ISAIAH 30:13 - Cho Bible Common Language 2016

¹³ Nangmi cu namishekak ci nei. Nangmi cu teek ne ng’bou ciah k’paang hlüng ah mäih ah nami kyak ci; nangmi cu ang ghit ah nami piawn khai nei.

ISAIAH 30:13 Referans Kwoze

ISAIAH 29:5

Jerusalem, nang ning tuk ci gui ah a khohei chang gui avan cu m’vut ah mäihah zong khai gui nei, kyih vai ah kyak ciah ami gakap gui cu htang gong chawng ah mäih ah zon gui khai nei. Ang ghitah, kä ngaih-tüh ah,

NG'THU K'THUUK~ 29:1

Ami ning m’düng m’shung päng ung na ling aih ah akyak ung hnüüp ät ung akhui ah na ng’deng khai, kä na tho ba hlawt khai.

SAM 62:3

Nangmi naw a i güt chang tumat cu nami ng’tuk püi khai ang? Ani cu kiawi ciah k’pang ah mäih ah kyak ci nei.

1 GHANGPUGHANG GUI 20:30

K’pawih ba ci gui cu Aphek mang gaw kyong ah lut ne im tumat ah a hnu täng a khan kyong ung ng’yii ci.

LUKA 6:49

Kei ah pyein ah ng’thu theing cu ng’ya lang ne, kä läk ciah chang cu bigin ung khui shawk ne im co ci awn täng ci. Ani cu kho khi ne aa ne tuinu ang güüt law ung ng’gäi ne maih yawp khai” cine m’cäi gui ci.

MATTHE 7:27

Khokhe aa ne, tuinu ng’güt ne, puikho khi ne ang tum law ung, cun ah im cu ng’gäi ne maih ci. Cun ah im adi-dam nak cu nui aih aih ci nei!”

JOB 36:18

Geing na vä, ng’mü khawh naw kä ning thuvi en sak gui sä, Bühmang nak naw lam kä ning hma en sak gui sä.

SAM 62:4

Nang bäng naw ani cu m’tamkhah nak ah hmun ungka chah vai ah na ng’ya hlük ci. Nang na hleei pyen ne na yeikyai ci. Na shai awn hriham thu na pyen ci, cun ung phi na m’lung kyong ah ani na ng’plah ci.

NG'THU K'THUUK~ 6:15

A cun ah phäh ah kä ngaih ah hungsai naw m’di gui sei, ciin ne ng’pyi khai gui.

ISAIAH 22:14

Uktu m’gäi ciah Bawipa amät naw kei na ng’thu püi ne a pyen cu, “Shin ah akshe ah phäh ah ngami ami ghin ah chuih kä m’geinsei gui vai nei. Kei, m’gäi ciah uktu Bawipa naw ka pyen nei.”

ISAIAH 26:21

Bawipa cu khankho a om nak ung ka, khomdek chang gui ami kmakat ah phäh ah m’kat gui khai ah kyum lawk ci nei. Khomdek khan ung m’zih ne chang ngawn nak phung cu ng’dang ling khai nei, ami ngawn ah chang cu khomdek naw kä m’zih ba khai nei.

ISAIAH 30:26

Cha cu hni ah mäih ah ng’shü khai, hni cu ang shü man ah ak chih ah pyü ne ng’shü khai, hnüüp chih ung ang shü vaisü hnüüp ät ung ang shü ah mäih ah kyak khai. Bawipa naw achang gui am a pek gui ah hmaleim gui halwp ne, am tui pek gui kawn ah shin gui avan cu kya lawk khai nei.

ISAIAH 47:11

Leigai cu na khan ah gawk lawk khai, a i na ce cai nak naw phi kä ng’düm sak hlawt khai. Dishum nak cu ang ghit ah na khan ah gawk lawk khai — cun cu ng’mang ah phi kä na mang nak man ah kyak khai!

ISAIAH 48:3

Bawipa naw Israel gui pyen na gui ci, “Cau pui kei naw a i ah kya lawk khai ci cu ka ng’cängbang ci; cun kawn ah kei naw cun cu ang ghit ah ka kyak sak ci.

ISAIAH 58:12

Nami chang gui naw cau ng’phye ng’gäi cicu co ba khai gui, cawh kyan pyi phyim angnei ah khanah. Co ba mä khai gui, Nangmi cu Mang k’pang co ba ne, im she m’tho ba ciah ning hmat gui khai gui.”

ISAIAH 65:7

ami katnak la ami pupa gui ah katnak ah phu cu thung khai gui nei. Ngami naw khongyo khawihnah nak m’htung khan phung ung tui ng’ui m’khi u ne, kei cu akshe ah na pyen ci gui-cun ah kya sei, yanä ami om ih ah ciah kei naw ka m’kyuk gui khai.”