ISAIAH 26:2 - Cho Bible Common Language 2016

² Mang gaw m’kawt gui hmawng vä, bekhüt ciah pakhui luh sak vä, cun ah pakhui cu düng nak bik ciah kya sä.

ISAIAH 26:2 Referans Kwoze

THU PHLAAN 5:9

ami m’cu ah ng’äi k’thai cu; “Nang cu shin ah ca k’chaw la ne, M’Hnüt nak gui khawk ne k’phian khai ah na khin ci nei, Nang cu ami ning ngawn nak la küikyan khai ah Na sih nak awn, khaw nüng ung thu a hlü hlü ah ng’thu ciah, Chang pakhui, ng’shon law phung cu, Khanpughi ah hmawk ah Na khleih ci nei.

SAM 118:20

Shin cu Bawipa ah ng’vong m’kawt nei; düng ciah chang gui bäng lut hlawt ci gui nei.

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

ISAIAH 60:11

Amü a hnüp nami m’kawt cu ng’hmawng khai, cun ah kyasei chang pakhui gui ah ghangpughang gui naw, ami khawh cham cu ning thak law gui khai gui.

ISAIAH 62:10

Jerusalem chang gui, mang gaw ah k’pung ah hteit u ne, law ba khai gui ah nami chang gui ah phäh ah lam co ne pyang vä! Lam k’cawh nu pyang vä; lung gui nawt heng vä! M’hnüt nak ah alan cu hleek vä, cun ung chang pakhui gui naw hmat khai gui,

ISAIAH 62:2

Jerusalemung chang pakhui gui naw nang ah näng nak cu hmuk khai gui! Ami ghangpughang van naw na hlüngtainak cu hmuk khai gui. Nang cu ming akthai awn ni ng’khü khai gui, cun ah ming cu Bawipa amät naw aning pek ah ming ah kyak ci nei.

LAMKTU 2:47

Ngah mi cu Khanpughi m’hlüng m’tai u neh chang ah ng’lung ah mik hmai kiang seih om ci gui. Khanpughi naw ak hnüüp tä seih hun nak gah ci gui cu da law sak gui ci.

ISAIAH 60:21

Na chang gui ami van naw hman cicu bik khai gui, ngami naw kho cu angtäi sei khäm khai gui. Ka dämduh nak ng’thu m’than nak ah geit kaw gui ne ka piamtham gui ci nei.

ISAIAH 54:14

Taga nak la düng nak naw nang cu ning khüi ghaat sak khai. Shedam nak la kyihkyawk nak ung nang cu na phyawng khai.

SAM 106:5

Na chang gui ah bä mang cu na hmuk sak ä, Na pakhui ah yeikyai nak cu na k’pai toä, cun ung nang ah shon lam ung kei ka ng’häh leh khai nei.

PHYAWN NAK 19:6

Kei bäng ung ng’ap ciah nami kyak khai. Nangmi cu taigü ah kya ne ka khuut nami bik khai” cik ci.

THU PHLAAN 21:24

Chang ah hta avan cu cun ah mang gaw ah akdei ung hteit-hton khai gui. M’dek ah khan ghangpughang gui naw ami ng’bühmang nak cu cun ah mang gaw ah law püi khai gui.

ZEKHARIAH 8:20

Hlüngtai ciah Bawipa naw, “A mang gaw päng ungka chang gui Jerusalem ah ami ng’bum law nak vai ah, a khin cu gawk lawk ci nei.

ISAIAH 58:8

“Cun ung kei ah bämang nak cu ngawi thaih hni pyü ah mäih ah na khan ah ng’shü sei, na nat nak gui a van cu ang ghit ah khan khai nei. Kei naw ungtäi sei ning om püi gui ne ka ning hungui ci; kei ah ka naw apäng avan ung ning shungvong gui khai.

JUDE 1:3

Kam’hni ah Teihpüi gui aw, kei naw nangmi am mi van naw yum ne mi dou ah hun nak ah mawng, ca ka ning guk gui vai ah ka k’tha na te ci. Cun ung phi Khanpughi naw ak chang gui am m’khäm ne a ap gui ah yum nak cu khäng htek khai ah nami ghunkhawn vai ah ang ghit ah ca gu ne, nangmi am k’thagui ning peit gui vai cu hlü lawk ci.

2 PETER 3:13

Cun ung phi Khanpughi ah shaitaak ah ng’düng nak ah hmun ah om nak, khankho thai la khomdek thai cu, mi ngäng ci nei.

SAM 24:7

M’kawtnu gui cu m’auh vä, caupui m’kawt gui cu hmawng vä, ghangpughang mang cu lut lawk khai nei.

SAM 118:19

Pum im ah ng’vong m’kawt gui cu na k’hmawn pe ä; kei a cun ung lut ne Bawipa m’hlüngtai khai nei!

ISAIAH 45:25

Kei, Bawipa naw Jakob ah hta ng’shon avan cu ka gung gui khai nei, Ngami naw m’tamkhah nak na pek khai gui nei.

ISAIAH 54:17

Cun ung phi a i lik’htei naw phi nang cu kä ning nat sak khai; Nang ning bünphei ci phung cu nang naw na m’shang hlawt khai. Kei naw ka changshäm gui cu ka shungvong gui khai, näng nak ka pe gui khai.” Bawipa naw pyen püi ci.

ISAIAH 60:18

Kiawipang nak ah k’aw gui cu kä ng’yak ba vai nei; Nang ah khaw ung dishum nak phi kä om ba khai nei. Kei naw nang cu pigaw k’pang ah mäih ah ka ning shungvong khai. Nang naw na na m’hlüngtai khai a i ah kyasei ci ung kei naw ka ning hun ci.

ISAIAH 61:3

Thüikyah nak ah hnün ung yei kyak nak la hüithäw nak, A yä ci gui am m’hlüngtai nak ah ngäi cu, Zion ung thüi kyap kyap ci gui am pek gui vai nei. Ngami cu Bawipa amät naw ang lin ah sing ghing ah mäih ah kyak khai gui. Ngami ami van naw hman ci cu bik khai gui. Ani naw abi ah phäh ah khanpughi cu m’hlüng tai khai gui.

ISAIAH 62:1

Kei naw Jerusalem cu thagui pe ne ng’thu ka pyen khai; Ani naw hun nak kä a gah pha ah chuih kei cu kä ka om düt khai, Ani ah näng nak cu mü ung mei m’däi ah mäih ah ng’shü khai.