ISAIAH 28:1 - Cho Bible Common Language 2016

¹ Israel uknak khaw cu ng’ziin ci nei! Awktat ciah ang vai gui ah lu ung ka, cheipai lukhu ang zaai ah mäih ah ani ah bäimang nak cu ng’zaai ci nei. Ami khähghah nak ah ami lupum cu situi ng’ui awn akni ah hluk ci gui, cun ung phi ngami cu awktat ne ng’zän ci gui nei.

ISAIAH 28:1 Referans Kwoze

HOSEA 7:5

Ghangpughang ah pawi hnüüp ung ngami naw ghangpughang la bawi gui cu sapyit tui tu ne awktat sak u ne gu sak gui ci gui.

ISAIAH 28:7

Prophet gui la taigü gui pui cu awktat u ne kyu shüi shüi ci gui. Ngami cu sapyit tui akda la awktat vai gui akda aw aih u neta gawk vaak kiungtäng ci gui. Prophet gui cu aw aih u neta khanpughi naw ak chaak law gui ah muimang cu kä hmat ci gui, taigü gui phi aw aih u neta, ami law püi ah amawngma gui cu kä phupit kaih yawih hlawt ci gui.

AMOS 6:6

Nang cu sapyit tui k’am ung be ci aw ne, tui ng’ui akni pi na mang ci, cun ung phi Israel ah dishum ah phäh ah kä na thüisei ci.

AMOS 6:1

Cun cu nangmi ah phäh ah a i hlawk ah kyih vai ah kyak khai aw, Zion ung yäi sei om ci gui, Samaria ung phiawng ne om ci gui — nangmi cu dämduh ciah Israel pakhui ah ng’vai gui, nangmi ah chang gui m’htei vai ah hteit ci gui.

AMOS 2:12

Cun ung phi nangmi naw Nazirit gui cu yu nami awk sak gui ci, prophet gui naw ka ng’thu kä ami pyen vai ah nami k’bäi gui ci.

AMOS 2:8

Khawihnah nak päng ah chang gui cu suisak ah khan ah ip ci gui, cun cu dukhaih ci gui ah kaa aphu ah ami lak ah kyak ci. Ami Khanpughi ah Taigüim ung ngami cu yu awk ci gui, cun cu ami ngui pu tuk ciah chang gui ah kaa ami lak ah kyak ci.

HOSEA 6:10

Israel khaw ung kyihkyawk vai kyak ci cu, kei naw ka hmuk ci. Ka chang gui naw agup khawihnah u neami mät naw ami mät lelawi sak ci gui.

HOSEA 5:5

Israel chang gui ah ami m’ghämce nak naw kyap ne ami mät hnungtuk püi gui ci. Ami katnak naw ng’vawn sak gui ne ng’kiak sak gui ci. Judah chang gui cu ngami awsn atäng ah ng’täng ci gui.

HOSEA 4:11

Bawipa naw pyen ci, “Yu phyim la yu k’thai ami awk naw kei ah ka chang gui ah cüivai nak cu gut gui ci nei!

ISAIAH 9:9

Israel chang gui avan, Samaria mang gaw ung om ciah chang nü naw ani naw shin ah abi cu hmat ci gui nei. Tuhbäi ngami cu chang ah ng’shei ne m’lung m’dän ci gui nei.

ISAIAH 8:4

Ak hmaw cu “Nunu papa ah kä ang khü pha ung, Damaskas ung khawh gui avan la Samaria ung ami guh-gui avan cu Assiria ghangpughang naw hteh pui yawp khai nei” cikci. Assiria Ghangpughang lawk ci.”

ISAIAH 5:22

Nami khaw mü ci nei! Zu ah chang m’gäi gui! Nangmi cu awk nak naw aning k’caw law gui ung nget u ne kyih nak nangmi ung kä om ba ci nei!

ISAIAH 5:11

Nami khaw mü ci nei! Nangmi khaw ngawihta ang dawt ah tho law ne nami aw law ge ci. Mü hun täng ah phi ak sho awktat ne nami ng’zän ci.

NG'THU K'THUUK~ 23:29

Zu akda awk ci, tha na ne shui ne akthai awk cicu na m’dang vä. Amät ah phäh ah m’lung thüi nak ayä nak bi ne, angtäi sei cümbawng nak, ng’thu m’da nak bik cicu ka ning m’dang gui khai. Ani ah mik ci si ah m’dei ci. Ani ung akyong leim nak om ci, Ani naw hlawi hlawt khai sü te,

2 GHANGPUGHANG GUI 15:29

Pekah ghangpughang ah a kyak yah ung Tiklath Pileser, Assirian uktu naw, Ijon, Abel Beth Maakah, Janoah, Kadesh la Hazor la Kilead, Kalile, la Naphtali khopäng gui cu khäm ne, chang gui phi Assiria ah hteh pui gui ne thawng kyum ah tha gui ci.

TAIGÜTHUM 26:19

Kei naw chang ah nami ng’shei nak cu ka m’shet khai; khaw kä aa khai, nami khonglei cu chawng ne m’sii ah mäih ah guh khai.

HOSEA 5:9

M’kyuk nak ah hnüüp cu gawk lawk ci nei. Israel gui cu di khai gui nei. Israel chang gui shin cu akcang ah kia lawk khai nei.

ISAIAH 9:8

Bawipa naw Israel ah uknak khaw Jakob ah hta ng’shon gui ah khan ah ng’thumcha nak cu ng’shäu pyi ci nei.

ISAIAH 9:11

Bawipa naw ngami tu gyi khai ah ami ga gui cu thawh let sak gui ci.

AMOS 4:1

Shin cu ngai vä, Samaria hnumi gui, Bashan seipat nu ah plan ah mäih ah plan ciah chang gui, ak tha ken ci k’she nak ci gui, dukhaih ci yaw ynak ci gui, nami cei ah yuu nami thäh ci gui!

AMOS 6:4

Ih phak ak hnip ung ng’yän ne, sei hta la htome hta ah sa ei ne na om cu, a i hlawk ah kyih vai ah kyak ci ang?

AMOS 6:8

Uk ne m’gäi ciah Bawipa ah bä ciah ang cäi nak cu: “Israel gui chang ah ami ng’shei cu kei naw ka thüi nak ci, ami ng’päi im gui cu kei naw ka päipih ci. Kei naw ami mang gaw la akyong ah om ci nü cu ga am ka ap khai” cik ci.