ISAIAH 27:4 - Cho Bible Common Language 2016

⁴ Kei cu sapyit lo ah phäh ah kä ka m’lungshe ba ci nei. Hnu ng’tuk püi vai ah hling ghing, hling shun gui bäng om ci nei, kei naw cun gui cu ka m’khih gui yawp khai nei.

ISAIAH 27:4 Referans Kwoze

HEBRU 6:8

Cun ung phi cun ah m’dek cu m’ghaw la ng’hling bäng a thawh sak ah a kyak ung, mang vai ah kä kya ba ci kyasei, Khanpughi naw k’phyun ne mei awn m’khih ne m’di khai.

ISAIAH 10:17

Khanpughi, Israel gui ah akdei cu mei ah kya lawk khai nei. Israel gui ah theingcim ciah Khanpughi cu mei m’lei ah kya lawk khai nei. A cun naw hnüüp ät bäng ung ng’hlingcam la hling gui mah mah ah apäng cu ui yawp khai.

MATTHE 3:12

Akut ung htang akchü nak vai ah chüdawn kawt ci. Amät ah geitkaw gui cu khäm yawp netah htang ang tak gui cu khei ung thun yawp khai. Ang shi gui läi cu m’sih ne käm khüt vai ah mei awn m’khih yawp khai,” cine m’thein gui ci.

SAM 85:3

Ngami ah khan ah nam’lungshe nak cu maih sak ne, na ngetngawng nak cu na pyei sak ci.

2 SAMUEL 23:6

Khanpughi kä om ci cik ci gui cu ng’hling ah mäih ah kyak ci gui, cun gui cu ghawh ah kyak ci; a u naw phi awng ciah kut awn kä tawn gui ci.

2 PETER 2:9

Zum ciah chang gui ami kium nak ungka k’phiawn gui vai, chang shekha gui la,

MALAKHI 4:3

Cun ah hnüüp ung kei ka hnün thawh law ung, changshe gui cu nami näng gui khai, ngami cu nami khopha kaa ah m’vut ah mäih ah kyak khai gui.

EZEKIEL 16:63

Nang naw na bi ah cheishoh nak avan cu kei naw ka ning geinsei khai. Cun ung phi cun gui cu nang naw shüm ba neta, na shai kä na m’aan ah phi nang aa aih khai.” Uktu Bawipa naw a pyen nei.

ISAIAH 12:1

Chang gui naw ng’äi ami m’cu nak vai ah hnüüp cu gawk lawk ci nei, “Ka ning m’tam ci nei, BAWIPA! Nang cu kei ah khan ah na m’lungshe te ci, Cun ung phi tuhbäi, kei na na shungvong ci, nang kä na m’lungshe ba ci nei.

ISAIAH 9:18

Chang gui ah cheishoh nak naw hling k’cam la hling gui mei naw a uih ah mäih ah ui ci. Cun cu bung hmu mei naw ui sei meikhu a tawt ah mäih ah ui ci.

SAM 103:9

Ani naw a phlüit ta a u kä m’kat ci, ani angtäi sei kä m’lungshe ci.

ISAIAH 33:12

Nangmi cu lung m’khih ung thung ah a kyak ah mäih ah, ng’hling m’khih ung m’vutah a kyak ah mäih ah nami khui khai nei.

2 SAMUEL 23:7

Nang naw m’si likhim baw, htei tumat baw na mang vai; ngami cu pyäm khai ah ui gui khai.

JEREMIAH 29:11

Nangmi ah phäh ah ka m’hnüt bäi cu ka mät bäng naw ka hmat ci, Cun ah m’hnüt bäi cu nami bühmang nak vai ah kyak ci, leigai ah kä kyak ci, ngawi ah nami ngaih u rai law püi ciah m’hnüt bäi ah kyak ci.