ISAIAH 28:9 - Cho Bible Common Language 2016

⁹ Ngami naw kei ah mawng ng’cuh ci gui. Ngami naw, “Ani naw a i ah na ngai gui ne am theithang ang? Ani ah thu pyen a u naw ng’ya hlük ci ang? Shin cu sukchah thai ciah a hmaw hta gui ah phäh ah vah nik khai nei!

ISAIAH 28:9 Referans Kwoze

SAM 131:2

Kei cu anu ah k’coi ung ng’pawm ciah ah hmaw hta ah mäih ah, ka yei ci, ka ding gei ci. Ka m’lung m’sin ah akyong ah ding gei ci.

JEREMIAH 6:10

Kei naw ka m’shang ci, “Kei naw ngami ng’thu püi gui ne, ka m’cäi gui ah a kyak ung a u naw kei na ngai khai ang? Ngami cu m’lung liing u ne nang ah thu ngaih vai ha mak cu gui nei; kei naw ka pyen vai ah na na m’thein cu ngami naw gaih tuk ci gui nei.

JOHAN 12:38

Cun cu prophet Isaiah ah ng’thu a khüm nak ah kyak ci; Cun ah thu ung; “Bawipa, Keimi ah ng’thu pyein cu a u naw ang a yum ve? Bawipa naw a hlüngtai nak cu a u chang ung ang ang dang sak?” ciah kyak ci.

MATTHE 11:25

Cun kawn ah Bawipa Jesuh naw, “Khankho la khomdek van uk ciah kapa, hmuhmat nak om ci gui-am kä nam dang gui cu, hmuhmat nak kä om ci gui-am m’dang gui ci sei ka ning m’hlüngtai ci.

1 PETER 2:2

Htanak thai ah ak hmawhta cu, suuktui a gha ah mäih ah, angtäi sei mümcha suuktui ah nami gha vai nei. Cun ung vah cun ah suuktui nami awk nak awn, däm ng’vai u ne, hun nak nami gah khai.

JOHAN 3:19

Hma ci m’kat ne m’khoichaa nak ah mawng cu; akdei cu khomdek khan ah gawk lawk ci. Cun ung phi akshe ah om ci gui ah chang gui cun naw, akdei ah mä ak hmüp cu m’hni pi ci gui.

JEREMIAH 5:31

Prophet gui naw a i kä pyen ci gui, hleei hlak ci gui; taigü gui naw prophpet gui ah thum khän ah mäih ah uk ci gui, kei ah ka chang gui naw phi kä maa na gui ci gui. Cun ung phi shin gui avan ak hnu hnüüp ung a gawk law ung ngami naw ai bik khai gui ang?”

ISAIAH 54:13

“Na chang gui cu kei ka mät naw ka m’thei thang gui khai, bühmang nak la dimdeeih nak ka pe gui khai.

ISAIAH 53:1

Chang gui naw m’shang u ne, “Tuhbäi keimi naw kami pyen cu, a u naw yum khai ang? Shin ung Bawipa ah kut hnün cu a u naw hmuk khai ang?

MAKUH 10:15

Kei naw akcang ka pyein cu, ak hmaw hta gui ah mäih ah Khanpughi ah uknak kä dou ciah chang cu khankho ah kä gawk tuk khai” cine pyen na gui ci.

ISAIAH 50:4

Uktu Bawipa naw a i pyen vai cu nam’thei ci, Cun ah kyasei cümbawng ci cu kei naw k’tha ka pe hning ci. Ani naw ana m’theithang cu ngaih ng’yak vai ah, akhongawi tä sei na ng’dawt ng’cham sak ci.

NG'THU K'THUUK~ 1:29

Nangmi naw hmuhmat nak cu kä na mi mang man ci, Bawipa cu kä nami kyih aa phung ci.

SAM 50:17

Ka ning m’cäi phi kä na ng’yak ci, ka thu phi na hnu nak ci.

ISAIAH 48:17

Israel gui ah theingcim ciah khanpughi, Ning hun gui ciah Bawipa naw pyen ci; “Kei cu Bawipa nami na khanpughi nei. Kei naw nami ni nak vai ning m’thei thang gui ne, nami hteh nak vai lam ka ning m’shüm gui hlük ci nei.

ISAIAH 30:20

Bawipa naw khak ciah akhin ung ning hteh sak gui khai cun ung phi ani amät naw ning om püi gui ne ning m’thei thang gui khai, nangmi naw ani nami shui vai kä hlü ba khai.

ISAIAH 28:26

Ani naw shikcha ah abi vai cu hmat ci, a i ah kyasei ci ung ani cu khanpughi naw am thei pyi ah kyak ci.

ISAIAH 2:3

ami chang gui naw, “Bawipa ah khawmhtung Israel khanpughi ah Taigüim ah mi kya khai nei. Ani naw ana bi sak gui hlü cu na m’theithang gui khai nei; mikmi cu ani ah ghü ah lam ung mi hteit khai nei. Bawipa ah m’theithang nak cu Jerusalem ung ka gawk lawk ci; Ani naw Zion ung ka naw ak chang gui ng’thu püi gui ci.”