ISAIAH 3:8 - Cho Bible Common Language 2016

⁸ Ä, Jerusalem cu mü ne hmüp ci nei! Judah cu kyu pyi ci nei! Ami pyen nü la ami bi nü naw Bawipa hnu ng’tuk püi ci nei; ngami naw Khanpughi amät cu m’lepse nak ci gui.

ISAIAH 3:8 Referans Kwoze

1 KORIN 10:22

Mikmi naw Bawipa cu mi m’thüi m’ khang nak khai ang? Mikmi cu Bawipa ah mä mi khüighaat pi ciah mi ngai ne ang?

HOSEA 7:16

Ngami naw kei na ng’hla ta u ne, a huam kä om ciah khanpughi ah hteit ci gui. Ngami cu ng’koi ciah lihtung ah mäih ah kä ngaih gep vai ah kyak ci gui. A i ah kyasei ci ung ami ng’vai gui cu m’ghämce ne ng’htau ci gui. Ngami cu ng’sai ung sik khai gui, Egypt gui naw gaih tu gui khai gui.”

JUDE 1:15

chang ah hta avan cu m’khoichak khai nei. Hnicim chang avan cu ami cheishoh shetkat nak ah hmawk la Khanpughi kä yum ne shekak ciah chang gui naw, Khanpughi ah kä ng’yak hlü ah ami ngetngawng ng’plahtang ah ng’thu gui ah khan ah Khanpughi naw m’shetkat gui khai nei!

HABAKKUK 1:13

Shin ah changshe gui, kä bekhüt ci gui, a i ah kyasei na ng’düih püi gui ang? Na mik cu theing ciim ci, akshe kä na teng hlük ci, cheishoh nak bik ciah chang täng ah kä na ng’düi ci, Ngami naw ami mät ah mä yum pi ciah chang ami m’di yah ung, a i ah kyasei adüm ah na om ang?

MIKHAH 3:12

Cun ah nangmi ah om ah, Zion cu lai ah mäih ah thawn khai gui, Jerusalem ci di nak ah m’dek ng’plum ah kyak khai. Taigüim m’htung cu bung ah ng’lat khai.

EZEKIEL 9:9

Khanpughi naw m’shang ci. “Israel la Judah chang gui cu katnak bi u ne ami katnak däm ci. Ngami cu khaw avan ung chang ngawn u ne, Jerusalem cu cheishoh nak awn be sak ci gui. Ngami naw, kei, Bawipa naw ami khaw cu nawng ne, kä ka hmu gui ciah pyen ci gui.

EZEKIEL 8:12

Khanpughi naw na ng’shik cu, “Hnicim Chang, Israel gui ah ami ng’vai gui naw düm ah ami bi cu nah mu ne ang? Ngami ami van naw akhan kyong ah be ciah agup gui cu khawihnah ci gui. Ngami naw ng’huuk ne ami pyen cu, “Bawipa naw kä nah mu gui ci! Ani naw mi khopäng cu nawng ci nei.”

JEREMIAH 26:18

Hezekiah cu Judah ghangpughang ah a kyak yah ung, moresheth ah ka prophet mikah naw chang gui avan a pyen nak gui cu, m’gäi ciah Bawipa naw pyen ci, ‘Zion cu lai ah mäih ah thawn khai gui, Jerusalem cu akshe gui oum ah kyak khai, Taigüim m’htung cu bung ah kyak khai.’

JEREMIAH 26:6

Nangmi naw k’täi ne kä nami ngaih ah a kyak ung kei naw shin ah Taigüim ah khan ah Shilon ung ka bi ah mäih ah ka bik khai, m’dek khan ung om ciah changpakhui avan naw shin ah mang gaw ah ming cu plah tam nak ah mang khai gui.”

ISAIAH 57:4

Nangmi naw a u ang nami gaih tu? Nangmi naw a u ang nami m’lepse?

ISAIAH 9:17

Cun ah kyasei Bawipa naw ak hmaw chang a u phi kä luat sak khai, a u hmeinu hmeihta ah khan ah phi m’gein nak kä m’dang khai, a I ah kyasei ci ung chang avan cu khanpughi kaa ah kya ne cheishoh u ne ami ng’thu phung cu akshe ah kyak ci. Cun ah kyasei Bawipa ah m’lungshe nak cu kä ng’pyi khai, ngami m’kyuk nak gui vaiah a kut cu ani naw shäng lä khai.

