ISAIAH 26:20 - Cho Bible Common Language 2016

²⁰ Ka chang gui aw, nami im kyong ah lut ba vä, nami shoh khai vä. Khanpughi ah m’lungshe nak ang pyi güt akhäng hta nami ng’thuh cang vai nei.

ISAIAH 26:20 Referans Kwoze

SAM 30:5

A m’lung she nak cu a shäng hta ah kya ci, ani nak cu ghin ah chuih khäng ci. Mü ah ng’phli tui li ci, cun ung phi kho ngawi ah yeikyai nak gawk law ba ci.

SAM 27:5

Geinvai yah ung ani naw a im ung na ng’yii sak ne; pum im kyong ah phyawn vai ah na thup ci, hlüng ciah lung tung khan ah na taih ne na phyawn ci.

MATTHE 6:6

Cun ah kyasei nangmi cu na mi taigü ung, kyong ah lut ba ne shoh khai netah, mik awn kä hmuh ah nami pa ah nami taigü vai. Kä dang khai ah bi cu hmuh thei ciah nami pa naw m’cümhnah nak ning pe gui khai.

SAM 91:4

Ani naw ang phiaa awn ning küm gui sei, ani ah m’htei nak ung, nangmi cu nami phyawng khai; Ani ah bekhüt nak naw ning shung ne ning vong gui khai.

NG'THU K'THUUK~ 18:10

Bawipa cu khänghtek ciah tänghän ah kyak ci. A cu ah dung ciah chang gui hteit u ne phyawng m’htein ci gui.

SAM 17:8

Na mik cang awn na tengkhen ä; na ng’phia hniim ung na thup ä,

2 KORIN 4:17

Keimi naw a shäng ak yaang ah kami aut ah yaica nak naw cun ah hlüngtai pi ciah angtäi sei bämang nak cu na gah sak gui khai nei.

ISAIAH 10:25

Nangmi ka ning m’kyuk nak gui ang pyi hta vai am, kei naw ngami cu ka m’di gui khai.

SAM 32:7

Nang cu ka ng’thuh nak ah na kyak ci; Nang naw khüikhai nak ung na na hun khai; Na hun nak ah mawng m’lau ne ng’äi ka m’cu khai, cun cu na na shungvong ah hmawk ah kyak ci.

ISAIAH 51:4

“Na ngai vä, ka chang gui aw, kei naw a i ka pyen ah ngai vä; kei naw ka m’theithang gui cu chang pakhui gui am ka pek ci; kei ah ka thukhän gui naw akdei pe gui khai.

SAM 91:1

Phyawn vai ah Bawipa ah hteit ci phung, Am’gäi ah shung vong nak ung om ci phung naw, ama ah

SAM 31:20

Ngami cu chang gui ah cicum nak ung la ga gui ah bi nak ung phyawng khai gui ah nang naw ng’yii nak ung na thup gui ci.

EZEKIEL 11:16

“Tuhbäi kei nae pyen gui cu name paw gui omktu gui am m’thein tu gui vä. Kei cu ngami ashou nak ah khaw ah om khai gui ah tüi gui ne khopäng ahei yung ah püi sak gui ciah ka kyak ci nei. Cun ung phi, akhin a gawk law ung, ngami ami gawk nak ah khaw ung kei naw atäng ah ka om püi gui khai nei.

ISAIAH 51:16

Kei naw khan khaw gui cu ka k’phiäih ci, khomdek ah ng’nei phi ka pyan ci; Jerusalem cu ka pyen nak ci, “Nang cu ka ning chang nei!” kei naw ka m’thei thang gui cu ka ning pek ci, ka kut awn ka ning shungvong ci.”

SAM 143:9

Bawipa, na na shungshet vai ah ka lawk ci nei; ka ga gui ah kut ung na gung ä.

SAM 57:1

Kei cu na m’gein ä, Khanpughi, na m’gein ä, phyawn nak gah vai ah ka lawk ci nei. Pui khokhi kä a ng’düm pha ah chuih na ng’phya hnim ka ah ka ng’yii ci nei.

