ISAIAH 26:8 - Cho Bible Common Language 2016

⁸ Nang ah ng’yak hlü cu kami läk ci nei, nang ung ngaih u nak kami tak ci nei; keimi ah ng’yak hlü avan cu nang ah kyak ci nei.

ISAIAH 26:8 Referans Kwoze

ISAIAH 33:2

Bawipa, na chimgein gui ä. Keimi ah ngaih u nak nang ung om ci nei. A hnüüp tä na shungvong gui ä, khüi kha nak ah khin ung an hun gui ä.

SAM 65:6

Nang naw na thagui awn khomhtung gui cu k’süm ne, na hlüngtai nak cu na dang sak ci.

PHYAWN NAK 3:15

Kei, Bawipa, Ami pupa gui ah Khanpughi, Abraham, Isaak, Jakob ni ah Khanpughi naw, nangmi ah ana tüih law nei, cine Israel chang gui am na m’thein gui vai. Cun cu khonglän ung ka ming ah kyak ci. Cun cu ma lam ung hta ng’shon gui naw ami na khü vai ah kyak ci.

2 THESSALONIAN 3:5

Khanpughi ah am hni nak nami hmuhmat law pi vai la Bawi Khrit ah a kyum law nak ba vai m’lung sau awn nami ngäng nak vai ah Bawipa naw nangmi cu lam ning m’shüm gui sä.

ROMAN 8:25

Mikmi naw kä mi hmuh cu m’lung üp ne mi ngaih u ne, hnimgei nak awn mi ngäng ci.

LAMKTU 1:4

Ami ng’bum law yah ung Bawipa Jesuh naw, “Jerusalem ung ka kä na mi hteh cang vai, ka ning m’thein gui man ah Pa Khanpughi ah Shaitak cu na mi gin vai.

ISAIAH 56:1

Bawipa naw a chang gi pyen ah gui ci, “Düng ci la hman cicu bi vä, kei naw ka ning hun gui ge khai.

ISAIAH 25:9

Cun ah a kyak law hnüüp ung chang nü naw pyen khai, “Ani cu keimi ah khawpnghi nei! Ani keimi kami ngaih gep ci nei, ani naw na gung gui ci nei. Ani cu Bawipa nei! Ani ung keimi kami ngaih gep ci nei, tuhbäi keimi kami yeikyai lün lawi ci nei, a i ah kyasei ci ung ani naw keimi nah un gui pyi ci nei.

ISAIAH 12:4

Chang gui naw ng’äi ami mku nak vaiah hnüüp cu gawk lawk ci nei. “Bawipa cu m’hlüngtai vä! Na m’htei gui khai ah ani cu khü vä! Ani naw abilawh gui cu chang pakhui avan am m’thein vai! Ani a i hlawk ah a dämduh cu m’thein gui vä!

SOLOMON NG’Ä~ 5:8

Jerusalem hnumi, shaitak na pe ä kei naw ka m’hni ah chang cu nami hmuh ah akyak ung, kei cümbawng ne ka k’tha aken ah mawng nami m’thein vai nei.

SAM 106:3

A thumkhän läk ne, angtäi se ng’düng nak bik cicu yeikyai nak om ci nei.

SAM 84:2

A cun ung a i hlawk ah ka om hlük ci ang? Kei cu Bawipa ah Pum Im ungka om hlük ci nei. Ghing ciah Khanpughi ah ka ghin nak avan awn yei ne ng’äi ka m’cu ci nei.

SAM 73:25

Nang ah kawn ah khan kho ah kei ah hmawk ah a u om ne ang? Nang ka ning yak hlü ah mäih ah ka ng’yak hlü khomdek khan ah a i om ne ang?

SAM 18:23

Kei ung hma nak kä om ciah ani naw hmat ci, cun ah kyasei cheishoh nak kä om ciah ani naw hmat ci, cun ah kyasei cheishoh nak kä om khai ah ka m’htei ci.