ISAIAH 1:7

Nami khawpäng cu m’dimshum u ne, nami mang gaw gui cu m’dek ah khüt khai ah m’khih ci gui nei. Nami hmuh ge aha akhaw hei Chang gui naw nami khaw la u ne, avan hteh püi ne m’di ci gui nei.

2 SHONTÄP NAK 33:11

Cun ah kyasei Bawipa naw Assirian gabawi gui am Judah cu a tuk sak gui ah kyak ci. Ngami naw Manasseh cu pha u ne, m’si hling awn kaih u ne, m’si gui awn khit u ne, Babilon ah hteh püi ci gui.

2 SHONTÄP NAK 28:18

Cun sang ung Philistin gui naw a kheitäng khogui gui ung gawnu gui la Judah a htumtäng cu tu lawk ci gui. Ngami naw Beth Shemesh, Aijalon la Kederoth mang gaw gui lak ci. Timnah, Kimzo la apigaw hta gui cu tu ne khäm u ne, a cu ah angtäi ah om ci gui.

ISAIAH 6:11

Kei naw, “Bawipa shin ah mäih cu ai güt lüng khai ang?” cine ka ng’shik ci. Ani naw, “Shin gui cu mang gaw gui di ne a maih güt-im gui a u kä a om ba güt-khaw ung chang kä a om ba güt ah kyak khai.

ISAIAH 49:19

“Nang ah kho cu di ne keihteik ci nei. Cun ung phi law ne om tuk khai gui ah phäh ah tuhbäi cun cu läm aih ci nei. Nang m’di neta ning hteh tak ci gui cu a shou nak ah ng’nawn khai gui nei.

ISAIAH 59:3

Nangmi cu nami hleei hlak nak, nami kiawi pang nak, nami ngawn pha nak awn nami cheishoh ciah kyak ci.

JEREMIAH 4:13

Teng vä, ga gui cu khongmei ah mäih ah lawk ci gui nei. Ami ng’tuk nak ah yatha gui koiphak ah mäih ah kya ne, ami ng’she gui cu hmu zong ah ta zangkhai tuba ci mikmi cu mi mäih pyi ci! Mi ng’ziin pyi ci nei!

JEREMIAH 44:3

a i ah kyasei ci ung ami chang gui naw akshe bi u ne, kei cu na m’lungshe sak ci gui. Ngami naw a khanpughi hei ghi am khawihnak nak cu douthak u ne, ngami, nangmi la nami pupa gui naw kä ami khawihnah man ah khanpughi gui ah bii cu bik ci gui.

NG’ÄI KYAH 1:9

Ani ah kä ng’gängsei nak cu ayäi ah hmuh vai kyak ci. Cun ung phi amät ah m’nü nak cu ani naw kä dang sak ci. Ani ah yung kyak nak cu kyih vai kyak ci, a u naw kä shungvong hlawt ci. Aga gui naw näng u sei, ani cu Bawipa naw ak chimgein vai ah kyap ci.

MIKHAH 6:12

Bühmang ciah nami chang gui, chang pyaam lei ei ci gui, chang avan cu nami hleeihlak ci.

NG'THU K'THUUK~ 26:27

Chang hei ah awh nak vai ah cuun cuung ci gui cu, ami mät awk ba ci gui. Näng lawk ciah chang gui cu dishum ci gui.

JEREMIAH 23:36

Cun ung ngami naw ‘BAWIPA ah phuih’ ciah ng’thu cu kä mang ba khai gui nei, a i ah kyasei ci ung, tumat mat naw a pyen ba ah a kyak ung kei ah ka ng’thu cu ani ah khan ah phuih ah kyak khai ah ka bik khai nei. Chang gui ne m’gäi ciah Bawipa, ghing ciah khanpughi, ami khanpughi ah ng’thu cu m’hlat shüi ci gui nei.

HOSEA 5:5

Israel chang gui ah ami m’ghämce nak naw kyap ne ami mät hnungtuk püi gui ci. Ami katnak naw ng’vawn sak gui ne ng’kiak sak gui ci. Judah chang gui cu ngami awsn atäng ah ng’täng ci gui.