ISAIAH 3:14 - Cho Bible Common Language 2016

¹⁴ Bawipa naw a chang gui ah ami ng’vaihta gui la a ghi gham gui cu ng’thumcha nak ah law püi ci. Ani naw shin ah k’bün nak bik ci: “Nangmi naw sapyitlo gui cu nami guttep ci, nami im cu dukhaih ciah ka, nami guh pek ah khawh awn be ci nei.

ISAIAH 3:14 Referans Kwoze

JOB 22:4

Ka nei, nang cu Khanpughi na kyih a ci kyasei, nang cu Khanpughi naw ning m’cäi ne kä ning cuh vah püi khai nei.

JAMES 2:6

Cun ung phi nangmi naw pyamtham cicu chang ah kä nami ngai ci, bühmang ci gui naw nangmi cu ning yoshe na gui u ne, yung ah m’kawt mang ah khlaak ung ning hteh püi gui ciah kä kya ne ang?

AMOS 4:1

Shin cu ngai vä, Samaria hnumi gui, Bashan seipat nu ah plan ah mäih ah plan ciah chang gui, ak tha ken ci k’she nak ci gui, dukhaih ci yaw ynak ci gui, nami cei ah yuu nami thäh ci gui!

JEREMIAH 5:27

Sa züh ci naw a pemnu kha gui awn a be sak ah mäih ah ngami naw ami im gui cu ami guttep awn be sak ci gui. Cun ah kyasei ngami cu huham mah ne büh mang ci gui.

ISAIAH 5:7

Israel cu m’gäi ciah Bawipa ah Sapyit lo ah kyak ci; Ngami naw ani naw akni bik khai ah ngaih u sei, Cun ung phi ngami naw chang ngawn ci gui. Ngami naw hman ci bik khai gui ah ani naw ngaih u ci, Cun ung phi ngami ah dukdeiu nak gui naw ataga vai ng’ya hlü ne m’lau ci gui.

SAM 143:2

Na na changshäm cu yung ah m’kawt ung kä na cha en ä; Nang lam ah theingcim ci a u kä om ci nei.

SAM 14:4

Bawipa naw, ng’shi gui ne, akshe bik ci gui ami van cu ang laam u ne ang? A i kä hmat uu ne ang?” Ngami cu ka chang gui gut tep ne om ci gui, Kei ah kä taigü phung ci gui.

JOB 24:9

Changshe gui naw apa kä om ciah a hmaw hta gui cu khleihtein ah gui ci gui. Dukhaih aih ciah chang gui ah hta gui cu ami pu ah phäh ah la gui ci gui.

MATTHE 21:33

“A hei tumtäng nak tumat cu ngai vä, sapyit akda geit ciah khomdek mah tumat om ci. Ani cu lo avan ng’vong ne sapyit neen nak vai khui phi shawk ci, shaam tumat phi co ci. Cun kawn ah a sapyit lo cu chang gui-am ak phlam a ei vai ah m’kai ne khah gui netah, a kho hei ah hteit ci.

MIKHAH 6:10

Changshe gui ah im kyong ah ami khawh cu kä akni ah ami gah ah kyak ci. Ngami naw kä hman ciah nütnak cu mang ci gui, cun cu kei naw ka m’thüi nak ci.

MIKHAH 2:2

Lai ami m’hni ung lai lak ci gui, im ami m’hni ung im lak ci gui, a u ah kyong khui khawh cham phi kä ng’geing ci.

JOB 34:23

Khanpughi ung chang gui am khoicha nak gui vai ah akhin m’hnüt vai kä hlü ci.

JOB 24:14

Chang ngawn ciah chang cu kho thai hta tho law ne dukhaih ci gui ngawn khai ah hteit ci, khomü ah ani cu m’guk ci.

SAM 10:9

ani cu phongkawng ah mäih ah ang’thup nak ung om ne ng’däät ci. Ani naw dukhaih cicu ngäng ne m’hleei ci. Dukhaih cicu ani naw, a cun ung pha ne hteh püi ci.

NG'THU K'THUUK~ 30:14

Dukhaih ci la pyamtham ciah chang ah kaa m’ghämce ne guh pek ciah chang gui om ci, cun cu ngami naw ami hnun ami m’ghin nak ah lam ah kyak ci.

