ISAIAH 3:1 - Cho Bible Common Language 2016

¹ Tuhbäi ung Bawipa, M’gäi ciah Bawipa naw, Jerusalem la Judah ungka naw ak thuuk ah chang päng la avan päng, acun ah ng’lei khan ah om ci phung hteh püi gui khai. Ami tui la ami ei phi lak pe gui khai.

ISAIAH 3:1 Referans Kwoze

TAIGÜTHUM 26:26

Kei naw nami ei awk vai cu ka ning tukpit pe gui khai, cun ah kyasei hnumi gha naw ngami ung om ciah m’htut avan ami ng’shai nak vai ah meibum tumat bäng hlü khai gui. Ngami naw nän ne tei khai gui, cun avan nami ei yawp kawn ah phi nangmi cu nami cawi ba lä khai.

EZEKIEL 14:13

ani naw pyen ci, “Hnicim Chang, khopäng tumat cu katnak bi ne, kei ung kä abekhüt ah a kyak ung, kei naw ka kut shäng ne, ani ah ei awk vai gui cu ka m’di khai. Kei naw m’gaang tüi law ne Chang gui la seime gui cu ka ngawn khai.

ISAIAH 1:24

Cun ah kya tuhbäi, m’gai ciah Bawipa, huham mah ciah Israel khanpughi ah a pyen cu ngai vä: “Nangmi ah khan ah phu ka tuk khai nei, ka ga gui ta nangmi naw, kei a i ah kä nami na ci tuba hlawt khai.

JEREMIAH 38:9

“Ka bawi aw, shin ah chang gui naw ami bi cu hma ci nei. Ngami naw Jeremiah cu tuishawk ung tha ci gui, ani cu ei ah cawi ne akcang ah sik khai nei, cun sangung mang gaw kyeng ah ei vai kä om ci.”

JEREMIAH 37:21

Cun ah kyasei ghangpughang Zedekiah naw Ebäi ne mang im kyong ah na khai shi ci. Kei a cu ah om ngä sei, mang gaw ung m’htut avan kä angpyi pha ung m’htut ami yoih nak ah kaa naw a hnüp tä sei m’htut pum ät ci na pe lawk ci gui.

ISAIAH 51:22

Bawipa nami khanpughi naw ning shungshet gui neta a pyen cu, “Kei naw ka m’lungshe nak ah khap ka ning pek gui cu ka la ba ci nei, Nangmi ning k’phiui gui ciah zu nami awk vai kä om ba ci nei.

ISAIAH 36:12

Ani naw, “Nang la ghangpughang bäng am shin gui avan ning m’thein goi vai ah ghangpughang naw ana tüih law ah na ngai ne ma? Ka nei, kei cu vong pang ah khanah ngok ciah chang gui phi ka ng’thu püi gui ci nei, ngami cun phi nangmi ah mäih ah ami ek ei ne, ami phyam awk khai gui nei” cik ci.

ISAIAH 5:13

Cun ah kyasei nangmi cu thawng kyum ah ning hteh püi gui khai gui. Nami ng’vai gui cu cawi ne sik kaai gui, chang akda cu tui ah gha ne sik khai gui.

ISAIAH 2:22

Si thei ciah chang kä nami ngaih u ba vai. Ngami naw a i phu na u ne ang?

SAM 105:16

Bawipa naw ami kho ung kho zaw sak ci, ami ei avan maih sak ci.

ISAIAH 3:16

Bawipa naw, “Teng vä, Jerusalem ung hnumi gui shi, a i hlawk ah chang ah ng’shei ci gui ang! Ngami cu khaw häu ung dong ne hteit hton ci gui. Ngami cu angtäi sei lawklak ci gui. Ang ghin hta ah m’khan u ne, ami khaw m’awi ung ami khawkhih phi ching ching ah ng’ging ci.

ISAIAH 9:20

Khaw avan ung chang gui naw ami hmuh hning ah ei apihta cu ng’gut ne ei khai gui cun ung phi kä phü khai gui. Ami mät ah hta gui hngaw ei khai gui.

JEREMIAH 52:3

Bawipa cu Jerusalem la Judah chang gui ah khan ah m’lungshe aih neta, a hmuh nak ung ka naw k’täm gui ci. Zedekiah naw Babilon ghangpughang Nebukhadnezzar cu hnung tuk püi ci.

JEREMIAH 52:6

Acu kum a cha phli nak ah a hnüp kaw hnüüp ung a mi cawi gha nak nui law aih sei chang gui ami ei vai kä om ba ci,

NG’ÄI KYAH 5:4

Tui mi awk ah phäh ah a phu mi pek khai, Mei ung mi cih vai ah hlü ciah sing cu mi khleih khai.

AMOS 4:6

“Kei cu nami mang gaw gui avan ah khan ah leigai ka law püi ciah kyak ci. Cun ung phi nangmi cu kei ah kä nami law ba ci.

MIKHAH 4:9

A i ah kyasei m’lau ne na kyah ang? Bii bi ne cüm ciah hnumi ah mäih ah a i ah kyasei na yaica ang? Cun cu nami ghangpughang kä om ne, nami bawimang gui asih yawp ah hmawk ah kyak ci nei.

2 GHANGPUGHANG GUI 25:3

A cu kum a cha phli nak ah a hnüüp kaw hnüüp ung ei vai maih sei chang gui ami ei vai kä om ba sei,