ISAIAH 30:16 - Cho Bible Common Language 2016

¹⁶ Cun nak vaisü ung, nami ga gui phiawn nak vai ah zangkhai ciah ng’se ng’cum vai ah nami k’bäi ci. Nangmi nami hman ci-ai ah kyasei ci ung nangmi cu nami dawng tukcang khai kyak ci! Nangmi naw nami ne’se gui zangkhai ciah nami ngai ci, cun ung phi nangmi ning gawt law gui cicu zangkhai pi khai nei!

ISAIAH 30:16 Referans Kwoze

ISAIAH 31:1

Egypt khaw ah ami m’htei htang vai ah hteit ci gui cu ng’ziin ci gui! Ngami cu Egypt ah dämduh aih ciah ga k’tha mah nak-ng’sela gui, yatha gui, la gakap gui ung ng’khüng ci gui. Cun ung phi ngami cu Bawipa, Theingcim ciah Israel khanpughi ung kä ng’khüng ci gui, am htei htang gui vai ah kä k’thäh ci gui.

ISAIAH 31:3

Egypt gui cu khanpughi ah kä kyak ci gui-hnicim chang ah kyak ci gui. Ami ng’se gui cu khaw ah kä kyak ci gui. Bawipa a hnün thawh law ah a kyak ung thamah ciah pakhui cu khui ne ng’deng khai, thaken ci, ami m’htei htang cu kyu ne ng’täng khai. Ani nik hnih cu di khai goi.

HABAKKUK 1:8

“Ami ng’se gui cu kawng hta ah yaangkhai pi u ne, ei cawi ciah hngei ah ta nget pi ci gui nei. Ng’se cuum ci gui cu a shou nak ah kaa, ng’se awn ng’phäi lawk khai gui, ami k’se gui cu m’dek ung ng’laih khai gui. Ngami cu a i baw lo ne ei khai ah langta ah mäih ah ng’phäi lawk khai gui.

MIKHAH 1:13

Lachish chang gui ng’se cu ng’hle ung khit vä. Nang naw Israel ah cheishoh nak cu thei tu ne Jerusalem cu na cheishoh sak ci nei.

AMOS 9:1

Kei naw Bawipa cu mangkyang pei ah ng’düi sei ka hmuk ci. Ani naw thumkhän a pek cu, “Taigüim tung gui ah apaam gui cu na khläng vai, ang nei phi na thüng sak vai. Cun gui cu hnget sak ne, chang gui ah lu ah khan ah yuk kyak sak ä. K’pawih ba ci gui cu ng’tuk nak ung kei naw ka ngawn gui khai. A u kä dawng hlawt khai, a u kä phyawng khai.

NG’ÄI KYAH 4:19

Hmu ah mä yaangkhai pi ne khomik ungka naw m’tawn ci gui, ngami naw na gawt gui ci gui. Ngami naw khogui gui ung na mi neh na läk gui ci gui, ngami naw cäicat vai ah khong’kiang ah na la gui ci gui.

JEREMIAH 52:7

Mang pang gui cu ng’gäi yawp ci. Babilonian gui naw mang gaw cu veing ne khaai pang u sei phi, khomü ah gakap gui ami van cu luat yawp ci gui. Ngami cu mang ah dum täng, pang goi ah ani ng’lak m’kawt ung hteit u ne, Jordan khongnawi täng ah dawng ci gui.

JEREMIAH 4:13

Teng vä, ga gui cu khongmei ah mäih ah lawk ci gui nei. Ami ng’tuk nak ah yatha gui koiphak ah mäih ah kya ne, ami ng’she gui cu hmu zong ah ta zangkhai tuba ci mikmi cu mi mäih pyi ci! Mi ng’ziin pyi ci nei!

SAM 147:10

Ani ah lünlawi nak cu gai ciah ng’se ah kä kyak ci, m’gäi ciah gakap ah kä kyak ci;

SAM 33:17

Ng’tuk nak ah ng’se gui ung näng nak kä om ci, Bä ciah ami thagui naw kä hun gui hlawt ci.

THULÄÄN NAK 28:49

Khomdek ak cawi ah ka nang mi ning hnungtuk püi gui khai ah pakhui cu Bawipa naw law püi khai. Cun ah pakhui ah ng’thu cu nangmi naw kä nami hmat khai. Ngami naw hmu kiung ah m’tawn ah mäih ah ning m’tawn gui khai gui.

THULÄÄN NAK 28:25

“Bawipa naw nami ga gui am nangmi ah khan ah näng nak pe gui khai. Nangmi naw lam tumat ung hteit ne nami tu gui khai, cun ung phi ngami ungka lam avan ung nami dawng khai. Nangmi ah khan ah cun ah a kyak law gui cu, khomdek khan ah chang avan naw hmu u neta cäicat khai gui.

2 GHANGPUGHANG GUI 25:5

Cun ung phi Babilonian gui naw Ghangpughang Zedekiah cu gawt u ne, Jerikho khodo pei ah pha u sei, a gakap gui ami van naw nawng shüt ne dawng ci gui.

ISAIAH 2:7

Ami khaw cu ngui la ghui awn be ne, ami m’küm khawh cu kä ng’pyi hlawt ci nei. Ami khaw cu ng’se gui awn be sei yatha gui cu kä ng’pyi hlant khai ah da ci nei.

JEREMIAH 39:4

Ghangpughang Zedekiah la agakap gui aran naw cun gui cu hmu u neta mang gaw ungka phyawng khai gi ah khomii ung k’tha nak ci gui. Ngami cu mang ah dun täng ung hteit u ne, m’kawt lam k’pang gui ah angcä ung hteitne phyawng ne Jordan khongnawi täng ah phyawng ne hteit cu gui.

JEREMIAH 46:6

Akgai ah dawng cicu ashou nak ah kä gawk hlawt ci; gakap gui kä laut hlawt ci gui. Asiip täng, Euphratis ung ngami cu ng’täng ne kyuk ci gui.

JOB 39:11

Nang naw dämduh ciah ani ah thagui cu na mang hlawt khai aw? Gih aih ciah nang ah bii cu na bi sak hning khai aw?