ISAIAH 27:12 - Cho Bible Common Language 2016

¹² Cun ah hnüüp ung, chang tumat naw htang ang shii ng’tak am chaa ah mäih ah, Euphratis tuinu ung ka naw Egypt khogii ung khüt khai ah Bawipa naw a chang gui cu tumat täi ah m’cut gui khai.

ISAIAH 27:12 Referans Kwoze

ATÜNNAK 15:18

Cun kawn ah Bawipa naw Abram ung thukhän bik ci. Ani naw, “Kei naw shai ka taak cu, shin ah khaw avan na htangshon gui am ka pe gui khai, cun cu Egypt khawgii ungka naw Euphratis tuinu ung khüt khai;

ISAIAH 56:8

Lik ciah Bawipa, a chang Israel gui omktu kho ak ka law püi ba gui ci naw, shai tak ci, a hei chang gui phi ngami ung ng’dawn law tuk khai gui ah law püi gui khai.

NEHEMIAH 1:9

Cun ung phi nanghmi cu kei ah ng’hlat law ba u ne, nangmi ung ka thumkhän cu nami bi ah a kyak ung, nangmi cu khomdek ah ak cawi ah khüt ne, nami püi pyang ung phi, kei nami na khawihnah nak vai ah kei naw ka ghü ah hmun ung, kei naw ka ning law püi ba gui khai nei.’

JOHAN 10:16

Shin ah chaam kyong ah kä lut law tu phak ciah a hei hto gui phi kei naw ka khäm ci, cun gui phi ka chum ba gui khai, ngami naw kang thu na ngai khai gui. Cun ah kyasei htomak tumat htoshäm tumat bäng ah kyak khai.

JOHAN 6:37

Kapa naw a na ap ah chang phung cu kei ah lawk khai gui. Kei ah lawk ciah chang phung cu a u phi kä ka m’hlat ba khai.

LUKA 15:4

“Nangmi ung kaa, chang tumat ung htome phiaa om ci ung kaa, tumat a maih ung a i ah kyak khai ang? Ani naw k’pawih ba ciah ko-kip-lei-ko cu khu ah li nak ah nawng gui shüt netah, maih ciah htome cu, kä ah hmuh ba pha ah chuih shui ba khai nei.

AMOS 9:9

“Kei naw thumkhän pe ne, Israel chang gui cu chüdawn ung htang chü ah mäih ah ka chü gui khai. Kä chang nak ci phung vai yawp vai ah changpakhui gui ah ng’lung ah ka chü gui khai.

JEREMIAH 3:14

“Kä bekhüt ciah chang gui, law ba vä, kei cu nami na ka nak ci nei. Kei naw gawnun päng ungka, tumat ci, pahta päng ung ka hnih ci ning la gui neta kei naw Zion m’htung ah ka ning hteit püi ba gui khai nei.

ISAIAH 17:6

Chang apihta bang k’pawih ba khai gui, Israel gui cu am theih avan kbih yawp kawn ah a pam ah pum goi thum hta om ba ciah dise kä cung aka ng’ban ung apihta am theih k’pawih ba ciah mäih ah kyak khai gui. Kei, Bawipa Israel khanpughi naw ka pyen nei.”

SAM 72:8

A uknak cu vangtäng tuinu ungka naw vangtäng tuinu ah khüt khai, Euphratis ungka naw kho cawi avan ung khüt khai.

SAM 68:22

Bawipa naw, “Kei naw Bashan ah ka nami gaa gui cu ka law püi ba gui khai; Tuinu li thuk ungka ngami cu ka khui ba gui khai,

ISAIAH 49:5

Kei kä ka ng’tüi pha ung Bawipa naw na m’düih pyi ci; A chang gui ka law püi ba khai ah ani naw a changshäm ah na pyang ci, püi pyang ciah Israel chang gui ka law püi ba gui khai. Bawipa naw m’tamkhah nak na pek ci; Ani cu ka thamah nak ah ang yung ah kyak ci.

JEREMIAH 44:28

Cun ung phi nangmi ungka chang api cu sih nak ungka laut ne Egypt ah ka Judah ah nami law ba khai. Cun kawn ah k’pawih ba ci gui naw kei ah ng’thu ang, ahei ah ng’thu ang abä ah hmat khai gui.

EZEKIEL 20:34

Kei naw nangmi ka ning k’bum ba gui ung, na mi püipiang nak ah khopäng gui avan ungka ka ning law püi ba gui ung, kei naw ka huham la ka m’lungshe nak ka ning m’dang gui khai.

EZEKIEL 20:41

Kei naw nami püipiang nak ah khopäng gui ungka ning law püi ba gui ne atäng ah ka ning k’bum law ba gui ung, kei naw nami m’khih ah khawihnah nak cu ka ning dou pe gui khai, changpakhui gui naw kei ka Theingcim cu hmuk khai gui.

EZEKIEL 39:25

Uktu Bawipa naw pyen ci, “Cun ung phi tuhbäi, Jakob ah htangshon Israel gui cu kei naw ka chimgein gui khai, ka ng’bühmang ba sak gui khai. Kei naw ka ming theing cu ka shungvong khai.

EZEKIEL 47:19

A htum täng khogi cu a htum-khei täng Tamar ungka naw Kadesh Meribah tui cüih, asiip-khei täng Egypt khogii k’täi ung hteit ne, Mediteranean Tuinu ung khüt ci.

ZEKHARIAH 8:7

Ka chang gui cu hteh püi ne ami om sak nak gui ah khaw ungka, ka gung gui khai nei.

JOSHUA 15:4

Azmon täng ah hteit ne, Egypt khawgii ah kyak ciah tuihta läk ne, Mediteranean tuinu ung khüt ci, acun ung khawgii khüt ci. Cun cu Judah khaw ah ahtum täng khawgii ah kyak ci.

1 GHANGPUGHANG GUI 8:65

Acun ah Taigüim ung Solomon la Israel chang gui ami van naw ng’yii nak ah pawi cu hnüüp chih ung bik ci gui. A cu ah chang akda läpläp cu a siiptäng ungka, Hamath khok’hteng, a i ah kyasei ci ung Bawipa naw a changshäm David la Israel chang gui am a pek gui ah hriham avan ah hmawk ah kyak ci.