ISAIAH 26:3 - Cho Bible Common Language 2016

³ Ami ng’bünak htek sei k’pang ne nang ung ami ngaih gep ci gui am. Nang, Bawipa naw kümbe ciah dimdeeih nak na pek ci nei.

ISAIAH 26:3 Referans Kwoze

PHILIPPIAN 4:7

Cun ah nami bi ung, hnicim chang naw ngaitüh ne kä k’phaa ah Khanpughi ah dimdeeih nak naw, Bawi Khrit Jesuh ung nami kawng ät nak awn, nami m’lung la nami ngaih avan cu ning m’htei gui khai nei.

JOHAN 16:33

Nangmi cu kei awn nami kawng ät nak awn, dimdeeih nak nami gah vai ah shin ah ng’thu ka pyein ah kyak ci. Nangmi cu m’dek khan naw ning yaica sak gui khai. Cun ung phi nami m’gäi vai nei, kei naw m’dek khan cu ka näng pyi ci” cine pyein ci.

JOHAN 14:27

“Kei naw dimdeeih nak ka ning nawng pe gui shüt ci, kei ah dimdeeih nak nangmi am ka ning pe gui ci. M’dek chang gui ah peit ah mäih ah ka ning peit gui ah kä kyak ci, kä ng’ä ai vä, kä kyikyawk vä.

SAM 9:10

Bawipa, ning hmat ci gui cu, ng’ap lawk khai gui nei; Nang ah lawk ci a u phi nang naw kä na ma nak ci nei.

ROMAN 5:1

Tuk bäi mikmi cu mi yum nak awn Khanpughi ung mi ng’düng pyi ci kya ne, mi Bawipa Jesuh Khrit awn Khanpughi ah ma ah dimdeeih nak cu mi gah ci.

ISAIAH 31:1

Egypt khaw ah ami m’htei htang vai ah hteit ci gui cu ng’ziin ci gui! Ngami cu Egypt ah dämduh aih ciah ga k’tha mah nak-ng’sela gui, yatha gui, la gakap gui ung ng’khüng ci gui. Cun ung phi ngami cu Bawipa, Theingcim ciah Israel khanpughi ung kä ng’khüng ci gui, am htei htang gui vai ah kä k’thäh ci gui.

MIKHAH 5:5

Ani naw dimdeeih nak law püi khai. Assirian gui naw khaw ami tuk law ung, mi ng’vong chaam ami m’shet law ung, keimi naw gai pi ciah kami ng’vai gui tüi ne kami tuk sak khai.

2 SHONTÄP NAK 16:8

Sudam gui la Lybian gui cu yatha gui la ng’se ng’cum ci akda awn dämduh ciah gakap ah kä kya u ne ang? Cun ung phi nang naw Bawipa cu ng’ge ng’pai püi ci sei, ngami ah khan ah näng nak ning pek ci nei.

2 SHONTÄP NAK 13:18

Cun ah kyasei Judah chang gui naw Israel gui ah khan ah näng nak gah ci gui, a i ah kyasei ci ung ngami naw ami pupa gui ah Khanpughi Bawipa ami ngaih u ah phäh ah kyak ci.

1 SHONTÄP NAK 5:20

Ngami naw ami Khanpughi ngaih u u ne, am hteihtang gui vai ah taigü ci gui, Khanpughi naw ami taigü ngaih pe gui ne, Hakrit gui la ami khochang gui ah khan ah näng na pe gui ci.

ISAIAH 48:2

Nangmi naw nami mät cu theing cim ciah mang gaw chang gui ah nami pyen ci, m’gäi ciah Bawipa ming nak ciah Israel khanpughi nami ngaih u ciah pyen ne nami khäh ghah ci.

ISAIAH 50:1

Bawipa naw pyen ci, “Pami tumat naw akchu ang chaa püi ah mäih ah, kei naw ka chang gui a hei ah ka tüi gui ciah nami ngai ne ma? Cun ung ng’chaa nak ah ca a hawi ang? Chang tumat naw a hta gui khlei htei ah a yoih gui ah mäih ah, nangmi cu chang pha ah ka ning yoi gui ciah nami ngai ne ma? Nangmi nami katnak ah phäh ah pha ne ami ning hteh püi gui ah kyak ci; Nami cawi m’sa ah phäh ah ami ning k’täm gui ah kyak ci.

SAM 119:165

Na thukhän m’hni ci gui ung kümbe ciah ngaih gep nak om ci, Ngami yu ng’kyak sak gui khai a i phi kä om ci.

