ISAIAH 3:11 - Cho Bible Common Language 2016

¹¹ Cun ung phi changshe gui cu ami khomü khai, chang hei ah khan ung ami bi ah mäih ah ami khan ung gawk law ba khai.

ISAIAH 3:11 Referans Kwoze

THUSHÄUTU 8:13

Cun ung phi chang omshe gui ah phäh ah ni nak kä om khai. Ngami ah ghin nak cu püpüi ah mäih ah kya ne, ngami cu ami nong yah ung sik khai gui, a i ah kyasei ci ung, ngami naw Khanpughi kä ngai ci gui.”

JAMES 2:13

Chimgein nak kä om te ciah chang ah khan ah, Khanpughi naw m’khoichaa nak abi hnüüp ung, chimgein nak kä m’dang khai nei, Cun ung phi m’khoichaa nak ah khan ah chimgein nak ah m’khütnäng nak om ci nei.

SAM 62:12

Ani ah m’hni nak cu ng’täi ci ciah kyak ci. O Bawipa, nang naw chang avan cu amät ah om ih ciah na m’cümhnah ci.

SAM 28:4

Ami bi pyi gui ah hmawk la ami chei ah katnak ah hmawk ah m’shet gui ä. Ami om ih ah ciah m’kat gui ne, ami bilawh ah ciah thung gui ä.

ISAIAH 65:20

A hmaw hta gui cu ami hmaw sang ung kä si ba khai gui, chang avan cu khokum küm sei ghing khai. A khokum phia law sei ghing ci phi a hmaw ah mäih ah kyak kuai, A cun kä pha sei sik cicu kei naw ka m’kyuk ah m’hnüt nak ah kyak khai.

ISAIAH 48:22

“Kak ciah chang gui ah phäh ah ngaih gep nak kä om ci nei” cine Bawipa naw pyen ci.

NG'THU K'THUUK~ 1:31

Cun ah kyasei nami mät ah geit ah am theih cu nami ei ba khai. Nami mät ah bi naw ning gaw pyam sak gui khai.

2 KORIN 5:10

Mikmi mi van cu m’khoichaa nak mi gah khai ah Bawi Khrih ah maa ah mi gawk yawp khai. Pumsa awn mi om yah ung ak ni, ak she mi bi gui ah ciah, mi k’chaw phäh phäh cu mi gah khai.

ATÜNNAK 18:25

Chang ni gui cu changshe gui awn a täng ah kä na ngawn en gui vai nei. Cun ah na bi ung chang ni gui naw changshe gui ah mäih ah m’katnak cu gah lawk khai gui nei. Cun ung kä bä khai nei, khomdek m’khoichak ciah Bawipa cu düng ciah kä kya ne ang” cine ng’paa nak ci.

2 SHONTÄP NAK 6:23

O Bawipa, Khankho ah ka naw ngai neta, na changshäm gui cu m’khocha gui ä. Katnak bik ci amät ah bi ah mäih ah m’kyuk ne, changni cu m’hlawt ä.

JOB 10:15

Ka hma vai am, nang awn kei ung yaica nak om ci, cun ung phi akcang ka bi yah ung, a phu kheng a i kä gah ci.

NG'THU K'THUUK~ 12:14

M’cümhnah nak na gah cu mna mät ah ng’thu la na mät ah bi ungka ah kyak ci. Nang naw na mät awn khinkha cicu na gah khai.

ISAIAH 13:11

Bawipa naw pyen ci, “Kei naw m’dek khan ung leigai ka law püi khai, changshe gui ami van ami katnak ah phäh ah m’kyuk gui vai. Chang ah ng’shei ci pang kei naw ka yung neim sak khai, m’gäi m’cik ciah chang pang cu ka m’kyuk khai.

ISAIAH 65:6

“Ngami m’kyuk gui vai cu kei naw ka m’hnüt k’bäi pyi ci nei, Ngami m’kyuk nak gui phi guk pyi nei-ngami naw ami bi pyi gui cu kei naw kä ka nawng düt khai nei, cun ung phi ngami naw

ISAIAH 65:7

ami katnak la ami pupa gui ah katnak ah phu cu thung khai gui nei. Ngami naw khongyo khawihnah nak m’htung khan phung ung tui ng’ui m’khi u ne, kei cu akshe ah na pyen ci gui-cun ah kya sei, yanä ami om ih ah ciah kei naw ka m’kyuk gui khai.”

