ISAIAH 3:23 - Cho Bible Common Language 2016

²³ suinu ng’pam gui, linen kutghuh nak gui, hnü samsawm la lu ung sawm ah sam gui avan lak pe gui khai.

ISAIAH 3:23 Referans Kwoze

THU PHLAAN 19:14

Khankho gakaap gui naw, ak theing bäng bäng sui u ne, ng’se bawk bäng bäng ng’cum u ne a hnu ah läk ci gui.

THU PHLAAN 19:8

Ani cu a suisak vai ah theing ne ng’ciim ciah sui phi gah pyi ci nei. (Sui k’ni cicu Khanpughi ah chang gui ah om ih k’ni ah kyak ci.)

LUKA 16:19

Hngü ät ung chang mangpa tumat om ci. Ani cu ak hnüüp tä akni ak kiom suisa ne, bühmang ä le ne om ci.

EZEKIEL 16:10

Kei naw chei awn cüiche ah sui cu ning m’sui ne, akni pi ah mehvun phahnak cu ka ning pek ci. Linen Lupawng la pä sui nu phi ka ning m’sui ci.

SOLOMON NG’Ä~ 5:7

Gaw ngäng ci gui naw mang gaw kiawn u ne, kei cu na hmuk ci gui; ngami naw na tuthat ne na kalu nak ci gui; Mang gawpang ung om ciah gaw ngäng gui naw ka lukhu cu k’teek ci gui.

1 SHONTÄP NAK 15:27

David cu linen ak ni pi ami tah ah suinu cu sui ci, tumkhawng ci gui, ami ng’vaihta Chenaniah la m’küm kawt ciah Levit gui phi akni sui ci gui. David cu linen ephod yih phi khang ci.

RUT 3:15

Boaz naw ani am, “Na suinu cu la ne phah ä” cik ci. Acun ah cuun khäta, htang them thum thun ne akphleing ung taih pe sei, ani cu gawnu kyong ah hteit ba ci.

PHYAWN NAK 38:8

Ani naw kyei khawkdai la kyei a khaw cu Bawipa ah om nak ah phung, valuh nak ung bii bik ciah hnumi gui ah kyei hman gui cu la ne pyang ci.

ATÜNNAK 41:42

Mang ah m’hnüt nak ah a kutpyün ungka kutcüp cu suut neta Joseph am m’hnaak ci. Pä suinu akni am’sui ne ghui shawi phi m’äh ci.

ATÜNNAK 24:65

Abraham ah chang cu, “Mikmi täng ah ana a vük ciah chang cu a u ang?” cine ng’shik ci. Ani naw, “Ani cu ka bawi nei” ci khäta, Rebekka naw hmai shung nak la ne a hmai shung ci.

ISAIAH 3:22

ami suinu k’ni gui avan, suikyu gui, pumsui gui la ngui ng’ip gui;

ISAIAH 3:24

Tui ng’ui ami mang nak vaisü ung ngami cu thuk khai gui; kheipat ak kyom nak vaisü ung gui k’ghat awn ng’pat khai gui; ak kyom ami lusam nak vaisü ung ami lu ng’plut khai; sui k’ni ami sui nak vaisü ung suishe sui khai gui; Ami kyom nak cu ng’aa nak vai ah ng’lat khai!

ISAIAH 47:2

Getlung cu m’hlatä! Khai cu geetä! Na hmai uknak cu m’hlat ä! Na sui k’ni cu suut ä! Tui kah vai ah na k’hni cu zu chang ä!

ZEKHARIAH 3:5

Ani naw cun ung om ci gui am thumkhän ne, Joshua ah lu ung lupawng theing ami pek vai pyen sei, acun ah pek ci gui. Cun kawn ah ani am sui akthai m’sui ci gui, cun yah ung a pei ah Bawipa ah khanchang ng’düi ci.