ISAIAH 27:13 - Cho Bible Common Language 2016

¹³ Cun ah hnüüp a gawk law ung, Assiria la Egypt kho ah amktu ah om tuk ciah Israel gui avan cu khünak ba gui ah k’phyung puuk cu tum vai nei. Ngami cu law u ne, theing ciah m’htung, Jerusalem ung Bawipa cu khawihnah khai gui nei.

ISAIAH 27:13 Referans Kwoze

MATTHE 24:31

Cun kawn ah chang ah Htapa naw chünla ciah phyungheng tum sak gui netah, ak khankho chang gui cu hnilaw hnikiaak, a htum asiip ah tüi gui ne, khomdek vang kem ah kaa naw vang kem ah khüt khai ah a ghü ah chang gui cu m’cut sak gui khai nei.

TAIGÜTHUM 25:9

Cun kawn ah a cha chih nak ah a hnüüp gha hnüüp cu, bui awt nak ah hnüüp, acun ah hnüüp ung khaw avan ung hteit ne phyungheng tum khai ah chang tumat nami tüih vai.

HEBRU 12:22

Cun nak vaisü ung nangmi cu Zion m’htung la angtäi ghing ciah Khanpughi ah mang gaw, Khankho Jerusalem, kä khei tai vai ah khanchang gui ah om nak ah nami gawk ci nei.

LUKA 4:18

“Khanpughi ah Mumcha cu kei khan ah gawk law pyi ci, Geinvai ci gui-am Thu Ni m’thein gui vai ah Kei cu na ghü pyi ci, Thawng ung kium ci gui ah phiawn nak vai, A mik m’dauh ci gui ah m’dei ba nak vai la Shedam nak gah ci gui ah phiawn nak vai ah mawng shäu ne pyein vai ah kei cu ghü ne na tüi pyi ci

ZEKHARIAH 14:16

Jerusalem tu lawk ciah pakhui ungka, k’pawih ba ci gui ami van cu a kum tä sei law ne, Hlüngtai ciah Bawipa cu ghangpughang ah khawihnah u ne, ng’yii nak ah mang ei pawi cu bik khai gui.

ISAIAH 11:16

Assiria ah akping ung tamu om kahi, cun cu a cu ah k’pawih ci gui ah a chang gui, Israel ah phäh ah kiah ci cun cu ngami naw Egypt khaw ami hteh tak yah ung ami pupa gni ah hmawk ah mäih ah kyak ci.

THU PHLAAN 10:7

akchih nak ah khankho chang naw pyungheng a tum law ung, Khanpughi naw ak chang, purofet gui amcäi gui ah mäih ah, thuuk ciah apawng püi gui cu pyi phleh sak gui khai nei,” ci ne pyein ci.

THU PHLAAN 9:14

Cun ah k’aw naw akchuk nak ah khankho chang am, “Euphratis tuinu pei ah khit ne ami k’pawn ah khankaw chang paphli cu k’phyan tu ba gui vä” cine pyen nak ci.

THU PHLAAN 8:6

Cun kawn ah phyungheng chih kawt ciah khankho chang pachih cu, tum ge vai ne pawng ci gui.

THU PHLAAN 8:2

Cun kawn ah Khanpughi ah maa ah ng’düi ci gui ah khankho chang pachih cu ka hmu gui ci. Ngami cu phyungheng pachih ami peit gui ah kyak ci.

1 THESSALONIAN 4:16

Khanpughi ah thukhän, khanchang ang vaipi ah thu k’aw, Khanpughi ah phyungheng, ang thang law hnüüp ung, khankho ah kaa Bawipa amät cu kyum lawk khai nei. Bawi Khrit ami yum kawn ah sik ciah chang gui cu tho ba htük khai gui.

ROMAN 10:18

Cun ung phi chang gui naw cun ah thu cu kä ng’ya u ne ang! Ka ning ng’shi gui hlük ci: Ngahmi naw akcang ah ng’yak ci gui. Cacim theing ung; “Thu Ni ng’shäu ci gui ah k’aw cu khomdek khan avan ung Thang ne gawk ci; Ngah mi ah Thu m’kha cu kho cawi kheng ah khüt ne gawk pyi ci nei” ciah om ci nei.

MALAKHI 1:11

Vang khaw cawi ungka naw vang khaw cawi ung khüt ciah chang gui naw na m’taam ci gui. A hmun päng ung ang ui gui m’khih u ne, dou thei vai ah khawihnah ci gui. Ami van naw na m’taam ci gui!

