ISAIAH 3:12 - Cho Bible Common Language 2016

¹² Ngui ng’pu ci gui naw ka chang gui kalu na gui u ne, khawh-mah gui naw shedam na gui ci gui. Ka chang gui aw, nami ng’vai gui naw lam hma ne ning hteh püi gui ci gui. Cun ah kyasei a hawi ah lam ung hteh vai kä nami hmat ci.

ISAIAH 3:12 Referans Kwoze

ISAIAH 3:4

Bawipa naw chang gui cu kä ng’vai phak ciah ak hmaw gui am uksak gui khai.

NAHUM 3:13

Na gakap gui cu hnumi ah mäih ah kyak khai gui, Na khaw lei phi a u naw kä ngäng sei, na ga gui ah ma ah na m’kawt khaai nak gui cu mei naw m’khih yawp khai.

MATTHE 15:14

Cun ah kyasei ngami ah hmawk ah kä nami ng’ä vai, ngami cu amik käm dei ci lam shüm tuk ciah amik m’dauh gui ah kyak ci gui. Amik m’dauh naw amik m’dauh cu lam am shüm ah a kyak ung, ani nik hnih cu m’ghawng ah lut khai goi nei,” cine m’cäi gui ci.

JEREMIAH 5:31

Prophet gui naw a i kä pyen ci gui, hleei hlak ci gui; taigü gui naw prophpet gui ah thum khän ah mäih ah uk ci gui, kei ah ka chang gui naw phi kä maa na gui ci gui. Cun ung phi shin gui avan ak hnu hnüüp ung a gawk law ung ngami naw ai bik khai gui ang?”

2 GHANGPUGHANG GUI 11:1

Ghangpughang Ahaziah ah nu Ahtaliah naw a hta ami ngawn a hmat vai am, mang im kyong chang gui avan ngawn gui vai ah thukbäi gui ci.

MATTHE 23:13

“Thuvi ciah Pharisee gui la thukhän saya gui, nangmi ung thüinak aih om ci. Nangmi cu khankho ah chang gui naw ami kai nak vai ah m’kawt nami khai ci. Nami mät phi kä nami lut ci, lut hlü ne tha nak ciah chang phi kä nami luh sak ci.

JOB 30:13

Ngami naw ka dawng nak lam khai u ne kei cu na hnim khai gui ah k’tha nak ci gui. Ngami ma na gui khai a u phi kä om ci nei.

NG'THU K'THUUK~ 28:16

Am lung ngaih ka nik ciah uktu cu m’ghämce ci, Ng’dung nak ka om ciah uktu naw ak shou uk ci.

THUSHÄUTU 10:16

Ghangpughang cu hmaw ne, ang vai gui cu, amü pum ei aw ne ami kyak ung, cun ah khawpäng cu khüikha nak ung gawk khai nei.

ISAIAH 19:14

Ng’ganggam ciah m’shümthein nak ami pek vai ah Bawipa naw ci gui ci nei. Akhnu ah Egypt naw ang nü cu chei maih khai ah bikci nei cun cu awktat ne kin shüi shüi ne amshah ung ng’hlawk ciah müih ah kyak ci nei.

ISAIAH 51:22

Bawipa nami khanpughi naw ning shungshet gui neta a pyen cu, “Kei naw ka m’lungshe nak ah khap ka ning pek gui cu ka la ba ci nei, Nangmi ning k’phiui gui ciah zu nami awk vai kä om ba ci nei.

MIKHAH 3:5

Ka chang gui cu prophet gui naw m’hleei gui ci gui, petak gui ci am dimdeeih nak shaitak pek ci gui. Kä petak gui ci am ng’tuk nak awn m’kyih ci gui. Bawipa naw, cun ah prophet gui am,