ISAIAH 28:12 - Cho Bible Common Language 2016

¹² Ani naw düm nak ning pe gui ne, nami van ning shungvawng gui sei phi, ani nami ngaih vai ah nami mak ci nei.

ISAIAH 28:12 Referans Kwoze

ISAIAH 30:15

Uktu Bawipa, Theingcim ciah Israel khanpughi naw chang gui pyen na gui ci, “Law ba vä, adüm hta ah kei ung ng’ap ba vä. Nangmi cu gaigawng ne nami phyawng khai.” Cun ung phi nangmi naw cun ah bi vai cu nami mak ci.

JEREMIAH 6:16

Bawipa naw a chang gui pyen ah gui ci, “Lam kyum gui ung ng’düi neta teng vä. Cau lam phyim gui la lam akni pi a hawi a om cu ng’shi gui vä. A cun ung hteit vä, dim deeih nak awn nami om khai.” Cun ung phi ngami naw, “Kaa, kä ka mi hteit khai!” cine pyen ba ci gui.

ZEKHARIAH 7:14

Pui khaw ah khi ah mäih ah khi ne yon gui ngä sei, a khaw hei ah om ci gui. Shin ah khaw k’ni cu shiu khai ah ami nawng ah kyak ci, a u phi kä om ba ci.”

JEREMIAH 44:16

“Nang naw Bawipa ah min gung na na m’thein gui ngaih vai ah keimi kami mak ci nei.

ISAIAH 11:10

David ah uknak ng’shon ungka, pakhui gui m’hnüt nak vai ah ghangpughang akthai cu ani ah uknak mang gaw ung ng’bum u neta, ani cu m’tamkhah khai gui.

HEBRU 12:25

Nangmi cu thu k’aw ng’yak vai noi mak ciah chang ah kä nami kiak vai ah nami geing nak vai nei. Khomdek khan ung khankho thu ngaih yak vai ah mak ciah chang gui cu kä phyawng ci gui nei. Cun ah kiasei mikmi naw Khankho ah kaa ng’thu pyein lawk ci cu, mi hnu nak ah a kyak ung a i ung phi kä mi phyawng hlawt khai nei.

ZEKHARIAH 7:11

“Cun ung phi ka chang gui naw ma ne ng’thu kä ngai ci gui, ngami naw ami m’lung khai ci gui.

2 SHONTÄP NAK 14:11

Asa cu Bawipa a Khanpughi ah taigü ci,” O Bawipa nang naw huham mah ciah gakap na m’htei ah mäih ah yoken ci phi na m’htei hning ci nei. O Bawipa kami Khanpughi, tuhbäi na m’htei gui ä, keimi cu nang ung kami ng’khüih ci nei, nang ah ming awn lut law ne shin ah däm aih ciah gakap cu kami tuk ci nei. Bawipa, nang kami Khanpughi; nang cu a u naw kä ning tu hnim hlawt ci nei.”

ISAIAH 32:17

A i ah kyasei ci ung akehang sing naw düng nak cu bik khai, dimdeeih nak la ngaih gep nak cu angtäi sei om khai.

ISAIAH 32:18

Khanpughi ah chang gui cu ng’ä ai nak phiawn nak khai gui, ami cin kyong dimdeeih ne phyawng m’hteim khai.

ISAIAH 29:12

Nang naw ca kä phat thei ciam pe neta, phat ne a ning m’thein vai ah ha pyen ah a kyak ung, ani naw a i cha phat vai ah kä ka hmat ci nei cik khai.