ATÜNNAK 7:1

Bawipa naw Noah am, “Na Chu, na hta avan luh püi ne htinpaw im kyong ah na luh vai nei, khomdek khan ung düng ciah chang nang bäng ka hmuk ci nei.

JEREMIAH 31:14

Kei naw taigü gui cu ei akni pi awn be sak gui ne, ka chang gui ung hlü ci gui avan cu Kei, Bawipa naw ka pyen nei.”

MATTHE 23:37

“Aw Jerusalem! nang naw profet gui cu ngawn ne Khanpughi ah ng’shä tüih gui cu lung awn na vawi ci nei, ainu naw ang phiaa awn aihta gui ak boop gui ah mäih ah nak chang gui kei naw ka kut ng’hnim ung ka koi nak gui cu sho law aih ci nei, cun ung phi nang naw kei cu kä na na dou ci.

JEREMIAH 7:23

Cun ung phi ka ng’thu ami ngaih vai ah ka thumkhän gui ci, cun ah kyasei kei cu ngami ah Khanpughi ah ka kyak ci, ngami cu kei ah chang ah kyak khai gui. Kei naw kei ah ka thumkhän ah mäih ah ami om vai ah ja pyen ah gui ci, cun un apäng avan cu akni ah kyak khai.

JOB 14:13

Sih nak ah kho ungka a na thuh vai ah ka ng’ya hlük ci nei; na m’lungshe nak kä ang pyi pha ah chuih na ng’thuh sak ä. Na na shüm nak ba vai ah akhin phi nak bäi pe ä.

NG'THU K'THUUK~ 22:3

Langkha ciah chang naw khüikha nak a gawk law cu hmu ne hlawi ci. Cun ung phi a i kä ngaih-tüh thei ciah chang cu acun ah ng’lung ah hteit ne lut ci, akawn ah ng’yu ba ci.

ISAIAH 10:5

Bawipa naw, “Assiria gui! Kei naw Assiria gui cu, kei naw ka m’lungshe nak gui m’kyuk nak gui vai ah thah htung ah ka mang gui ci nei.

ISAIAH 13:5

Ngami cu khomdek ah ak cawi, shounn ciah-khopäng gui ah ka lawk ci gui nei. Bawipa naw am lungshe nak awn khaw avan cu m’dishum vai ah lawk ci nei.

ISAIAH 34:2

Bawipa cu chang pakhui avan la ami gakap gui avan ah khan ah m’lungshe ci nei. Ani naw m’di gui vai ah m’kyuk gui ci nei.

ISAIAH 66:14

A cun nangmi naw nami hmuh ung nangmi cu nami yei khai; a cun naw nang mi ning khüi ghat, ning gai gawng sak gui khai. Cun kawn ah nangmi naw nami hmat khai, kei cu Bawipa nei, na ngai ciah chang ka m’htei ci, ka ga gui hnung’tuk püi ne ka m’lungshe nak ka m’dang ci.”

DANIEL 11:36

“Siria ghangpughang naw amät ah m’hni ah bik khai. Ani cu khanpughi nü ah dämduh pi ne, hlüngtai ciah Khanpughi ah phi bämcam pi ciah pyen ne khähghah khai. Ani naw Khanpughi naw am kyuk ah khin ung khüt sei, a cun ah bik khai. Khanpughi naw a pawng püi ah mäih ah akcang ah bik khai.

ZEPHANIAH 2:3

Am lung neim ciah khaw chang gui ah ng’thu läk ciah chang avan Bawipa ah ng’hlat law vä. Düng ci bi ne Bawipa ah ma ah nami m’lung neim sak vä. Bawipa ah am lungshe nak ah khaw hnüüp ung nami phyawn nak vai om ei hman khai nei.

SAM 57:2

Ak hlüngtai pi bäih, Khanpughi ah ka ng’khü ci, ka ng’yak hlü päng, na k’be ciah Khanpughi ah.

SAM 94:13

Khüikha yah ung düm nak na pek ci, changshe gui pha nak vai khui kä cawh pha ah chuih,