ISAIAH 26:7 - Cho Bible Common Language 2016

⁷ Bawipa, nang naw changni gui ah lam cu na ng’müi sak ci; Ngami ah lula nak ah lam cu na nep sak ci nei.

ISAIAH 26:7 Referans Kwoze

EPHESIAN 2:10

Bawi Khrit awn kawng ät ne, Khanpughi naw am hnüt bäi ah om k’ni nak ah mäih ah mi om ih vai ah, Khanpughi naw a na tüi sho gui ah kyak ci.

1 JOHAN 3:7

Ka htanau gui aw, a u naw kä ning yoshe-en ah gui sä! Bawi Khrit ang düngdau ah mäih ah düng nak bik ciah chang cu düngdau ci.

2 KORIN 1:12

Keimi ung m’lung ngaih theing awn khähghah nak vai tumat om ci, cun cu khodek khan ah ghin nak ung, ak tung pi ah, nangmi awn ng’khuihphaa nak ung chang ah cüivai nak awn ah kä kyak ciah Khanpughi ah hlüngtai ciah m’gein nak ung, Khanpughi ah na peit gui ah m’lung theing awn kami pawngpüi bilawh ah kyak ci.

ISAIAH 42:16

“Kei naw amik m’dauh ciah ka chang gui cu kä ami hteh nak man ah lam ung ka ng’khah püi gui khai. Ami mü hmüp nak cu akdei ah ka m’hlat khai, ghat ciah khaw cu ami ma ah ng’mi khai ah ka pyang khai. Shin gui cu kei ah shaitak ah kyak ci, kei naw kä chah ne ka k’pang khai.

1 JOHAN 3:10

Ashin ah mawng awn Khanpughi ah htanau la Khoshe ah htanau ah ng’lakmah nak cu ng’htei ne dang ci. Ng’düng nak kä om ciah chang, a phäinau kä m’hni ciah chang cu Khanpughi ah htanau ah kä kyak ci.

NG'THU K'THUUK~ 20:7

Dung ne om ne cang nak bi ci ami pa nak ung a hmaw gui cu ami khaw ding ci.

SAM 11:7

Bawipa cu düng ne düng ne bi nak cu m’hni ci; Düng ciah chang gui naw ani ah hmai cu hmuk khai gui.

1 KORIN 4:5

Bawipa ah akhin kä a gawk law pha ah chuih, nangmi naw a u phi kä nami m’khoichaa en ba vai. Bawipa a gawk law ung khüt sei ak hnubäih ah m’khoichaa nak cu nami gin vai. Bawipa naw akdei law püi ne, hmüp khui ung ng’yihkuh ci gui la chang gui ah m’lung kyong ung thuhthaw gui avan cu dang sak yawp khai. Cun kawn ah chang nüng nüng naw amät awn khin ciah Khanpughi ah m’hlüngtai nak cu gah khai.

ISAIAH 35:8

A cun ung lam ng’kiung nu om khai, cun cu “Theingcim khaw ah Hteh nak lam” ah pyen ci gui. Kat nak bik ciah chang phung cun ah lam ung kä hteit tuk khai; A u akgutak naw phi cun ah lam ung hteit cicu lam hma khai ah kä m’shüm khai.

SAM 1:6

Düng ciah chang gui cu Bawipa naw lam shüm gui ne, shungvong gui ci, Cun ung phi changshe gui ah hteh nak lam cu dimaih nak ung gawk khai.

JOB 31:6

Khanpughi naw ng’düng ciah nüt nak awn na nüt sä. Cun kawn ah kei, a i hawkcha ah changniah ka kyak cu ani naw hmuk k hai.

1 SHONTÄP NAK 29:17

Nang naw chang ah m’lung päng m’nüm ne, ni nak om ciah chang cu na yeikyai nak ci. Kei naw ng’düng nak la ni nak awn shin gui avan yum nak awn ka ning pek ci, na chang gui shin ung ng’bum lawk ci gui naw, khawihnah nak, nang ah ami law püi ah phäh ah a i hlawk ah ami yei cu kei naw ka hmuk ci nei.