ISAIAH 12:2

Khanpughi cu kei ah hunbawi nei, kei naw ani ka ngaih u khai, kä ka kyik khai, Bawipa naw huham la k’thagui na pek ci; Ani cu kei ah hunbawi nei.

ISAIAH 26:12

Nang naw bühmang nak na na pe gui khai nei, BAWIPA; keimi ah m’khüt näng nak phung cu, nang ah bilawk ah ng’dang nak ah kyak ci nei.

ISAIAH 27:5

Cun ung phi ka chang gui ah ami ga gui naw, kei ah shungvong nak ami m’hni al a kyak ung, kei awn dimdeeih nak bi sak gui vä. Ä, kei awn dimdeeih nak bi sak gui vä.”

ISAIAH 32:18

Khanpughi ah chang gui cu ng’ä ai nak phiawn nak khai gui, ami cin kyong dimdeeih ne phyawng m’hteim khai.

ISAIAH 42:6

“Kei, Bawipa, naw ning khü ne huham ka ning pek ci, khomdek khan ung taga ciah bi cu nami hmuh vai ah iak ci. Nang ung chang avan awn thukhän ka bik khai; Nang ung pakhui gui ah phah ah akdei ka law püikhai.

ISAIAH 42:19

Kei ah changshäm ah ta amik mü tuba ci, a u om ne ang? Ka tüih law ah ng’shächang ah ta ak hnga pang tu ba ci, a u om ne ang?

ISAIAH 49:8

Bawipa naw a chang gui pyen na gui ci, “Nangmi ning bü nak gui vai ah khin a gawk law ung, nangmi am hmai kiang nak ning m’dang gui ne, ning m’htei gui vai ah nami kyah cu ka ning m’shang gui khai. Kei naw ngäng ne ka ning shungvong gui khai, chang van ah phäh ah nangmi awn thukhän ka bik khai. Tuhbäi didap ciah nami kho ung kei naw ka ning om ba sak gui khai.

ISAIAH 66:12

Bawipa naw pyen ci, “Kei naw kä ng’pyi hlawt ciah bühmang nak cu ka ning thak law gui khai nei; kä kawi hlawt ciah tuinu ah mäih ah chang pakhui gui ah khawh chan cu nangmi ung long lawk khai nei. Nangmi cu, anu naw m’hni ne, a kut awn k’pawnm ne, am htei htang ah a hmaw hta ah mäih ah nami kyak khai nei.

DANIEL 3:17

Keimi naw kami khawihnah ah Khanpughi naw, mei caang ung la nang ah huhma ung, ana hun gui hning ung na hun gui khai nei.

DANIEL 3:28

Ghangpughang naw, “Shadrak, Meshak la Abedneko ah Khanpughi cu m’hlüngtai vai ani naw a khanchang tüi law ne, ani ah bii bi ne, ani ung ng’ap ciah shin ah chang gui cu gung gui ci nei. Ngami naw kei ah thu ka ngai u ne, ami mät ah Khanpughi ah kawn ah, ahei khanpughi khawihnah ne ami m’khuk dong nak vaisü ung, ami ghin nak pek ci gui nei.

DANIEL 6:23

Ghangpughang cu yei aih neta, Daniela cu khui ungka ami yu so tuba vai ah ng’thu k’bäi ci. Cun ah kyasei ani cu yu so tuba ci gui. Ani cu Khanpughi ung ng’ap ciah kya ne, api ah phi kä leimbai sei hmuk ci gui.

SAM 125:1

Bawipa ung zumhtek ciah chang gui cu kä thüng ne, kä ng’nawn ng’heng ciah Zion m’htüngtai ah mäih ah kyak ci gui.

ISAIAH 32:17

A i ah kyasei ci ung akehang sing naw düng nak cu bik khai, dimdeeih nak la ngaih gep nak cu angtäi sei om khai.

ISAIAH 50:10

Bawipa m’tamkhah ci gui, a changshäm ah ng’thu läk ci gui avan, nami hteh nak ah lam cu akcang ah hmüp khai nei. Cun ung phi Bawipa ung ng’ap vä, khanpughi ung khäng hteh vä.

JEREMIAH 39:18

Kei naw ka ning phiawn sak gui khai, nangmi cu sih nak kä ning pe gui khai gui. Nangmi cu nami hnun gui phyawng khai, a I ah kyasei ci ung nang mi naw kei nami na ngaih a ci. Kei, Bawipa naw ka pyen nei.”