ISAIAH 27:11 - Cho Bible Common Language 2016

¹¹ Sing ghing guiah ami ng’ban gui cü chawng ne hnet sei, hnumi gui naw mei ah cih vai ah lak ci gui nei. A i ah kyasei ci ung chang gui naw a i kä hmat ba ci gui, Tüisho gui ciah khanpughi naw kä m’gein gui khai, chimgein nak api phi kä m’dang gui ci.

ISAIAH 27:11 Referans Kwoze

JEREMIAH 8:7

Zong ciah khaw gui naw phi ami law ba nak vai ah akhin hmat ci gui. Müm gui, va m’chawng gui la ngamzawk gui naw phi ami lum nak vai ah akhin cu hmat ci gui. Cun ung phi ka chang gui, nangmi naw kei naw ka ning uknak gui ah thukhän cu kä nami hmat ci.

ISAIAH 44:24

“Kei cu Bawipa, nami Hunbawi nei; kei naw nangmi ka ning tüisho gui ci nei. Kei cu bawipa, apäng avan Tüisho ciah ka kyak ci nei. Kei ka mät bäng naw khan khaw cu ka k’phiaat ci nei; kei naw khomdek ka pyan yak ung a u naw kä na bawm ci nei.

ISAIAH 43:7

Ngami cu ka mät ah chang gui, ka bäimang nak law püi khai gui ah ka tüi sho gui ah kyak ci nei.”

ISAIAH 43:1

Israel gui aw, nangmi ning tüisho gui ciah Bawipa naw pyen ci nei, “Kä kyi en vä, kei naw ka ning hun gui khai nei. Kei naw nangmi ung ka ning khü gui khai nei. Nangmi cu ka ning chang gui nei.

ISAIAH 1:3

Seipat gui naw a u naw aka nak gui cu hmat ci gui, ng’sela gui naw ami mah naw a vuh gui mawng hmat ci gui. Cun gui cu ka chang Israel gui ah ta hmat pi ci gui nei. Ngami cu a i phi kä hmat ling ci gui” cik ci.

JAMES 2:13

Chimgein nak kä om te ciah chang ah khan ah, Khanpughi naw m’khoichaa nak abi hnüüp ung, chimgein nak kä m’dang khai nei, Cun ung phi m’khoichaa nak ah khan ah chimgein nak ah m’khütnäng nak om ci nei.

1 THESSALONIAN 2:16

Keimi naw hun nak ah mawng changpakhui hei gui-am ng’thu kami m’thein phi tha na ne na ma na gui ci gui. Cun ah ami kyak cu ang täi sei ami cheishoh nak ami kümbe sak nak ah kyak ci. Cun ah kiasei tuhbäi ak hnu ah Khanpughi ah m’lungshe nak cu ngami ah khan ah gawk pyi ci nei.

ROMAN 1:31

A mi om she yawp sei, ami shaitaak ah phi kä om ci gui, ami paw chang phi kä chimgein ci gui.

JOHAN 15:6

Kei ung kä om cicu k’set ne ghawh ah ang ban chawng ah mäih ah kiak ci. Chang gui naw cun ah ang ban chawng gui cu k’bum ne mei ung m’khih u seih, mei naw ui yawp ci.

MATTHE 13:19

Lam ung kya lawk ciah m’shi ci cu, Khankho uknak ah mawng ng’thu k’ni cu ng’yak tu lang ne phi, kä hmat ci awn täng ci. Ami m’lung kyong ung phu ah ng’thu m’shi cu, khoshe naw la ne hteh püi yawp ci.

MATTHE 13:15

A i ah kyasei ci ung, ami m’lung cu ang ne, amik hnga cu pang ne, ami mik cu m’shing ciah kyak ci. Ami mik m’dei ne ami hnga ng’lang sei, ami m’lung kyong awn hmuhmat u ne ami kyak vai sü ung, Kei lam ah ng’hlat law u ne, na yi hnei u sei, Kei naw phi kam gein gui khai süte,” cine Khanpughi naw pyein ci ciah kyak ci.

MATTHE 3:10

Sing ghing gui ah kung ah chuk nak vai ah ghei cu, m’shän pyii ah kyasei, akni ah kä m’theih ciah a ghing phung cu, chu pit ne mei ung k’bum yawp vai nei.

HOSEA 4:6

Kei ah ka chang gui cu ng’yiin ci gui. A i ah kyasei ci ung ngami naw kei cu a i ah kü na ngai ci gui. Nami taigü gui naw kei ami na shüm vai ah na ngai ci gui, kei ah m’theithang cu hnungtuk ci gui, acun ah kya sei, kei naw ning hnungtuk gui ne, nami hta gui cu ka taigü gui ah kä ka ngai gui khai.