ISAIAH 10:1

Nami khaw mü ci nei! Nangmi naw kä taga ciah thukhän nami pyang ci, a cun naw ka chang gui shedam nak ci.

ISAIAH 10:2

Shin cu dukhaih ci gui naw ami chaw kä ami gah vai la taga nak kä ami gah vai ah nami shung nak ah kya ci.

ISAIAH 11:4

Ani naw dukhaih ci gui cu nik khai ah m’khoi m’cha gui ne. Am gein kaa gui cu shungvong gui khai. Ani naw ang thukhäm awn chang gui cu m’kyuk gui khai, changshe gui cu sik khai gui.

ISAIAH 14:30

Bawipa cu dukhaih ciah a chang gui ah htoshäm ah kyak khai nei, ani naw phyawng m’hteim sei om sak gui khai. Cun ung phi ani naw nangmi philistin gui ah khan ah kyih kyawk vai ah kho zaw un tüi lawk khai nei, a cun naw nangmi api phi kä ning k’pawih na gui khai.

ISAIAH 26:6

Ami yawshe nak guicu tuhbäi a cun ah khan ah hteit u ne, ami khaw awn kai na ne, leh ci gui.

ISAIAH 29:19

Dukhaih ci la zu ng’zeim ciah chang gui naw, Bawipa, Israel gui ah theingcim ciah khanpughi naw a pek ah yeikyai nak cu hmuk ba mä khai gui.

ISAIAH 30:12

Cun ung phi Theingcim ciah Israel khanpughi ah thu pyen cu; “Kei naw ka ning m’thein gui cu nangmi naw a i ah kä nami ngai ci nangmi naw ng’tohpah nak la hleei hlak nak nami ngaih u ci.

ISAIAH 58:4

Ei nami hlawi naw ning kiawipang sak gui ci, nangmi ng’vaw u ne, nami ng’tuk ci. Shinah mäih ah ei nami hlawi nak naw, nangmi ah taigü ka nng ngaih pe gui khai ah, na ci hning khai ah nami ngai ne ma?

EZEKIEL 18:12

Ani naw dukhaih ci gui m’hleei gui ci, guttep cik, ami kyän ah khawh phi kaa nak ci. Ani cu khogam khawih kiang ah hteit ci, shemshai ciah a gup gui khawihnah ci,

EZEKIEL 20:35

Kei naw nangmi cu changpakhui gui ah bung hmu ah ka ning law püi gui khai. A cu ah nami hmai ung ka ning m’kyuk gui khai.

EZEKIEL 20:36

Nami pupa gui Sinai Bung ah ka m’kyuk gui ah mäih ah tuhbäi ka ning m’kyuk gui khai,” cine uktu Bawipa naw pyen ci.

MIKHAH 3:3

Ka chang gui cu nami ei gui ci. Ami vun nami lim ci, ami guh nami chawm ci, shon vai ah meh ah mäih ah nami m’sa gui ci.

TAIGÜTHUM 25:14

Cun ah kyasei nami Israel chang paw ah khawh nami yoih ah a kyak ung, kä cun ung nami hleih ah a kyak ung, kä hmai kiang ne kä nami kyak en vai.

TAIGÜTHUM 25:17

Na Israel chang paw cu kä nami thuvi nak vai, Bawipa nami Khanpughi cu kyih aa ne nami läk vai.

JEREMIAH 12:10

Akhohei uktu gui akda naw kei ah sapyit lo cu m’di ci gui nei; kei ah ka lolai gui cu ngami naw cawt cap gui nei, ngami naw kei ah ka m’hni ah khaw ng’lei cu khong gau khaw ah lat ci gui nei.

AMOS 2:7

Ngami naw aktha ken ci la amgein kaa gui cu k’thüng gui u ne, dukhaih ci gui cu lam ungka buh tawn gui ci gui. Apa la ahta naw changshäm hnumi hta cu ng’lak na ne chu nak ci goi. Cun ah kya ne ka ming theing cu m’shet ci gui.

MIKHAH 2:1

Ang yän nak ung akshe ah ngaih-tüh neta, khaw a thaih law ung a cun akcang ah bik ciah chang gui cu katnak om ci. Cun cu a i hlawk ah ng’yiin khai aw?