ISAIAH 29:2 - Cho Bible Common Language 2016

² Cun kawn ah khawpughi naw cun ah mang gaw ah khan ah leigai law pui khai, cun ah manggaw cu “Khanpughi ah sonkiang” ah pyen ci gui. A cun ung thüi nak, kyap nak om khai, mang gaw apum cu si bäng ah kyak ciah sonkiang ah mäih ah kyak khai.

ISAIAH 29:2 Referans Kwoze

EZEKIEL 39:17

Uktu Bawipa naw na pyen nak ci, “Hnicim chang, shin ah ang veing avan ungka, kha gui la khisa gui avan cu, kei naw ka pyan pek gui ah khawihnah nak ami ei law vai ah khü gui ä. Cun cu Israel khomhtung khan ah dämduh ciah ei ah kyak khai nei, acu ah ngami naw sa ei ne si awk khai gui nei.

EZEKIEL 22:31

Cun ah kyasei kei naw ngami ah khan ah ka m’lungshe nak zuh lawn ne, ngami ah ami bi phung cu mei ah mäih ah kya ne ka m’di khai.” Uktu Bawipa naw a pyen nei.

NG’ÄI KYAH 2:5

Ga ah mäih ah Bawipa naw Lsrael cu m’di ci nei, Ani naw acun ah vongpang la mang im cu dishum sei nawng shüt ci. Ani naw Judah chang gui ah khan ah kä ng’pyi hlawt ciah ayä nak law püi ci.

ISAIAH 37:3

Shin cu Isaiah am ami pek vaiah am thein gui ah ng’thu ah kyak ci; “Tuh ngami cu yaica nak ah hnünp ah kyak ci; mikmi cu m’kyuk nak gah ne lüng’aa ne mi om ci. Mi’kmi cu hta law ge vai neta, ak tha maih ciah hnumi ah mäih ah mi kyak ci.

ISAIAH 36:22

Eliakim, shebna la Joah cu thüisei ne ami sui k’teek u neta, hteit ba ne, Assirian bawi ah thu pyen eu ghangpughang am m’thein ba ci gui.

ISAIAH 34:6

Khawihnah nak ah htome la me ah asi la athai khim ung a kawk ah mäih ah ani ah khimsem cu ngami ah si lo thai naw küm khai. Bawipa naw shin ah khawihnah nak cu Bozrah mang gaw bik khai; ani naw shin ah däimduh ciah ngawn sih nak cu Edom kho ung bik khai.

ISAIAH 17:14

Ngami cu mühun ung khih aih vai ah kyak ci gui, cun ung phi khongawi ah maih ci gui nei. Cun cu mikmi ah kho tuhnim gutep ci gui ah hteh nak ah kyak ci nei.

ISAIAH 10:32

Tuhngawi ga gui cu Nob gawnu ung om ci gui. A cun ung ngami naw Zion M’htung, Jerusalem mang gaw ung ami kut m’hnüm ne k’thüng ci gui.

ISAIAH 3:26

Mang gaw m’kawt gui cu kyap ne ng’pyang khai gui, mang gaw amät cun phi m’dek ung akplui ah ngok ciah hnumi ah mäih ah kyak khai.

ISAIAH 1:14

Kei naw nami Cha thai pawi gui la hnüüp theing gui cu ka thüi nak ci nei; Cun gui cu kei naw kä ka phuih ba hlü ah phuih ah kyak ci nei.