ISAIAH 3:21 - Cho Bible Common Language 2016

²¹ ami kutpyün ung ami nak ah kutcüp gui la ami hngakhawng ungka gui;

ISAIAH 3:21 Referans Kwoze

ATÜNNAK 24:47

Kei naw, “Na pa a u ang?” cine ng’shi ngä sei, ani naw, “Kapa cu Nahor la Milaka ah hta Bethuela nei” cik ci. Kei naw a hnga ung hnga naak m’hnaak ne, a kut ung kutcüp ka pek ci.

JAMES 2:2

A vaisü ah nami ng’bum nak ung, bühmang ciah chang tumat cu ghui shawi awi ne sui k’ni sui ne law tuk khai; pyamtham ciah chang tumat cu, sui she sui ne law tuk khai;

LUKA 15:22

Apa naw, “Akyang ah shui ne suisak akni m’sui m’sak law vä, kutcüp akni m’hnak law vä, phahnak akni ng’cum law sak vä,

EZEKIEL 16:12

Hna ung naak la hnga ung naak gui la kyom ciah lukhu phi ka ning pek ci.

SOLOMON NG’Ä~ 5:14

Akut gui cu ng’müi ci. Pyülung awn pyan ah kutcüp gui nak ci. Ani ah pumsa cu vailung awn akyong ah pyan ah m’vui ah haa ah mäih ah ng’mi ci.

ESTA 8:12

Cun ah k’bäi nak cu Persian uknak khaw avan ung Jew gui ngawn gui vai ah ami k’bäi nak ah a cha gha lei goi nak ah Adar cha, a hnüüp gha lei thum nak ung küm khai.

ATÜNNAK 41:42

Mang ah m’hnüt nak ah a kutpyün ungka kutcüp cu suut neta Joseph am m’hnaak ci. Pä suinu akni am’sui ne ghui shawi phi m’äh ci.

PHYAWN NAK 35:22

Peta hlük ciah hnumi pami avan naw cüiche ah kutkhih, hnganaak, kutcüp, äh awi la ghui lung a hlü hlü cu law püi u ne Bawipa am ap ci gui.

ISAIAH 3:22

ami suinu k’ni gui avan, suikyu gui, pumsui gui la ngui ng’ip gui;