ISAIAH 27:3 - Cho Bible Common Language 2016

³ “Kei naw a shin cu ngäng ne, ak phlüt ah tui awn ka shawi ci. Kei naw amü ak hnüüp ka ngäng ci, cun ah kyasei a i naw, a i ah kä ci hlawt ci.

ISAIAH 27:3 Referans Kwoze

ISAIAH 58:11

Cun ung kei naw angtäi sei lam ning m’shüm gui ne, akni gui awn ka ning büh bei sak gui khai. Kei naw ning khüighat sak gui ne ka ning gai sak gui khai. Nangmi cu tui akda awn sawi ah duin ah mäih ah nami kyak khai, kä ket hlawt ciah tuilawng ah mäih ah nami kyak khai.

1 SAMUEL 2:9

Ani naw bekhüt ciah ak chang gui ah hnun gui shungvong ci, Cun ung phi changshe gui cu hmüp khui ung maih ci gui; Chang naw amät ah k’thagui awn näng nak kä gah ci.

EZEKIEL 34:11

“Kei, uktu Bawipa naw ka ning m’thein gui ci, kei ka mät naw ka htome gui ka shui ba khai, ka m’htei htang gui khai.

EZEKIEL 37:14

Kei naw ngami ung ka ng’ghi nak yuk thun ne, ka ghin ba sak gui khai, cun kawn ah ami mät ah khaw ung ka om sak gui khai. Cun kawn ah ngami naw kei cu Bawipa ah na hmat khai gui. Kei naw shin gui ka bik khai ah shai ka tak ci — kei naw ka bik khai. Kei, Bawipa naw ka pyen nei.”

EZEKIEL 34:24

Kei, Bawipa cu ami na Khanpughi ah ka kyak khai, ka changshäm David ah mäih ah kyak ciah ghangpughang cu ngami ah uktu ah kyak khai kei naw ka pyen nei.

ISAIAH 60:16

Anu naw a hta am htei ah mäih ah chang pakhui gui la ghangpughang gui naw ning m’htei khai gui. Kei, Bawipa naw ka ning hun la Israel gui ah m’gäi ah m’gäi ciah khanpughi naw aning m’hlawt cu, nang naw na hmat khai.

ISAIAH 46:9

Cau a i ah kya man ci cu ngaih-tüh ba vä; kei bäng khanpughi ah ka kyak ah mawng, kei ah mäih a u kä a om ah mawng cu ng’kia ne pyen vä

ISAIAH 46:4

Kei cu nami na khanpughi nei, nangmi ghi ne nami lu ang pyok güt kei naw ka ning m’htei gui khai nei. Kei naw ka ning pyang gui ci, ka ning m’htei gui khai nei. Kei naw ka ning bawm gui khai, ka ning gung gui khai.

ISAIAH 5:6

Kei naw cun cu khumgho she gui awn kakdüi sak khai. Kai naw kä ka k’hteiuh pyang khai, m’dek kä ka k’seisan khai; ng’hling nu, ng’hling hta gui awn ka küm khai. Ani ah khan ah khaw kaa kä kya lawk khai ah khaw mei gui phi ka maa nak khai” cik ci.

SAM 46:11

M’gäi ciah Bawipa cu mikmi awn atäng om ci; Jakob ah Khanpughi cu mi ng’yii nak ah kyak ci.

SAM 46:5

Khanpughi cu cun ah mang gaw ung om ci, cun ah gaw cu kä di phung khai; kho ngawi hta ung, ani naw law ne m’htei gui khai.

ATÜNNAK 6:17

Khomdek khan ung ak ghing avan k’biing ne m’ciin khai ah tuiyiin ka mü sak khai. Khomdek khan ung hang om ci phung avan si yawp khai.

EZEKIEL 37:28

Kei naw acä ah, ami ng’lung ah khaw ng’län ung om khai ah ka Taigüim ka k’süm law ah a kyak ung, changpakhui gui naw kei, Bawipa naw Israel gui cu ka mät ah chang vai ah ka ghü gui ciah hmat khai gui nei.”

ATÜNNAK 9:9

“Nangmi la nami htangshon gui avan,

ISAIAH 31:5

Kha naw ang bu ah khan ah ngo ne, a hta gui a shungvong ah mäih ah, kei, m’gäi ciah Bawipa naw Jerusalem cu ka shungvong khai, ka ghung khai.

ISAIAH 42:6

“Kei, Bawipa, naw ning khü ne huham ka ning pek ci, khomdek khan ung taga ciah bi cu nami hmuh vai ah iak ci. Nang ung chang avan awn thukhän ka bik khai; Nang ung pakhui gui ah phah ah akdei ka law püikhai.

ISAIAH 49:8

Bawipa naw a chang gui pyen na gui ci, “Nangmi ning bü nak gui vai ah khin a gawk law ung, nangmi am hmai kiang nak ning m’dang gui ne, ning m’htei gui vai ah nami kyah cu ka ning m’shang gui khai. Kei naw ngäng ne ka ning shungvong gui khai, chang van ah phäh ah nangmi awn thukhän ka bik khai. Tuhbäi didap ciah nami kho ung kei naw ka ning om ba sak gui khai.

1 GHANGPUGHANG GUI 8:59

Kei naw ani ah ma ah ka bi ah taigü nak la ng’paa nak gui Bawipa mi Khanpughi naw angtäi sei shüm ba sä. Ani naw Israel chang gui la ami ghangpughang ah khan ah a hnüüptä ami ng’yak hlü ah ciah angtäi sei chimgein gui sä.

ISAIAH 44:3

Kei naw tui gha ciah khaw ung tui ka pek khai, khong’gau khaw ung tui lawng ka lon sak khai. Kei naw nami htanau gui ah khan ah ka mümcha ka yuk chah khai, nami hta ng’shon gui ah khan ah ka hriham ka yuk chah khai.