ISAIAH 3:9 - Cho Bible Common Language 2016

⁹ Ami mät ah mikhmai naw amimät hungtuk püi gui ci nei. Ngami naw Sodom ung chang gui ah mäih ah katnak cu ang dang ah bik ci gui nei. Ngami cu shekha u ne, acun ah a phu ng’kheng cu ami khan ah ami mät naw law püi ci gui.

ISAIAH 3:9 Referans Kwoze

ATÜNNAK 13:13

Sodom gawnu ung chang gui cu, chang shekha gui, Bawipa hnu na ne cheishoh ci gui ah kyak ci.

JEREMIAH 6:15

Shin ah shemshai ci ami bi ah phäh ah ngami ng’aa ca u ne ang? Ka nei, ngami kä ng’aa mui ci gui; a i hawkcha ah ami hmawi a shet vai phi jä hmat ci gui. Cun ah kyasei ngami cu chang hei gui ami kiuk täng ah mäih ah kiuk täng khai gui; Kei naw ka m’kyuk law gui ung cun cu ngami ah ng’pyi nak ah kyak khai. Kei, Bawipa naw ka pyen nei.

ROMAN 6:23

Shetkat nak ah a phu cu sih nak ah kyak ci; Cun ung phi Khanpughi naw a phu kä m’hnüt vai ah am gein nak cu, mi Bawipa Jesuh Khrit ung kawng ät nak awn gah ah angtäi ghin nak ah kyak ci.

EZEKIEL 23:16

Ani naw cu gui a hmuh vai ah ami cu gangtha law aih neta ngami ah om nak Babilonia ah Chang tüi ci.

NG’ÄI KYAH 5:16

Keimi kami khähghah nak ungka, a i phi kä k’pawih ci nei. Keimi cu hmaka u ne tuhbäi kami ng’yiin ci.

JEREMIAH 3:3

Cun ah kyak sei khaw aa ng’düm ne, khaw kä a aa ba ah kyak ci. Nang cu pawmya ciah mäih ah na kyak ci, nang ung lüng aa nak kä om ci.

ISAIAH 3:16

Bawipa naw, “Teng vä, Jerusalem ung hnumi gui shi, a i hlawk ah chang ah ng’shei ci gui ang! Ngami cu khaw häu ung dong ne hteit hton ci gui. Ngami cu angtäi sei lawklak ci gui. Ang ghin hta ah m’khan u ne, ami khaw m’awi ung ami khawkhih phi ching ching ah ng’ging ci.

NG'THU K'THUUK~ 30:13

Mi mät naw ami mät ni aih ciah ngai ciah chang gui om ci — a i hlawk ah kami nik ci ang? cine ami mät naw ngai ci gui.

NG'THU K'THUUK~ 8:36

Kei kä na hmuk ciah chang cu a mät plah taam ciah kyak ci. Kei na thüi nak ciah chang cu sih nak m’hni ciah kyak ci.”

SAM 10:4

Changshe naw Bawipa cu a i ah kä sui ci; Chang ah ng’shei u ne, Khanpughi kä hlü ciah ngai ci.

2 GHANGPUGHANG GUI 9:30

Jehu cu Jezreelaa ung gawk ci. Jezebela naw cun ah a mawng gui cu ng’ya pyi ci kya neta, amik mu pyang ne, a lu huih neta, mang im kyong ah m’kawt ung ng’düi ne lam cu hei teng ci.

1 SAMUEL 15:32

Samuela naw k’bäi ne, “Ghangpughang Agag cu shin ung ka pei ah law püi vä” cik ci. Agag cu a pei ah kyi ne ng’hlet ne lawk ci, amät naw ngai ne, “Sih vai cu a i hlawk ah tä khai aw? cik ci.

HOSEA 13:9

“Israel chang gui aw, kei naw ka ning m’di gui khai. Cun ung a u naw ning bawm gui khai aw?

