ISAIAH 3:15 - Cho Bible Common Language 2016

¹⁵ Nangmi ung ka chang nami dep nak vai la dukhaih ciah khan ah nami eiawk nak vai ah amawng kä om ci. Kei, Avan Uk ne M’gäi ciah Bawipa naw ka pyen nei.”

ISAIAH 3:15 Referans Kwoze

SAM 94:5

Bawipa, na chang gui cu hnim u ne, nang ung om ci gui cu shedam nak ci gui nei.

EZEKIEL 18:2

a pyen cu, “Israel khaw ung Chang gui naw leng ba ba ne ami pyen ah shin ah ng’thu thuuk cu a i ang? ‘Nupa gui naw htui k’thui ei u sei, Hta nau gui ami ha kyim ci.’

ISAIAH 58:4

Ei nami hlawi naw ning kiawipang sak gui ci, nangmi ng’vaw u ne, nami ng’tuk ci. Shinah mäih ah ei nami hlawi nak naw, nangmi ah taigü ka nng ngaih pe gui khai ah, na ci hning khai ah nami ngai ne ma?

PHYAWN NAK 5:14

Changshäm k’tut ciah Egypt chang gui naw, ami khawngmang sak gui ah Israel ng’vai gui cu that gui u ne, “A i ah kyasei nami chang gui naw yan nä ami bi chü ah uk kä ami bi ba ang? cik ci gui.

JONAH 1:6

Htinpaw kepting naw ani cu hmu neta, “A i ah kyasei na ih ang? Tho law ne na Khanpughi ah taigü ä! Ani naw mikmi ah hmawk ah ng’ä neta, mi hnun gui nak phyawn gui hman khai nei” cik ci.

ISAIAH 5:7

Israel cu m’gäi ciah Bawipa ah Sapyit lo ah kyak ci; Ngami naw ani naw akni bik khai ah ngaih u sei, Cun ung phi ngami naw chang ngawn ci gui. Ngami naw hman ci bik khai gui ah ani naw ngaih u ci, Cun ung phi ngami ah dukdeiu nak gui naw ataga vai ng’ya hlü ne m’lau ci gui.

ISAIAH 10:2

Shin cu dukhaih ci gui naw ami chaw kä ami gah vai la taga nak kä ami gah vai ah nami shung nak ah kya ci.

ISAIAH 14:30

Bawipa cu dukhaih ciah a chang gui ah htoshäm ah kyak khai nei, ani naw phyawng m’hteim sei om sak gui khai. Cun ung phi ani naw nangmi philistin gui ah khan ah kyih kyawk vai ah kho zaw un tüi lawk khai nei, a cun naw nangmi api phi kä ning k’pawih na gui khai.

ISAIAH 26:6

Ami yawshe nak guicu tuhbäi a cun ah khan ah hteit u ne, ami khaw awn kai na ne, leh ci gui.

ISAIAH 29:19

Dukhaih ci la zu ng’zeim ciah chang gui naw, Bawipa, Israel gui ah theingcim ciah khanpughi naw a pek ah yeikyai nak cu hmuk ba mä khai gui.

ISAIAH 30:12

Cun ung phi Theingcim ciah Israel khanpughi ah thu pyen cu; “Kei naw ka ning m’thein gui cu nangmi naw a i ah kä nami ngai ci nangmi naw ng’tohpah nak la hleei hlak nak nami ngaih u ci.

ISAIAH 32:6

Chang guktaak cu akguktaak ah ng’thu ne, akshe bäng bi vai ah ngaih-tüh ci. Ani abi abi la ang thu naw Bawipa cu ghetaap ci, ani naw ei cawi ci kä m’bei ci, tui gha ci gui am api phi ami awk vai kä pe gui ci.

ISAIAH 63:8

Bawipa naw pyen ci, “Ngami cu kei ah chang gui; ngami naw kä na m’hleeihlak khai gui.” Cunah kyasei ani naw,

NG'THU K'THUUK~ 30:14

Dukhaih ci la pyamtham ciah chang ah kaa m’ghämce ne guh pek ciah chang gui om ci, cun cu ngami naw ami hnun ami m’ghin nak ah lam ah kyak ci.