ISAIAH 26:6 - Cho Bible Common Language 2016

⁶ Ami yawshe nak guicu tuhbäi a cun ah khan ah hteit u ne, ami khaw awn kai na ne, leh ci gui.

ISAIAH 26:6 Referans Kwoze

ROMAN 16:20

Mi dinggei nak ah ng’yung ah kyak ciah Khanpughi naw Satan cu ang ghit ah m’hnoi ne nami khophaa k’ka ah gawk sak khai nei. Mi Bawipa Jesuh ah m’geinsei nak cu nang mi ah khan ah om sä. (Am shah naw shin ah ca kyawng cu nawng shüt ci.)

LUKA 10:19

Ngai vä, nangmi-am m’khüt näng nak ka ning pe gui pyi ci nei. Am äm-ah k’phyu m’khaw gui la Satan khoshe ga nüng nüng nami m’khüt näng khai nei.

JOSHUA 10:24

Joshua ah ma ah law püi ci gui. Joshua naw Israel chang avan a pei ah khü gui neta, ani awn a täng ah hteh vai lawk ciah bawi gui cu, thukbäi gui sei, ghangpughang gui ah ami hnügawn khan ah ami khaw awn ng’leh ci gui. Ngami naw cun ah bik ci gui.

THU PHLAAN 2:26

Näng nak gah ne, kei ah ka ng’yak hlü ah khaw khüt sei om ciah chang-am Kapa ung ka gah ah huham cu ka pek khai. Cun ah huham cu, changpakhui avan m’si k’hteipawng awn uk gui ne, m’sitawn awn m’dek k’am thah gep ah mäih ah dep nak ah kyak ci. Kei naw ngami-am thaihke aisi phi ka pe gui khai nei.

JAMES 2:5

Ngai vä phäi nau gui aw! Khanpughi naw ani m’hni ci gui ah khan ah a shaitaak ah mäih ah, yum nak ung bühmang vai la Khanpughi ah uknak kho khäm vai ah, pyamtham ci gui cu, ghü gui ci nei.

1 KORIN 1:26

Phäinau gui aw, nami mät Khanpughi naw a ning khü gui ah mawng cu nami ngaih-tüh ba vai nei. Hnicim chang ah hmuh nak ung, nang mi cu, hmulmatciah chang, hlüngtai ciah chang, a pakhui küikyang ciah chang kä nami da ci.

MALAKHI 4:3

Cun ah hnüüp ung kei ka hnün thawh law ung, changshe gui cu nami näng gui khai, ngami cu nami khopha kaa ah m’vut ah mäih ah kyak khai gui.

ZEPHANIAH 3:11

Cun sangung nang ka chang gui cu kei nami na hnungtuk püi ah phäh ah kä nami ng’aa ba khai. Chang ah ng’shei ne m’ghämce ci phung cu ka k’täm khai. Nangmi naw Ka m’htung theing ung kä nami na hnungtuk ba püi khai.

DANIEL 7:27

Khomdek khan ung uknak khaw avan ah huham la dämduh nak cu hlüngtai ciah Khanpughi ah chang gui am pe gui khai gui. Ngami ah bawimang huham cu kä ng’pyi hlawt khai, Khomdekkhan ung uktu avan naw ngami ah bii bi u ne, läk gui khai gui.”

JEREMIAH 50:45

Babilon mang gaw hnungtuk vai ah kei naw ka pawng püi la achang gui ah khan ah bi vai ah kei naw ka pawng püi cu ngai vä. Ami hta nau gui cu saw kaih gui khai gui, chang nü cu kyi kyawk khai.

ISAIAH 60:14

Nangmi ning shedam na gui ciah ami hta gui cu law u ne, kawp u ne ami ning changsui nak m’dang khai gui nei. Acau ning päipih man ci gui ami van naw na khaw peiah law ne ning khawihnah khai gui nei. Ngami naw nang cu, ‘Bawipa ah mang Gaw’ ah ning khü khai gui nei. ‘Zion, Theingcim ciah Israel khanpughi ah mang gaw’ cik khai gui nei.

ISAIAH 37:25

Nang naw akhaw hei khaw ung tui shawk ne, tui na awk ciah pyen ne, na gakap gui naw ami khaw awn nile tuinu kawi khai ah leh ci gui ah pyen ne, na khähghah ci nei.

ISAIAH 25:10

Bawipa naw Zion m’htung cu shungvong khai, cun ung phi Moab chang gui cu eek-shin ung htang gongchawng leh m’hnep ah mäih ah the m’hnep gui khai.

ISAIAH 3:15

Nangmi ung ka chang nami dep nak vai la dukhaih ciah khan ah nami eiawk nak vai ah amawng kä om ci. Kei, Avan Uk ne M’gäi ciah Bawipa naw ka pyen nei.”

THU PHLAAN 3:9

Ngai vä! Keimi cu Jew chang nei cine hleei ci gui ah Satan ah chang gui cu na khaw kaa ah kawp ne ka ng’phah sak gui khai. Kei naw ka ning m’hni gui cu ami van naw hmat khai gui.

ISAIAH 3:14

Bawipa naw a chang gui ah ami ng’vaihta gui la a ghi gham gui cu ng’thumcha nak ah law püi ci. Ani naw shin ah k’bün nak bik ci: “Nangmi naw sapyitlo gui cu nami guttep ci, nami im cu dukhaih ciah ka, nami guh pek ah khawh awn be ci nei.

ISAIAH 11:4

Ani naw dukhaih ci gui cu nik khai ah m’khoi m’cha gui ne. Am gein kaa gui cu shungvong gui khai. Ani naw ang thukhäm awn chang gui cu m’kyuk gui khai, changshe gui cu sik khai gui.

ISAIAH 28:3

Cun ah awktat ciah ang vai gui ah chang ah ng’shei nak cu khaw awn kahta na ne kai nak khai gui.

ISAIAH 29:19

Dukhaih ci la zu ng’zeim ciah chang gui naw, Bawipa, Israel gui ah theingcim ciah khanpughi naw a pek ah yeikyai nak cu hmuk ba mä khai gui.

2 GHANGPUGHANG GUI 9:33

Jehu naw ngami am, “Yuk cha law vä!” cik ci. Ngami naw yuk cha law u khäta, k’pang ung ni, ng’se gui ah khan ni ah asi ng’phyuh ci. Ani ah a pum ah khan ah Jehu naw ng’se gui la yatha awn kai na neta,