ISAIAH 3:26 - Cho Bible Common Language 2016

²⁶ Mang gaw m’kawt gui cu kyap ne ng’pyang khai gui, mang gaw amät cun phi m’dek ung akplui ah ngok ciah hnumi ah mäih ah kyak khai.

ISAIAH 3:26 Referans Kwoze

NG’ÄI KYAH 2:10

Jerusalem ung aghi ng’vai gui m’dek ung adüm ah ngok ci gui, Ami lu cu m’vut bäng ah kyak ci. Ami pum ung suishe sui ci gui. Hnumi nong gui naw ami lu awn m’dek ung kawp ci gui.

JEREMIAH 14:2

“Judah cu thüi kyap ci; ani ah mang gaw gui cu sik ci gui, ani ah chang gui cu azä ne m’dek ung ng’zän ci gui, Jerusalem cu m’htei vai ah ng’khü ci.

NG’ÄI KYAH 1:4

Theingcim ciah hnüüp ung khawihnah vai ah Taigü im ah tuhbäi a u phi kä lawk ci. Cun ung hnumi hta gui cu yaica ne ng’äi m’cu ci gui, Mang gaw m’kawt gui cu a ghawng ah ng’düi ci gui Zion cu omdam aih ci nei.

JOB 2:13

Ngami nawmu chih la hnüüp chih ung a i phi ka pyen ne ani cu hngoh pui ci gui. A i ah kyasei ci ung ani a i hlawk ah ayaica cu ngami naw hmuk ci gui.

LUKA 19:44

Cun ah gaa gui naw, nang la gaw kyong ah om ciah chang gui cu, avan ngawn ne m’dimdap yawp khai gui. Lung tumat ah khan ah tumat phi ng’taih ne kä om ba khai. A i ah kyasei ci ung nang cu ning hun khai ah Khanpughi a kyum law nak ah khin cu, kä na hmat ah hmawk ah kyak ci” cine pyein ci.

EZEKIEL 26:16

Tuinu ung hteithton ciah pakhui gui ah ghangpughang gui ami van cu ami mang kiang ung ka kyum lawk khai gui. Ngami cu ami suinu gui la ami cüiche sui gui sut u ne, ng’hlet ne m’dek ung ngok khai gui. Ngami naw nangmi ah kyak cu hmu u neta kyikyawk aih u ne, ami ng’hlet cu kä düm hlawt ci gui.

JOB 2:8

Joba cu hlut khei a chet nak vai k’am heeuh akpi lanetam’vut ung htiet ne ngok ci.

ISAIAH 47:1

Bawipa naw pyen ci, “Babilon, na mang kiang ung ka kyum law ne, m’dek khan ah m’vut ung ngo ä. Ayanä nang cu ng’lami hta ah mäih ah a u naw kä a tuk man ah mang gaw ah na kyak ci, Cun ung phi nang cu kä na awigi hniphnoi ba ci! Tuhbäi nang cu khlei-htein ah na kyak ci!

MATTHE 11:17

‘Keimi tumkhawng u ngä sei phi, nangmi kä nami ng’lam ci, keimi ng’äi kyap u ngä sei phi nangmi kä nami kyap ci’ cine ng’hawh tuk ci gui.

ISAIAH 6:11

Kei naw, “Bawipa shin ah mäih cu ai güt lüng khai ang?” cine ka ng’shik ci. Ani naw, “Shin gui cu mang gaw gui di ne a maih güt-im gui a u kä a om ba güt-khaw ung chang kä a om ba güt ah kyak khai.

ISAIAH 14:31

Philistin mang gaw gui avan, ning m’hteihtang gui khai, kyap ne khü vä! Nami van kyikyawk vä! Khameiah thawk ciah m’vut cu a siiptäng ah ka lawk ci nei — Cun cu chang kyi kä ng’caw ciah gakap ma ät ah kyak ci nei.

ISAIAH 29:2

Cun kawn ah khawpughi naw cun ah mang gaw ah khan ah leigai law pui khai, cun ah manggaw cu “Khanpughi ah sonkiang” ah pyen ci gui. A cun ung thüi nak, kyap nak om khai, mang gaw apum cu si bäng ah kyak ciah sonkiang ah mäih ah kyak khai.

ISAIAH 33:9

Khaw phi ngän ne ng’gau ci nei. Lebanon bung cu ng’zaai ne, ang lei nik ciah sharon khawng’noi cu khokäu ah kyak ci nei, Bashan khaw la karmela m’htung ung sing ghing gui ung ka sing hnah gui cu kiwi yawp ci gui nei.

JEREMIAH 15:8

Tuinu ah kem ah laigin ah ta nami khaw ung hmei nu cu da law pi khai. Kei naw nami chang nong gui cu ami hnüüp lung ung ngawn gui ne, ami nu gui cu ka yaica sak gui khai. Kei naw ngami cu ang ghit ah kyihkyawk sak gui ne ka cäicat sak gui khai.

NG’ÄI KYAH 1:1

A i ah kyasei Jerusalem a mät a omdam ang? A cau chang gui be ne om man te ci nei. Khaw ah ka ung ami m’tamkhah man, Ani cu tuhbäi hmei nu ah mäih ah kyak ci. Mang gaw gui ung chang bä pikbäih man gui cu, changshäm ah kyak ci gui nei.

NG’ÄI KYAH 2:8

Zion ah pang gui cu kiuk khai gui nei, Bawipa naw k’bäi ci. Yüm yüm ah m’di nak vai ah ang hteicha nak vai ah ani naw nütdawng pyi ci. Tuhbäi tänghän gui la paang gui cu atäng ah kyu ne ng’yän ci gui.

EZEKIEL 12:20

Tuhbäi Chang gui naw be ne ami om nak ah mang gaw gui cu di khai gui, khopäng cu ng’kiang de ah kyak khai. Cun ung ngami naw kei cu Bawipa ah nah mat khai gui.”

MIKHAH 1:9

Samaria cu a leim kä khan hlawt ci, Judah phi a cun ah mäih ah geinvai ci. Di nak naw ka chang gui ah om nak Jerusalem m’kawt cu pha lawk ci nei.”

ISAIAH 32:14

Mang im phi kei ne, mangkho leigaw phi apum ah shiu khai nei lm gui la k’pang gui ami ngäng gui cu ang’täi sei di maih khai nei Hwn cu k’pya ng’se gui naw lum na u ne, htome gui ah khu ei nak ah kyak khai nei.