HOSEA 11:11

Ngami cu kha ah mäih ah yong u ne, Egypt khaw ah kaa mümcha ah mäih ah Assiria khaw ah ka law ba khai gui. Kei naw ami im ah ka hteh ba püi gui khai. Bawipa naw ka pyen nei.

HOSEA 9:3

Israel chang gui cu Bawipa ah khaw ung kä om ba khai gui. Ngami cu Egypt khaw ah hteit ba khai gui. Assiria ah ami yeeih ah ei cu ei khai gui.

HOSEA 8:13

Ngami naw khawihnah nak cu na douthak u ne, Khawihnah nak ah asa cu ei ci gui. Cun ung phi kei Bawipa naw kä ka yei na gui ci. Tuhbäi ngami ah kat nak cu shüm pe gui ne, acun ah phä ah ka m’kyuk gui khai. Kei naw Egypt khaw ah ka tüi ba gui khai.

JEREMIAH 44:28

Cun ung phi nangmi ungka chang api cu sih nak ungka laut ne Egypt ah ka Judah ah nami law ba khai. Cun kawn ah k’pawih ba ci gui naw kei ah ng’thu ang, ahei ah ng’thu ang abä ah hmat khai gui.

JEREMIAH 43:7

Ngami naw Bawipa ah thumkhän kä ngai u ne Egypt khaw Tahpanhes mang gaw ah khüt ne hteit ci gui.

ISAIAH 66:18

Ngami ah m’lung ngaih, om ih cu kei naw ka hmat ci nei. Pakhui avan ung chang gui m’cut gui vai ah kei ka lawk ci nei. Ngami a täng ah ami gawk law ung kei ah huham naw a i a bi hning cu hmuk khai gui nei,

ISAIAH 56:8

Lik ciah Bawipa, a chang Israel gui omktu kho ak ka law püi ba gui ci naw, shai tak ci, a hei chang gui phi ngami ung ng’dawn law tuk khai gui ah law püi gui khai.

ISAIAH 25:6

Shin ah Zion m’htung ung m’gäi ciah Bawipa naw khomdek khan chang pakhui avan ah hwawk ah ei-hnii ng pyang khai bä pi ciah ei la ni pi ciah awk ah ei-hniing ah kya ci.

ISAIAH 19:21

Egypt chang gui ah ma ah Bawipa amät naw amät m’than lawk khai, cun kawn ah ngami naw ani cu hmat law u ne, khawihnak lawk khai gui, khawihnah nak la douthak nak cu law püi khai gui. Ngami naw ami ung bäi ciah shaitak bi u ne, ani shaitak ah mäih ah bik khai gui.

ISAIAH 18:3

Khomdek khan ung om ciah chang nü naw ngai vä! Khomhtung gui ah alai ung m’düih ah m’hnüt nak ah alan cu teng vä! Phyungpuuk tum cu ngai vä!

ISAIAH 11:12

Püipyang ciah Israel la Judah chang gui, khomdek khan khawkit phli ung ka, a law püi ba gui, atäng ah akbum ba gui amdang nak ah, Bawipa naw m’hnüt nak alan cu m’tho khai nei.

ISAIAH 2:11

Chang k’om nak ah khin ang pyi nak vai la chang ah ng’shei nak a dishum nak vai aha hnüüp cu gawk lawk ci nei. Bawipa amät bäng cu m’hlüngtai nak om khai net.

ISAIAH 2:3

ami chang gui naw, “Bawipa ah khawmhtung Israel khanpughi ah Taigüim ah mi kya khai nei. Ani naw ana bi sak gui hlü cu na m’theithang gui khai nei; mikmi cu ani ah ghü ah lam ung mi hteit khai nei. Bawipa ah m’theithang nak cu Jerusalem ung ka gawk lawk ci; Ani naw Zion ung ka naw ak chang gui ng’thu püi gui ci.”

SAM 89:15

Ng’äi m’cu ne ning khawihnah ci gui cu Na m’hni nak ah akdei ung om ci gui cu yeikyai aih ci gui nei!

SAM 81:3

Cha theei yah la cha lum yah ung, lungnu ah hmawk ah k’phyung lawi tum vä.

SAM 47:5

Khanpughi cu a mang kiang ung hang kai ci, Bawipa a hteh sangung, yei nak m’lau k’aw la phyung heng tum k’aw cu ng’shan ci.

