ISAIAH 26:5 - Cho Bible Common Language 2016

⁵ Chang ah ng’shei ci gui cu ani naw yuk neim sak gui ne; khäng ciah mang gaw, ngami ah om nak cu m’di ne, acun ah vongpang gui cu m’vut khui ung yuk chah ci.

ISAIAH 26:5 Referans Kwoze

THU PHLAAN 18:2

Ani naw m’lau ne Babilon mang gaw cu di pyi ci nei! Di pyi ci nei! Cun ah gawnu cu khawshe gui, mumchashe gui ah om nak, shemshai ciah khoshe gui ah ng’yi nak ah kyak ci nei.

JEREMIAH 51:37

Cun ah khopäng cu di ne ng’pum khai, khisa gui ah om nak ah kyak khai. Cun cu ten gung kyihkyawk vai kya ne, a cun ung a u phi kä om khai, cun hmuk ciah chang avan cu cäicat khai gui.

JEREMIAH 51:64

Cun kawn ah na pyen vai, ‘Shin cu Babilon ah khan ah gawk lawk khai ah amawng nei — Cun cu hniim ne, kä phong law bap hung khai, a i ah kyasei ci ung cun cu ani ah khan ah Bawipa a law püi vai ah dishum nak ah a kyak ah phäh ah kyak ci.’” Jeremiah ah ng’thu cu shin ung ng’pyi ci.

ISAIAH 13:11

Bawipa naw pyen ci, “Kei naw m’dek khan ung leigai ka law püi khai, changshe gui ami van ami katnak ah phäh ah m’kyuk gui vai. Chang ah ng’shei ci pang kei naw ka yung neim sak khai, m’gäi m’cik ciah chang pang cu ka m’kyuk khai.

ISAIAH 47:1

Bawipa naw pyen ci, “Babilon, na mang kiang ung ka kyum law ne, m’dek khan ah m’vut ung ngo ä. Ayanä nang cu ng’lami hta ah mäih ah a u naw kä a tuk man ah mang gaw ah na kyak ci, Cun ung phi nang cu kä na awigi hniphnoi ba ci! Tuhbäi nang cu khlei-htein ah na kyak ci!

ISAIAH 32:19

(Cun ung phi k’pyama ah gäi nu gui ng’kia lawk khai, mang gaw cu ng’gäi khai.)

ISAIAH 14:13

Nang naw khankhaw ah hang kai ne, akhlüng pikbäih ah aisi gui ah khan ah na mangkiang k’süm vai ah nakbäi te ci. Khan pughi gui ah ami ng’bum nak a siiptäng khomhtung ung ghangpughang ah mäih ah ngoh vai ah nang naw na ngai te ci.

ISAIAH 2:12

A cu hnüüp ung m’gäi ciah Bawipa naw huham mah ci phung. Chang ah ng’shei ne, chang klom ci phung yuk buh khai nei.

SAM 79:8

Kami pupa gui ah kat ah hmawk ah kä na m’kyuk en gui ä. Tuhbäi nak chimgein gui ä; kami ngaih u nak maih yawp ci nei.

ISAIAH 25:2

Nangmi naw mang gaw gui cu di khai ah nami m’hlat ci, ami vongpang gui cu nami m’di ci. Kami ga gui naw ami cawh ah mang im gui cu khaw ng’län ung om ci nei.

NG’ÄI KYAH 2:2

Bawipa naw Judah khaw ah pigaw päng cu amgein kaa ah m’di gui ci.

EZEKIEL 26:11

Ng’se cuum ciah ami chang gui naw nami lam gui kan u ne, ami khimsem awn nami chang gui cu ngawn khai gui. Bä ciah nami lungtung gui cu m’dek ung kiuk khai gui.

ISAIAH 24:10

Mang gaw kyong ah apäng avan cu piäi piah yawp ci, chang gui naw ami phiawn vai ah ami avan avai shah kyai ne ng’sheng ci gui.

EZEKIEL 28:17

Nang cu na kyom nak awn na khähghah ci, na ming thang nak naw akgu ah mäih ah ning hnün thawh sak ci. Acun ah phäh ah kei naw nang cu m’dek ung ning chah ne, ahei ghangpughang gui ah phäh ah ng’thu bäi ah kyak khai ah ka ning nawng ci.