ISAIAH 29:1 - Cho Bible Common Language 2016

¹ Khanpughi ah sonkiang, Jerusalem alnät cu ng’ziin ci! David ah ng’leen nak ah mang gaw cu ng’ziin ci! Kum ät käcung, kum goi ung yung im, eiawk pawi cu bi ba cang u sä,

ISAIAH 29:1 Referans Kwoze

2 SAMUEL 5:9

Mangpang ami khäm kawn ah David cu a cun ung om neta, “David Mang Gaw” ah aming sui ci. Ani naw mang gaw cu veing ne cokyang ci, khomhtung ah a kiangtäng khaw dou cu k’be ne cokyang ci.

HOSEA 9:4

Cun ah akhohei khaw ah ngami naw Bawipa am, sapyit tui kä thak ba hlawt khai gui. Ami khawihnah nak phi ani ah kä law püi ba hlawt khai gui. Ngami ah ei cu gook ei ah mäih ah ei ciah chang nü lelawi sak khai. Cun cu ami cawi amik phyei nak bäng ah kyak khai. A i phi Bawipa ah tigü im ah douthak vai kä kyak khai.

HOSEA 8:13

Ngami naw khawihnah nak cu na douthak u ne, Khawihnah nak ah asa cu ei ci gui. Cun ung phi kei Bawipa naw kä ka yei na gui ci. Tuhbäi ngami ah kat nak cu shüm pe gui ne, acun ah phä ah ka m’kyuk gui khai. Kei naw Egypt khaw ah ka tüi ba gui khai.

HOSEA 5:6

Ngami naw ami htome gui la ami vantang gui la u ne, Bawipa cu khawihnah nak ci gui. Cun ung phi cun naw ngami kä ni sak gui ci. Ani naw ahteh tak gui ah kia ne ngami naw kä hmu hlawt ci gui.

ISAIAH 66:3

“Chang gui naw ami mät m’hni ah bi bik ci gui. Cun cu, seipat ngawn ne ami khawihnah cu chang ngawn ne ami khawihnah ah’n täng ci; htome hta awn ami khawihnah cu ui ah gawn ami douthak awn täng ci; tui ng’ui ami douthak cu, agup ah ami taigü awn täng ci. Ngami cu shemshai ciah khawihnah nak ung lün lawi ci gui.

HEBRU 10:1

Jew thukhän gui cu be ci la bekhüt ciah akcang gui ah kä kyak ci: gawk lawk khai ah nikiom nak gui ah püpüi gui ah kyak ci. Thukhän ah ciah akum täi sei küikyan nak cu bi ah kiak ci. Cun ung a i hawkcha ah thukhän naw, Khanpughi ah lawk ciah chang gui cu, kümbe sak gui khai aw?

ISAIAH 31:9

Ami mangbawi cu kyi ne dawng khai, ami bawi gui cu kyih aih u’ne, ami ng’tuk nakung alan gui cu nawng shüt khai gui.” Bawipa naw ng’thu pyen ci — Bawipa, Jerusalem ung ami khawihnah, ani ah mei cu khawihnah m’khih nak vai ah di ci nei.

JEREMIAH 7:21

Ka chang gui, aw shah khawihnah nak cu soukiang ung avan nami m’khih vai, amshah cu nami ei vai ah ning k’bäi gui nei. Cun ung phi kei Bawipa naw ka pyen cu nangmi naw avan nami ei vai ah kyak ci.

ISAIAH 5:12

Nami zu im ung hting ni k’vei ni, phiphät ni — zu ni nami mang ci. Cun ung phi Bawipa naw a i a bi cu kä nami hwat ci,

ISAIAH 29:9

Anglaam ne om vä! Nami mik m’dauh sei om vä! Zu kä awk en ah awktat vä! M’hteei ät phi kä aw ne ng’täng shüi shüi vä!

ISAIAH 29:13

Bawipa naw pyen ci, “Shin ah chang gui naw na khawihnah khai gui ah pyen khai gui, cun ung phi ngami ah ng’thu ci akholä nei, ami m’lung kyong cu whei ah gawk ci nei. Ngami ah yum nak ci akholä, cun ung phi hnicim chang ah thukhän la thungyo gui, ngami naw ami shümshawi ah kyak ci.

TAIGÜTHUM 23:4

Shin ah pawi gui cu k’bäi nak ah khin ung ami bi vai.