JEREMIAH 21:14

Cun ung phi nami bi ah phäh ah kei naw ka ning m’kyuk gui khai. Na mang im cu kei naw mei awn ka m’khih khai, cun ah mei naw a pei leng avan ui yawp khai. Kei, Bawipa naw ka pyen nei.”

JEREMIAH 31:30

Cun ak vaisü ung sapyit ak thui ei ci gui ami van cu, ami mät ah ha kyim khai; ngami cu ami katnak ah phäh ah ami van sik khai gui ciah kyak ci.

EZEKIEL 2:10

Kut naw cun ah ca k’chaw cu k’phiät khäta, vang goi vei ung caguk ah kyasei ka hmuk ci-cung ung thüisei ne k’yah gui, m’neh awh ng’hlaw-ei gui cu guk ah kyak ci.

EZEKIEL 18:20

Kat nak bik ciah Chang cu sik khai. Apa ah katnak phäh ah a hta naw kä yai ca nak khai, a hta ah katnak ah phäh ah apa naw kä yai ca nak khai-Chan g k’ni cu akni a bi ah phäh ah m’cümhnak nak gah khai, Changshe cu akshe abi ah phäh ah yaica khai.

EZEKIEL 24:14

Kei, uktu Bawipa naw ka pyen ci. Kei ka hnun htawh nak vai ah akhin cu gawk lawk ci nei. Kei naw nami katnak cu kä ka nawng khai, m’hni nak kä ka ning m’dang gui khai, kä ka ning chimgein gui khai. Nangmi cu nami bi gui ah phäh ah m’kyuk nak nami gah khai.” Uktu Bawipa naw a pyen nei.

EZEKIEL 33:8

Chang shekha cu si lawk khai nei cine kei naw ka ng’shäu ah a kyak ung, cun ung phi ani a om ih am thawng vai ah nang naw ng’thu kä k’bäi ci sei, ani naw a hnun kä hun hning ne, akat nak awn a sih ah a kyak ung, ani ah sih nak cu kei naw nang am ka ning ma na sak khai.

MIKHAH 3:4

Bawipa ah nami ng’paa nak vai ah a khin gawk lawk ci, cun ung phi ani naw kä ning m’shang gui khai. Akshe nami bik ci kyasei nami taigü cu kä ngai khai.

MIKHAH 7:13

Cun ung phi khomdek khan cu om ciah chang gui ah shetkat ah hmawk ah khaw ng’gau khaw ah kyak khai.

KHEI NAK 32:23

Cun ung phi nangmi naw nami shaitak kä nami k’pan ah a kyak ung, nangmi naw Bawipa hnu tuk püi ne nami hmakak ciah kei naw ka ning k’bäi gui khai. Shin ah mawng ung hma nak kä nami bi en vai, nami katnak ah phäh ah m’kyuk nak nami gah khai nei.

SUKI GUI 9:57

Khanpughi naw Shekhem chang gui cun phi ami shekat ah phäh ah yaica sak gui ci, cun cu Kideon ah hta Totham naw acun ah ami kyak vai ah a pluhtam gui kyak ci.

2 SAMUEL 3:39

Kei cu Khanpughi naw a ghü ah ghangpughang ah ka kyak ung phi, tuh ngawi ka tha ken ci nei. Shin ah Zeruiah ah hta gui cu kei ah phäh ah ta, m’gäi m’cik aih ci gui nei. Shin ah chang chei yeeih gui cu ami katnak ah ciah Bawipa naw m’kyuk gui sä” cik ci.

1 GHANGPUGHANG GUI 21:21

Cun ah kyasei Bawipa naw nang ning pyen nak ci, “Kei naw nang ah khan ah leigai ka law püi khai, nang cu ning k’täm ne, na kyongkhui ung a ghi a hmaw pami phung ka nawt heng khai.

NG'THU K'THUUK~ 11:31

Changnigui cu khomdek khan ung m’cümhnah nak gah ci gui, cun ah kyasei ng’htei sei nami hmat vai cu, shang shekha gui la chang kaa gui cu m’kyuk nak gah khai gui.

NG'THU K'THUUK~ 26:27

Chang hei ah awh nak vai ah cuun cuung ci gui cu, ami mät awk ba ci gui. Näng lawk ciah chang gui cu dishum ci gui.

EZEKIEL 16:59

Uktu Bawipa naw pyen ci, “Nang awn na khin khai ah ka ning om püi khai, a i ah kyasei ci ung nang naw na shai tak a i ah kä sui ne thukh cu na m’shet ci.