EZEKIEL 20:47

Uktu Bawipa naw a pyen cu a htum täng ah bung naw ang yak vai ah m’thein ä: Teng ä! Kei naw mei ka m’khih ci nei, acun ah mei naw nang ung om ciah sing nü ak chiing ak chawng ui yawp khai nei. Cun cu a i naw kä m’shih hlawt ci. Cun cu a htum ah ka naw a siip ah khüt sei ng’phiah ne ui ci, cun ah mei m’lei ah angliing cu apäng ung gawk khai.

EZEKIEL 9:10

Cun ung phi kei naw ngami kä ka m’gein gui khai: ngami naw chang hei gui ah khan ah ami bi ah mäih ah ngah mi ah khan ah kei naw ka bik khai.”

JEREMIAH 4:22

Bawipa naw pyen ci, “Kei ah ka chang gui cu anglam ci gui; ngami naw kä na hmat ci gui. Ngami cu gu ciah a hmawhta gui ah mäih ah kyak ci gui; ngami ung hmuhmat nak kä om ci. Ngami cu akshekha bi nak ung bi thei aih ci gui, cun ung phi akni bi nak ung shum ci gui.

ISAIAH 44:2

Kei cu ning tüisho gui ciah Bawipa nei; Nangmi nami ng’tüi law yah ung kei naw ka ning m’htei htang gui ci. Kä nami kyih vai, nangmi cu ka changshäm, ka ghü ah chang, ka m’hni ah chang ah nami kyak ci.

ISAIAH 9:17

Cun ah kyasei Bawipa naw ak hmaw chang a u phi kä luat sak khai, a u hmeinu hmeihta ah khan ah phi m’gein nak kä m’dang khai, a I ah kyasei ci ung chang avan cu khanpughi kaa ah kya ne cheishoh u ne ami ng’thu phung cu akshe ah kyak ci. Cun ah kyasei Bawipa ah m’lungshe nak cu kä ng’pyi khai, ngami m’kyuk nak gui vaiah a kut cu ani naw shäng lä khai.

SAM 106:40

Cun ah kyasei Bawipa cu ak chang gui ah khan ah m’lungshe ne, m’shemshai na gui ci.

THULÄÄN NAK 4:6

Nangmi naw bekhüt ne nami läk vai. Acun naw nangmi a i hlawk ah nami cüivai cu changpakhui hei gui ung dang sak khai. Ngami naw shin ah thukhän avan ami ng’yak ah a kyak ung ngami naw pyen khai gui, Shin ah dämduh ciah pakhui ung a i hlawk ah cüivai nak la lunglang nak om lawk ci ang?”

ROMAN 1:28

Cun ah chang gui cu Khanpughi kä shüm hmat u khätah, Khanpughi naw shekat nak ung nawng gui sei, kä a khin kä ak khaa ah kya lawk ci gui.

ISAIAH 5:13

Cun ah kyasei nangmi cu thawng kyum ah ning hteh püi gui khai gui. Nami ng’vai gui cu cawi ne sik kaai gui, chang akda cu tui ah gha ne sik khai gui.

ISAIAH 18:5

Sapyit gui kä khäm pha ung, apai gui a van kiawi ne ang theih gui avan up khäta a ghing ungka ang ban gui cu khim awn a yäih hta ah tukpit ah mäih ah Sudan gui cu ga gui naw m’di khai gui nei!

JEREMIAH 11:16

Kei naw ngami cu a hnah khlum ne akiom ah amtheih awn be ciah Olive sing ah ka khü gui man cu, cun ung phi tuh bäi, khaw hmum kyeek ah mäih ah a hnah gui cu mei awn m’khih ne, ang ban gui cu ka cheiuh khai.

JEREMIAH 13:14

Kei naw ngami a hmaw ang vai, hlüng gui ng’khawng ne ami pazat ah mäih ah ka ci gui khai. A i chi hna nak m’gein sei chimgein nak naw phi ngami ka ngawn nak gui cu kä m’düm sak hlawt khai.”

JEREMIAH 16:5

“Nangmi cu thüi kyah nak ah im ung kä nami luh vai. A u ah phäh ah phi kä nami thüi sei vai. Kei naw ka chang gui cu deimdeeih nak awn hriham kä ka pe ba gui khai, m’hni nak la chimgein nak kä ka m’dang gui khai.

EZEKIEL 19:12

Cun ung phi m’lungshe ciah kut gui naw angzung ah mawi u ne, m’dek ung ghawt ci gui. Kiang khokhi naw am theih gui cu chawng sak ci. Angban gui gui cu hnget yawp ci; Cun gui cu chawng u sei, mei Awn m’khih ci gui.

HOSEA 4:14

Cun ung phi cun ah phäh ah kei naw kä ka m’kyuk gui ci. A i ah kyasei ci ung nangmi nami mät cu ngami awn atäng ah pawmyau nak Taigüim ah hteit u ne, khogam khawihnah nak cu atäng ah nami douthak ci. Thu thuuk naw a pyen cu, ‘Cüivainak kä om ciah chang gui cu dishum khai gui.’