2 GHANGPUGHANG GUI 17:6

Hoshea ah uknak a kum kaw nak ung Assiria uktubawi naw Samaria cu khäm ne Israel gui cu pha gui ne Assiria ah hteh püi gui ci. Amshah Halah mang gaw ung, amshah cu Habor Tuinu pei, Kozan khopäng ung, la m’shah cu Media mang gaw gui ung tha gui ci.

ISAIAH 2:2

Ngawi ah lawk ciah khaw hnüüp ung Taigüim ah ng’düih nak ah khawmhtung cu avan ah hlüngtai pikbäih khai, khawgui gui avan hlüng ne hnim khai. Chang pakhui gui cu a cun ung long ne lawk khai gui,

ISAIAH 19:22

Bawipa naw Egypt gui cu m’kyuk gui kahi, cun ung phi gai sak ba gui khai. Ngami cu ani ng’hlat lawk khai gui, ani naw taigü cu ng’yak pe gui hlat lawk khai.

ISAIAH 49:7

Israel ah theingcim ciah Khanpughi la hunbawi naw, chang gui naw ak nui ah ami päipih, chang pakhui gui naw ami thüi gen, uktu gui ah changshäm am a pyen nak cu; “Ghangpughang gui naw ning laut sak u ne, tho ne ami ning chang m’sui nak cu m’dang khai gui; Manghta gui naw phi cun cu hmu u neta, kawp ne ning chang m’sui khai gui.” Shin cu kya lawk khai, a i ah kyasei ci ung Bawipa naw a changshäm cu ghü pyi ci; Israel ah Theingcim ciah khanpughi naw a shaitak cu k’pank khek ci.

ISAIAH 66:23

Cha thai pawi püng la kyih nak hnüüp päng ung, pakhui päng ung ka chang gui cu shinung Jerusalem ah law ne, na khawihnah lawk khai gui,” cine Bawipa naw pyen ci!

EZEKIEL 20:34

Kei naw nangmi ka ning k’bum ba gui ung, na mi püipiang nak ah khopäng gui avan ungka ka ning law püi ba gui ung, kei naw ka huham la ka m’lungshe nak ka ning m’dang gui khai.

EZEKIEL 20:41

Kei naw nami püipiang nak ah khopäng gui ungka ning law püi ba gui ne atäng ah ka ning k’bum law ba gui ung, kei naw nami m’khih ah khawihnah nak cu ka ning dou pe gui khai, changpakhui gui naw kei ka Theingcim cu hmuk khai gui.

EZEKIEL 39:25

Uktu Bawipa naw pyen ci, “Cun ung phi tuhbäi, Jakob ah htangshon Israel gui cu kei naw ka chimgein gui khai, ka ng’bühmang ba sak gui khai. Kei naw ka ming theing cu ka shungvong khai.

DANIEL 11:45

Ani naw tuinu la Taigüim ah om nak ah khomhtung ah ng’lak ung mang im gui co khai. Cun ung phi ani cu m’htei tuk khai a u kä om sei, a cun ung sik khai.

ZEKHARIAH 8:7

Ka chang gui cu hteh püi ne ami om sak nak gui ah khaw ungka, ka gung gui khai nei.

ISAIAH 11:11

Cun ah hnüüp a gawk law ung, Bawipa naw a huham cu mang ba mä ne, Assiria la Egypt ung ami nawng shüt gui ah a chang gui cu law püi ba gui khai, Pathros khaw, Sudan khaw, Elam khaw, Babilonia khaw la Hamath khaw la tuiyung khaw gui la tuinu ah khawtang khaw gui ung om shüt ci gui ah kyak ci.

ISAIAH 43:6

Ami hteh sak gu vai ah a siiptäng cu ka pyen nak khai, a htum täng am phi kä ami ma nak gui vai ah ka pyen na gui khai. Ka chang gui cu a shou nak ah khaw ung ka, khomdek khan khaw nü ung ka law bu u sä.

JEREMIAH 31:6

Ngäng ciah Chang gui naw Ephraim m’htung ung om ne, “BAWIPA, mi khanpughi ah, Zion m’htung ah mi hang kai nei” cine ng’khü khai gui nei.”

MIKHAH 7:14

Bawipa, na ghü ah na chang gui cu, htoshäm ah mäih ah m’htei ba gui ä. Ngami cu bung puk ah om pang u sei phi, khaw ng’lei ni naw koi gui ci nei. Acau ka ah mäih ah ei ada nak ah Bashan la Kilead khaw ung hteh püi gui ne tu m’bei gui ä.