ZEPHANIAH 3:5

Cun ung phi Bawipa cu mang gaw om sang ci, ang düng bang bik ci, akshe phung kä bik ci. A ngawi tä sei kä m’chüh en ah chang gui ah om nak ah taga nak cu law püi ci. Cung phi kä ng’düng ciah chang gui naw akshe bi vai k’pang u ne, kä ng’aa ci gui.

SAM 11:4

Bawipa cu a pum im theing ung om ci; Khankho ah amang kyang om ci. Ani naw chang gui ah om nak phung cu teng ne, ami bi law nü cu hmat ci.

SAM 25:4

O Bawipa na lam cu nam thein ä; na hmuh hmat sak ä.

SAM 25:5

Nang düng nak ung, na ng’yak ka hlü ah om vai ah na m’thei ä, Nang cu ka Khanpughi, na na hun ci, nang ung angtäi sei ka ng’ap ci nei.

SAM 27:11

Bawipa, na ng’yak hlü ka bi vai ah, nam thei ä, phyawn nak ah lam düng na m’shüm ä. Kei cu ka gaa da aih ci nei.

NG'THU K'THUUK~ 4:18

Düng ciah chang ah hteh nak ah lam cu hni pyü ah mäih ah kyak ci. Dei law pi pi ne hni a luh law güt ung khang ci.

ISAIAH 52:12

Tuhbäi ung ang ghit ah nami hteh tak vai kä hlü ci; nami phiawn vai ah nami tha nak vai kä hlü ci. Bawipa nami khanpughi naw lam ning m’shüm gui ne apäng ung ning shungvong gui khai.

ISAIAH 57:2

Akni ah om ciah chang gui cu dimdeeih nak hmu u ne, dinggei sei ng’düm ci gui.

JEREMIAH 10:23

Bawipa, a u naw amät ah mawng lam kä m’khüt ciah ka hmat ci nei; a u naw phi amät ah ghin nak cu kä k’pang hning ci nei.

HOSEA 14:9

Shin ung guk cu cüvai ciah chang gui naw hmuhmat u sä, Ami m’lung kyong ung tha u sä. Bawipa ah lam cu düng sä, Düng ciah chang gui naw acun gui läk ne ghing ci gui. Cun ung phi kat nak bik ciah chang gui cu ng’vawn ne kyuk ci gui. A i ah kyasei ci ung cun gui cu a i ah kä ami sui ah phäh ah kyak ci.

SAM 5:9

Kei ah ka ga gui ah thu ung bekhüt nak kä om phung ci; Ngami naw ah m’di hlü bäng ci gui. Ngami ah ng’thu cu ng’awi gi müi ne, hnip ci, Cun ung phi chang m’di nak ah hleei awn be ci.

NG'THU K'THUUK~ 3:6

Na bi nak päng ung Bawipa om ciah na shüm vai. Ani naw düng ciah lam ning m’shüm khai.

NG'THU K'THUUK~ 11:5

Düng nak naw changniah ghin nak cu bä sak pi ci. Cun ung phi chang shekha naw amät ah kiuk ng’tän nak vai bik ci.

NG'THU K'THUUK~ 21:8

Cheishoh ciah chang gui cu lam she ung hteit ci gui, katnak kä om ci gui naw hman ci bik ci gui.

ISAIAH 30:18

Cun ung phi Bawipa naw nangmi ning chimgein gui khai ah ning ngäng gui ci nei. Ani cu nangmi ning m’gein gui khai ah om ge ci nei, a i ah kyasei ci ung, a ni cu angtäi sei düngnak bik ciah kyak ci nei. Bawipa ung ngaih gep ciah chang gui cu yeikyai nak om ci nei.