet yah ung kä b ä ciah chang ung ng’khüi cu ha ak hnet awn htui ne ei ei ah mäih, a kho hnget ah hteh ah mäih ah kyak ci.


M’gäi ciah Bawipa Israel khanpughi naw pyen ci, “kei naw Amon, Thebes gui ah khanpughi cu, Egypt gui ah khanpughi gui la ghangpughang gui awn atäng ah ka m’kyuk khai. Kei naw Egypt ghangpughang la ami yum ciah chang gui avan cu la ne,


Ngami cu nang ung ng’läh u khäta, nang cu hnget ne, ami ban ung aat gui ne ami khei phi na awk sak gui ci.


Swiv nou:

Piblisite


Piblisite