ISAIAH 29:4 - Cho Bible Common Language 2016

⁴ Jerusalem cu khomdek khui ah ng’thu pyen khai ah ng’ cou ng’tat ciah m’cha ah mäih ah kyak khai, m’vut khui hmu ung kä hteh ciah kaw lutlawk ciah mäih gh kyak khai.

ISAIAH 29:4 Referans Kwoze

ISAIAH 8:19

Cun ung phi chang gui naw viik ne, sawbek ciah ng’cäbang ci la k’ce gui ah ng’thu nami k’thäh vaiah ning m’thein gui khai gui. Ngami naw, “Cun kawn ah chang gui naw mumcha gui ah ng’thu k’thäh hning ci gui, akghing nak vai sü aksi cu ng’shica hning ci gui” cik khai gui.

ISAIAH 3:8

Ä, Jerusalem cu mü ne hmüp ci nei! Judah cu kyu pyi ci nei! Ami pyen nü la ami bi nü naw Bawipa hnu ng’tuk püi ci nei; ngami naw Khanpughi amät cu m’lepse nak ci gui.

SAM 44:25

Keimi m’dek ung kyu ne kami ng’deng ci nei, m’vut ung ng’zän ne kami ng’hnim ci nei.

NG’ÄI KYAH 1:9

Ani ah kä ng’gängsei nak cu ayäi ah hmuh vai kyak ci. Cun ung phi amät ah m’nü nak cu ani naw kä dang sak ci. Ani ah yung kyak nak cu kyih vai kyak ci, a u naw kä shungvong hlawt ci. Aga gui naw näng u sei, ani cu Bawipa naw ak chimgein vai ah kyap ci.

ISAIAH 51:23

Kei naw a cun cu ning yawshe na gui ci am, lam ung nami ng’zän khai ah ning ci gui ci am, m’vut ah mäih ah ning kai na gui ci am, ka pe gui khai nei.

ISAIAH 32:19

(Cun ung phi k’pyama ah gäi nu gui ng’kia lawk khai, mang gaw cu ng’gäi khai.)

ISAIAH 52:2

Jerusalem, na phyawn vai ah ng’kia ä! M’vut ung ka tho ne na mang kiang ung ngo ä! Ami pha ah Zion chang gui, ning khit gui ciah m’si gui cu k’phian vä!