ISAIAH 27:9 - Cho Bible Common Language 2016

⁹ Khoshe ah lung sonkiang gui cu khak khai ah güüt ne, khanpughinu Asherah ah m’hnüt nak kä ung, tui ng’ui sonkiang kä ah om ba kawn ung, Israel gui ah katnak cu m’geinsei nak om khai nei.

ISAIAH 27:9 Referans Kwoze

ROMAN 11:27

Kei naw ngami ah shetkat nak cu ka k’phiuawn gui hnüüpung ngami awn shin ah thukhän cu ka bik khai nei,” ciah om ci.

ISAIAH 48:10

Ngui cu meicang ung m’hling ne m’ciim ah mäih ah nangmi cu khüikha nak ah mei awn ka ning m’nüm gui ci nei. Cun ung phi nangmi a i ah kä nami mawng ci nei.

DANIEL 11:35

Cüivai ciah ang vaihta gui cu ngawn gui khai gui cun ung phi cun ah ami ngawn ah phäh ah chang gui cu theingthap lawk khai gui. Shin cu Khanpughi ah m’hnüt nak ah khin kä a gawk pha ah chuih a cun ah kya lä khai.

ISAIAH 17:8

Ngami naw ami mät ah knt awn ami pyan ah sonkiang gui cu kä yum ba khai gui, ami mät ah hnthnün ah kyak ciah — khanpughi um Asherah ah müi la ang ui ami m’khih nak ah sunkiang gui cu kä ngaih u ba ci gui.

HEBRU 12:6

A i ah kyasei ci ung, Bawipa naw am hni ah Chang phung cu m’düng ne, A hta ah k’bäi ne a dou phung cu M’kyuk ci nei,” ciah kyak ci.

1 KORIN 11:32

Cun ah Bawipa naw nam khoicha gui ne a na m’kat nak gui cu, khomdek chang awn a täng ah m’kat nak kä mi gah tu vai ah hmawk ah kyak ci.

ZEKHARIAH 13:2

Cun ah khin ung kei naw khaw ung agup gui avan cu ka k’heng yawp khai, ngami cu a u naw phi kä shüm ba gui khai. Prophet ah kyak ciah pyen ci gui la agup khawihnah nak hlü gui cu kei naw ka k’täm khai.

HOSEA 14:8

Israel chang gui naw a i a gup phi kä bilo ba khai gui. Kei naw ami taigü m’shang gui ne ka m’hteihtang gui khai. Angtäi sei ching ciah sing ah mäih ah kei naw ka ng’hniim gui khai. Kei cu ngami phyuhtheh nak ah aphung ah ka kyak ci.”

EZEKIEL 20:38

Ng’küknet ne katnak bik ci gui cu nami ng’lung ungka ka heng gui khai. Ngami tuhbäi ami om nak ah khaw ungka a hei ah ka la gui khai, cun ung phi Israel khaw ah kä ka law ba sak gui khai. Cun ung kei cu Bawipa ah nangmi naw nami na hmat khai.

EZEKIEL 11:18

Ngami ami law ba ung, ami hmuh phung ah lelawi ne shemshai ciah agup gui cu nawt heng khai gui.

ISAIAH 4:4

A huhan awn Bawipa naw chang pakhui cu m’khoisha ne theithap sak khai, Jerusalem ah cheishoh nak la a cunang li ciah si cu m’si yawp khai.

ISAIAH 1:29

Nangmi cu sing ging gui nami khawihnah ah phäh la khawihnah nak vai ah dum gui nami geitkaw ah phäh ah nami thüisei khai.

NG'THU K'THUUK~ 20:30

Ak hnü ät ung natnak bui awt nak naw mi lam mi m’thawng nak vai ah na pyang gui ci.

SAM 119:71

Na na m’kyuk nak cu bä ci nei, a i ah kyasei ci ung, a cun naw na thumkhän cu na ng’thei sak ci.

SAM 119:67

Nang naw kä na na m’kyuk pha ung kei cu ka cheishoh lä ci, cun ung phi tuhbäi na thu ka ngai ci nei.

2 SHONTÄP NAK 36:19

Ani naw Taigüim, mang gaw la mang im gui avan, khawhcham gui avan mei awn m’khih ne mang pang phi phyek ci.

2 SHONTÄP NAK 34:4

Ani ah m’shümthein nak awn a chang gui naw Baala khawihnah nak ah sonkiang gui cu dep u neta a pei yung ah ka, tui ng’ui-sonkiang gui phi phyek ci gui. Ngami naw Asherah ah gup la ahei gup gui avan cu m’dek ung m’vutah ng’deng khai ah ci u neta ngami khawihnah ci gui ah chang gui ah phuh hmun ah khan ah m’vut cu phyang ci gui.

2 SHONTÄP NAK 14:5

Ani naw khaw ng’yo khawihnah nak ah hmun gui la tui ng’ui sonkiang gui cu Judah khaw mang gaw gui avan ung phye ne m’di yawp sei, ani ah uk yah a khin ung, ami uknak khaw cu ding gei ci.

2 GHANGPUGHANG GUI 25:9

Ani naw Taigüim ni, mang im ni, Jerusalem ung chang vai gui ah im gui avan cu mei awn m’khih ci,

PHYAWN NAK 34:13

Ami sonkiang gui nami gäi vai, ami lungtung a gup gui nami m’di vai, ami khanpughi ah mäih ah kyak ciah Asherah sing gui cu nami chuk vai.

TAIGÜTHUM 26:30

M’htung khan ung nami khawihnah nak ah hmun gui cu kei naw ka m’di khai, ang ui sonkiang gui cu ka gäi khai, sik ciah nami pumsa gui cu kyu ne ng’yän ciah nami ka, a gup gui ah khan ah ka yuk ghawt khai, kä ni aih ciah a kyong ah,

THULÄÄN NAK 12:3

Ami sonkiang gui nami gäi vai, theing ciah ami lungtung gui khui ah nami dep vai. Ami khanpughinu Asherah ah gup gui nami m’khih vai. Ami gup gui nami shawm vai, cun ung ngami naw acun ah hmun gui ung kä khawihnah ba khai gui.

2 GHANGPUGHANG GUI 10:26

a cu ah om ciah lung tung theing gui cu la u ne, mei awn m’khih ci gui.

EZEKIEL 6:4

Sonkiang gui cu phye ne, ang ui-sonkiang gui cu gäi khai nei. A cun ung om ciah chang gui avan cu ami gup gui ah ma ah ngawn gui khai gui nei.

2 GHANGPUGHANG GUI 23:14

Ghangpughang Josiah naw lungtung gui cu ci hnget hnget ne, khanpughinu Asherah ah gup gui cu chawm pit yawp neta, a cun gui ah ami ng’düih nak ah hmun cu chang ah guh gui awn be sak ci.

ISAIAH 30:22

Nangmi naw ngui awn pyan ah a gup gui la ghui awn vook ah a gup gui cu ng’awt ah mäih ah ghawt u ne, “Kei ung ka ahei ah hteit ä” cine nami m’lau khai nei.

ISAIAH 40:2

Jerusalem chang gui k’thamah nak pe gui ä. M’thein gui ä, ami yaica nak cu shou lawk ci nei, tuhbäi ngami ah natnak cu m’geinsei pyi nei. Ngami ami katnak avan ah phäh ah akbe ah ka m’kyuk gui pyi ci nei.”

MIKHAH 5:11

Na khaw ungka na mang gaw gui ka m’di khai, na ng’vong khaam avan ka m’shet khai.