2 SAMUEL 23:5

Shin cu Khanpughi naw ka hta ng’shon gui am a i cha ah hriham apek vai ah mawng ah kyak ci, a i ah kyasei ci ung ani naw ng’täi ciah thukhän cu kei ung bik ci nei, yum yawp nak cu kä ng’phyek khai, shai tak cu kä ng’thawng khai. Cun cu kei ah ng’yak hlü avan ah kyak ci; a cun cu kei ah näng nak ah kyak khai, Cun cu Khanpughi naw akcang ah law püi khai.

KHEI NAK 36:13

Shin gui cu Jerikho ungka naw Jordan Tuinu khan ne law nak Moab khaw dou ung Bawipa naw Israel chang gui am, Moses ung a pek ah thung la thungyo gui ah kyak ci.

LUKA 1:6

Ngani cu Khanpughi ah ng’yak hlü ah om ni ne, Bawipa ah thukhän shaitaak cun phi läk ci goi.

MALAKHI 4:4

“Ka changshäm Moses ah m’theithang cu nami shüm ba vai, cun cu Israel chang avan naw a läk vai ah Kei naw Sinai M’htung ah khan ah ka pek ah thukhän la thumkhän gui ah kyak ci.

MIKHAH 7:7

Cun ung phi kei naw Bawipa cu ka k’äih khai. M’lung theing awn Khanpughi cu ka ging khai, ani naw na hun khai, Khanpughi naw na ngaih pek khai.

ISAIAH 30:18

Cun ung phi Bawipa naw nangmi ning chimgein gui khai ah ning ngäng gui ci nei. Ani cu nangmi ning m’gein gui khai ah om ge ci nei, a i ah kyasei ci ung, a ni cu angtäi sei düngnak bik ciah kyak ci nei. Bawipa ung ngaih gep ciah chang gui cu yeikyai nak om ci nei.

SAM 130:5

Bawipa ah m’htei nak cu kei naw k’tha na ne, ka ging ci, ang thu ung ka zumhtek ci.

ISAIAH 24:15

Ak kyang tang ung om ci gui naw ani cu m’taam khai gui nei. Tuinu ah yung ung om ci gui naw Bawipa, Israel khanpughi cu m’taam khai gui nei.

ISAIAH 25:1

Bawipa, Nang cu ka ning khanpughi nei; kei naw ning chang m’sui ne na ming ka m’taam khai nei. Nang naw cäi vai gui na bik ci nei; Nang naw cäupui na m’hnüthbäi gui cu bekhüt ne na bi pyi ci nei.

ISAIAH 26:13

Bawipa, kami khanpughi, keimi cu chang a hei gui naw na uk gui ci nei, cun ung phi nang bang cu kami Bawipa ah na kya ci nei.

ISAIAH 49:23

Nangmi ah hmawk ah ghangpughang cu pa ah mäih ah kya ne, ghangpughangnu cu nu ah mäih ah kyak khai. Ngami naw nang ah ma ah kawp ne ning m’tamkhah khai gui; Ngami naw ami m’lung neim sak ne, ami ning changmsui nak cu m’dang khai gui. Cun kawn ah Kei, Bawipa ah ka kyak cu nang naw na hmat khai, kei naw ka m’htei vai ah na k’äih ci phung cu am’lung kä thüi khai.”

ISAIAH 51:4

“Na ngai vä, ka chang gui aw, kei naw a i ka pyen ah ngai vä; kei naw ka m’theithang gui cu chang pakhui gui am ka pek ci; kei ah ka thukhän gui naw akdei pe gui khai.

MIKHAH 4:5

Pakhui päng naw amät ah khanpughi khawihnah ne läk khai, cun ung phi keimi naw Bawipa kami Khanpughi angtäi sei khawihnah ne kami läk khai.

SAM 42:2

Ghing ciah Khanpughi, nang cu tui ah gha ne ka ning ging co ci nei. A i yah ung na ma ah hteit ne, ka ning khawihnah hlawt khai aw?