ISAIAH 27:10 - Cho Bible Common Language 2016

¹⁰ Vongpang ah mang gaw gui cu di pyi ci nei. Cun cu chang ah kä om nak ah khong gau ah kya ci nei. Cun cu sei gui ah ami ng’düm nak, khu ami ei nak lah khyüksei vuh nak kya lawk ci nei.

ISAIAH 27:10 Referans Kwoze

ISAIAH 17:2

Siria mang gaw gui cu kho ng’län ung khokän ah kyak khai gui. Cun gui cu htome gui la seipat gui ah khu ei hmun ah kyak khai gui, cun gui cu a u naw kä k’täm gui hlawt khai.

MIKHAH 3:12

Cun ah nangmi ah om ah, Zion cu lai ah mäih ah thawn khai gui, Jerusalem ci di nak ah m’dek ng’plum ah kyak khai. Taigüim m’htung cu bung ah ng’lat khai.

JEREMIAH 26:18

Hezekiah cu Judah ghangpughang ah a kyak yah ung, moresheth ah ka prophet mikah naw chang gui avan a pyen nak gui cu, m’gäi ciah Bawipa naw pyen ci, ‘Zion cu lai ah mäih ah thawn khai gui, Jerusalem cu akshe gui oum ah kyak khai, Taigüim m’htung cu bung ah kyak khai.’

JEREMIAH 26:6

Nangmi naw k’täi ne kä nami ngaih ah a kyak ung kei naw shin ah Taigüim ah khan ah Shilon ung ka bi ah mäih ah ka bik khai, m’dek khan ung om ciah changpakhui avan naw shin ah mang gaw ah ming cu plah tam nak ah mang khai gui.”

ISAIAH 17:9

Cun ah hnüüp a gawk law ung, akni ah ami shungvong ah mang gaw gui cu khaw käu ah kya khasei nawng khai gui. Hivit gui la Amorit gui naw Israel chang gui ungka püipyang ah ne dawng u ne ami nawng shüt ah mang gaw gui ah mäih ah kyak khai gui.

EZEKIEL 36:4

Cun ah kyasei tuhbäi, kei uktu Bawipa naw ka pyen cu ngai vä, nangmi khomhtung gui la khogui gui, tuilawng gui la khongnawi gui naw di ciah kho hmun gui, la nangmi angveing ung pakhui gui avan naw guttep ne ami züihsha ah shiu ciah mang gaw gui.

NG’ÄI KYAH 5:18

A i ah kyasei ci ung Zion m’htung cu amät ng’yän ne, khaw ng’gau ah kyak ci. Cun ah dishum nak ung pya ui gui cu ng’hle ne ng’shui ci gui.

NG’ÄI KYAH 1:4

Theingcim ciah hnüüp ung khawihnah vai ah Taigü im ah tuhbäi a u phi kä lawk ci. Cun ung hnumi hta gui cu yaica ne ng’äi m’cu ci gui, Mang gaw m’kawt gui cu a ghawng ah ng’düi ci gui Zion cu omdam aih ci nei.

ISAIAH 64:10

Nang ah theingthap ciah mang gaw gui cu ng’kiang k’de ah mäih ah kyak ci; Jerusalem cu dishum ne shiu ci,

ISAIAH 25:2

Nangmi naw mang gaw gui cu di khai ah nami m’hlat ci, ami vongpang gui cu nami m’di ci. Kami ga gui naw ami cawh ah mang im gui cu khaw ng’län ung om ci nei.

ISAIAH 7:25

Geit kaw nak man ah khaw-gui avan cu ng’hling gui naw li shi sei, a u phi cu ah kä hteit ba khai. Sei gui la htome gui ah lum nak ah hmun ah kyak khai.”

ISAIAH 7:21

Cun ah khin a gawk law ung, lo bik ciah chang tumat ung pat hta tumat la me k’hnih bäng a om ba ung phi,

ISAIAH 32:19

(Cun ung phi k’pyama ah gäi nu gui ng’kia lawk khai, mang gaw cu ng’gäi khai.)

ISAIAH 35:1

Khaw ng’kiang khaw cu yeikyai khai, Bung puk ah cheipai gui pai khai.

ISAIAH 49:21

Cun ung na mät naw na mät na pyen khai, “Kei ah hmawk ah shin ah ah hmaw gui avan a u naw a hta nak gui ang? Kei ah hmaw gui si yawp pyi ci kya sei, kei ung ak hmaw kä om ba ci. Kei cu omk’tu khaw ah ami na k’täm nei. Shin ah ak hmaw gui a u naw a law püi ba gui ang? Kei ka mät bäng ami na nawng shüt nei. Shin ah a hmaw gui a hawi ka ang ami law ba?’ ”

JEREMIAH 52:27

Hamath khopäng ah hteh püi gui ci. Acu ah ghangpughang naw m’ghuih gui neta sih nak pe gui ci. Cun ah kyasei Judah chang gui ami khaw ung ka naw omktu khaw ah ami hteh püi gu ah kyak ci.

ISAIAH 24:10

Mang gaw kyong ah apäng avan cu piäi piah yawp ci, chang gui naw ami phiawn vai ah ami avan avai shah kyai ne ng’sheng ci gui.