DANIEL 7:20

Cun kawn a lu khan ah om ciah a ki gha la a ki thum plawh ne lut lawk ciah a ki ah mawng cu ka hmat hlük ci. A cun ung a mik gui la am gawng om ci, ani cu chang ah ng’shei ci. Cun cu ahei gui ah ta kyih pi vai ah kyak ci.

THU PHLAAN 11:8

Ami gook cu ami Bawipa kutlamtung ung ami ngawn nak ah mang gaw, lam k’cawih ung ng’yän shüt khai. Cun ah mang gaw ah ming m’hlün cu Sodom, kä cun ung Egypt ah kyak khai.

ATÜNNAK 4:5

Cun ung phi Kain la a khawihnah nak cu kä dou ci. Cun ah kya khäta Kain cu a thang she sei m’lung k’she ci.

NG'THU K'THUUK~ 15:32

Theithang vai maa nak ciah chang cu amat naw amat nat sak ciah kyak ci. M’shungdung nak dou ciah chang cu cuivai law pi ci.

ISAIAH 1:10

Jerusalem aw, na uktu gui la nak chaung gui cu, Sodom la Komorrah ah mäih ah kyak ci gui nei. Bawipa naw nangmi ah khan ah a i a pyen cu ngai vä. Mi khaupughi naw aning m’thei gui cu ngaih nah vä.

ISAIAH 57:20

Cun ung phi chang shekha gui cu kä ng’dümphung ciah tuinu ah mäih ah kyak ci, awn ah tui hnawk cu kä düm phung ne ng’hlat ne, ng’än la ng’sawp u law püi ci.

ISAIAH 59:12

“Bawipa nan ning hnung’tuk püi ne kami katnak cu da lawk ci nei. Kami katnak naw na k’bünphei gui ci nei, kei mi naw cun gui avan kami hmat ci nei.

JEREMIAH 2:19

Nami mät ah akshe naw ning m’kyuk gui khai, kei nami na ng’hlah tak nak naw ning m’kat gui khai. Bawipa nami na khanpughi nami na nawng cu a i hlawk ah kha ne a chei cu nangmi naw nami hmat lawk khai. Nangmi cu kei ung kä nami bekhüt ba ci. Kei, uk ciah Bawipa m’gäi ci naw ka pyen nei.”

JEREMIAH 8:12

Ka chang gui aw, nangmi naw shin ah shemshai ci gui nami bi ah phäh ah nami ng’aa ne ang? Ka nei! Nangmi cu akcang ah kä nami ng’aa ci; nangmi naw ng’aa vai phi kä nami hmat ci! Cun ah kyasei nangmi cu a hei gui ami ng’kiak ah mäih ah nami ng’kia tuk khai nei; kei naw ka ning m’kyuk gui ah a kyak ung cun cu nangmi ah ng’pyi nak kyak khai. Kei, Bawipa naw ka pyen nei.

EZEKIEL 16:30

Shin cu uktu Bawipa ah pyen ah kyak ci: “Nang naw shin gui avan cu kä ng’aca ciah pletbeng Chang ah mäih ah na bik ci.

EZEKIEL 16:49

Ani la a hta hnumi gui cu Chang ah ng’shei ci gui, ai ah kyasei ci ung ngami cu ami ei vai da ci, ding gei sei adüm ah om ci gui, cun ung phi ngami naw dukhaih ci gui la zawken ci gui cu kä m’htei htang ci gui.

ATÜNNAK 19:34

A ngawi ung angvai pi naw a hmaw ba am, “Yan mü kei naw ka ih püi pyi ci, tuh mü mä awktat khai ah ni tu ba khäta, nang naw na ih püi vai, cun ung nik ni cu ni pa awn ni hta lawk khai” cine pyen ci.

HOSEA 5:5

Israel chang gui ah ami m’ghämce nak naw kyap ne ami mät hnungtuk püi gui ci. Ami katnak naw ng’vawn sak gui ne ng’kiak sak gui ci. Judah chang gui cu ngami awsn atäng ah ng’täng ci gui.